75 Years of Dandi March: దండి మార్చ్ కు ఎందుకంత క్రేజ్ వచ్చిందో తెలుసా...

దండి మార్చ్ అంటే...

దండి మార్చ్ నే ఉప్పు సత్యాగ్రహాం అని కూడా పిలుస్తారు. మహాత్మ గాంధీజీ నాయకత్వంలో ఆంగ్లేయుల నిరంకుశ పాలనకు వ్యతిరేకంగా శాంతియుతంగా జరిగిన ఉద్యమమే ఈ దండి మార్చ్. 1930లో మార్చి 12వ తేదీన ఈ మార్చ్ ని గుజరాత్ లోని దండి ప్రాంతంలో ప్రారంభించి, ఏప్రిల్ 15వ తేదీవ రకూ అంటే దాదాపు 24 రోజుల వరకు దీన్ని కొనసాగించారు.

40 కిలోమీటర్లు..

ఆ తర్వాత అక్కడికి 40 కిలోమీటర్ల దూరంలో ఉన్న ధరాసన పార్టీ పని మీద గాంధీజీ బయలుదేరగా.. ఆయనను మే 5వ తేదీన ఆంగ్లేయులు అరెస్టు చేశారు. అంతేకాదు ఈ మార్చ్ లో పాల్గొన్న వారిని కూడా ఒక్కొక్కరిగా అరెస్టు చేసుకుంటూ వెళ్లారు. దీంతో అప్పటి నుండి మన పూర్వీకులు బ్రిటీష్ వారికి సహాయ నిరాకరణ చేయడం ప్రారంభించారు.

పలు కార్యక్రమాలు..

గాంధీజీ చేపట్టిన ఈ ఉద్యమం 75 ఏళ్లు పూర్తి కావడంతో, ప్రస్తుతం ఆ రాష్ట్రంలో కొన్ని కార్యక్రమాలకు శ్రీకారం చుట్టారు. 1930 సంవత్సరంలో గాంధీజీ విశ్రాంతి తీసుకున్న ప్రాంతాల్లో ప్రత్యేక కార్యక్రమాలు నిర్వహించనున్నారు. ఇందులో గాంధీ పుట్టిన పోర్బందర్, రాజ్ కోట్, వడోదర, బర్దోలి(సూరత్), మాండ్వీ(కచ్), దండి(నవ్సారీ) ఉన్నాయి.

పాదయాత్ర..

ఈ ప్రత్యేక కార్యక్రమాలలో భాగంగా 21 రోజుల పాటు పాదయాత్ర చేయాలని రాజకీయ నాయకులు నిర్ణయించారు. వాకర్స్ విశ్రాంతి తీసుకునే ప్రాంతాల్లో కొన్ని కల్చరల్ ప్రోగ్రామ్స్ కూడా నిర్వహించనున్నారు. ఈ 21 రోజుల్లో ప్రతిరోజూ సుమారు 20 కిలోమీటర్ల చొప్పున నడవాలని, ఈ కార్యక్రమంలో రాజకీయ నాయకులు పాల్గొంటారని నిర్వాహకులు తెలిపారు. ఈ నేపథ్యంలో ప్రతి పది మందికి ఒక ఫిట్ నెస్ కోచ్ కూడా అందుబాటులో ఉంటారు. వారికి కావాల్సిన సౌకర్యాలు సరిగా ఉన్నాయా లేదా చూసుకుంటారు.

కాంగ్రెస్ ఆధ్వర్యంలోనూ..

ఈ దండి మార్చ్ కార్యక్రమాన్ని 2005 సంవత్సరంలో కాంగ్రెస్ ప్రభుత్వం కూడా ఓ భారీ కార్యక్రమాన్ని నిర్వహించింది. మార్చి 12వ తేదీన సబర్మతీ ఆశ్రమం వద్ద సోనియా గాంధీ ఈ మార్చ్ కార్యక్రమాన్ని ప్రారంభించారు. ముంబైకి చెందిన మహాత్మ గాంధీ ఫౌండేషన్ ఆధ్వర్యంలో ఈ కార్యక్రమం కొనసాగింది. ప్రస్తుతం జరగనున్న కార్యక్రమానికి కాంగ్రెస్ పార్టీ కూడా మద్దతు ఇస్తోంది. 75 వారాల పాటు స్వతంత్ర భారత్ ని చూపేలా తమ పార్టీ కార్యక్రమాలు నిర్వహిస్తుందని, గుజరాత్ కాంగ్రెస్ పార్టీ కూడా వెల్లడించింది.