భర్త యొక్క అవెంజర్స్ టాయ్ కలెక్షన్స్ ను అమ్మడానికి ప్రయత్నించిన భార్య

సినిమా చూసిన తర్వాత బొమ్మలు కొన్నాడు ..

హాంకాంగ్ చెందిన ఈ వ్యక్తి వయసు 40లలో ఉంటుంది. అతను ఎవెంజర్స్ : ఎండ్ గేం సినిమా చూసిన తర్వాత, ఆ పాత్రలకు ప్రభావితమై కొన్ని ఐరన్ మాన్ యాక్షన్ బొమ్మలను కొనుగోలు చేయాలని నిర్ణయించుకున్నాడు.

కానీ అతని భార్యకు ఈ విధానం నచ్చలేదు …

అతనికి ఉన్నపళంగా వచ్చిన ఈ అలవాటు, భార్యకు నచ్చలేదు. క్రమంగా ఆ అవెంజర్స్ బొమ్మలను ఆన్లైన్లో అమ్మివేయాలన్న నిర్ణయానికి వచ్చింది. సరైన సమయంకోసం ఎదురుచూడసాగింది.

ఆమె షేర్ చేసిన పోస్ట్ …

ఒకసారి ఆమె భర్త వేరే ఊరికి కొన్నిరోజులు వెళ్ళవలసి రావడంతో, మంచి అవకాశం దొరికినట్లుగా భావించింది. క్రమంగా తక్కువ ఖరీదుకే ఈ బొమ్మలను అమ్మివేయాలని భావించింది. అనుకున్నదే తడవుగా, ఆ బొమ్మలను అమ్మివేయాలన్న సంకల్పంతో సామాజిక మాధ్యమాలలో ఈ విధంగా పోస్ట్ షేర్ చేసింది. " నా భర్త అవెంజర్స్ : ఎండ్ గేం సినిమా చూసిన తర్వాత, పిచ్చివానిగా ప్రవర్తిస్తున్నాడు. క్రమంగా అతని దైనందిక వృత్తికార్యకలాపాల మీద ఆ ప్రభావం పడుతూ ఉంది. ప్రతిరోజూ ఒకటి లేదా రెండు చొప్పున ఈ అవెంజర్స్ బొమ్మల బాక్సులను తీసుకుని వస్తూ ఉన్నాడు. ఇతనికి ఇప్పటికే 40+ వయసు ఉన్నా, చిన్న పిల్లవానివలె ప్రవర్తిస్తూ ఉన్నాడు. మా ఇల్లు అసలే చిన్నదిగా ఉంటుంది, ఈ బొమ్మలను ఇంటిలో అమర్చేందుకు కూడా తగిన జాగా లేదు. ఈ బొమ్మలను క్లియర్ చేయడానికి నాకు సహాయం చేయండి. నా భర్త ఇంటికి చేరేలోపునే ఈ బొమ్మలను కొంటే నాకు సహాయకంగా ఉంటుంది", అని.

ఈ పోస్ట్ నెటిజెన్స్ ఆగ్రహానికి దారితీసింది….

ఈ పోస్ట్ చదివిన, ప్రపంచ వ్యాప్తంగా ఉన్న అవెంజర్స్ ఫాన్స్, మరియు ఆమె ఆలోచనలను విభేదించిన నెటిజన్లు ఆగ్రహంతో రగిలిపోయారు. ఆమె తన భర్తని మోసంచేసి బొమ్మలను అమ్మే ప్రయత్నం చేయడం హేయనీయమని కొందరు అంటుండగా, కొందరైతే ఏకంగా తన భర్తతో ఆమెకు విడాకులు ఇప్పించాలి అంటూ పోస్టు కింద కామెంట్లు పెట్టడం ప్రారంభించారు. క్రమంగా ఆ మహిళ, ఈ పోస్ట్ను తొలగించింది కూడా.

ఇంతకీ ఈ సంఘటన గురించి మీరేం ఆలోచిస్తున్నారు ? మీ ఆలోచనలను క్రింద వ్యాఖ్యల విభాగంలో పంచుకోండి.

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర విషయాలతో పాటు. ఆరోగ్య, జీవనశైలి, మాతృ, శిశు సంక్షేమ, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి.