Chanakya Niti: చాణక్య నీతి ప్రకారం ఈ 5 అంశాలు ప్రాణాలు తీస్తాయి, వాటితో జాగ్రత్త అవసరం

1. అగ్ని

ఆచార్య చాణక్యుడి ప్రకారం ఒక వ్యక్తి ఎప్పుడూ మంటకు దూరంగా ఉండాలి. అగ్నితో ఆటలు ఆడకూడదు. అగ్నితో ఆడుకోవడం ప్రాణాల మీదకు తీసుకువస్తుంది. నిప్పు ఏదైనా వ్యక్తిని లేదా వస్తువును క్షణాల్లో బూడిద చేయగలదు.

2. నీరు

నీరు జీవితానికి చాలా ముఖ్యమైనది. నీరు లేకుండా జీవితం సాగదు. కానీ కొన్ని సార్లు నీరు ప్రాణాంతకంగా మారుతుంది. ఈత కొట్టడం తెలియకపోతే నది, చెరువు, కాల్వల్లోకి దిగకూడదు. అలాంటి ప్రదేశాల్లో నీరు మన ప్రాణాలు తీస్తుంది.

3. పాము

ఆచార్య చాణక్యుడి ప్రకారం పాముతో చెలగాటం ఆడకూడదు. దాని విషం ప్రాణాలు తీయగలదు. పాలు పోసి పెంచినా కూడా పాము తన బుద్ధి మార్చుకోదు. అది కాటు వేస్తే విషం ఎక్కుతుంది. దానికి తర, తమ భేదాలు తెలియవని చాణక్యుడు చెప్పాడు.

4. తెలివితక్కువ వ్యక్తి

అగ్ని, నీరు, పాము ఎంత భయంకరమైనవో మూర్ఖుడు కూడా అంతకంటే ఎక్కువ ప్రమాదకరమైనవారు. వారితో సహవాసం చాలా ప్రమాదం. వారి తెలివితక్కువతనానికి మనం చాలా ఇబ్బందులు పడతాం. ఒక్కోసారి వారు చేసే పొరపాట్లు ప్రాణాల మీదకు తీసుకువస్తుంది.

5. రాజ కుటుంబం

ఆచార్య చాణక్యుడి ప్రకారం రాజ కుటుంబానికి చాలా అధికారాలు ఉంటాయి. వారితో సాధారణ వ్యక్తి ఎలాంటి గొడవ పెట్టుకోకపోవడం ఉత్తమం. వారి వద్ద ఉండే అధికారం, డబ్బు, పలుకుబడి మనకు ఇబ్బంది తెచ్చిపెట్టవచ్చు. వారితో కలహం ప్రాణాల మీదకూ తీసుకురావొచ్చు.