N95 మాస్కులు కరోనాను ఏమాత్రం కట్టడి చేయలేవట...

ఆ మాస్కులపై ఆసక్తి..

కరోనా వైరస్ వచ్చినప్పటి నుండి చాలా మంది ఎన్95 మాస్కులను ధరించడానికి చాలా ఆసక్తి చూపారు. సాధారణ మాస్కు కంటే దీని ధర 10 రెట్లకు పైగా అధికంగా ఉన్నప్పటికీ దీనికే మొగ్గు చూపేవారు.

కరోనా వ్యాప్తిని అడ్డుకోలేవు..

ఎన్95 మాస్కు కరోనా సోకకుండా కాపాడటంలో ఏ మాత్రం సురక్షితం కాదనే అంశం ఇటీవల చాలా చర్చనీయాంశమైంది. దీనికి ఉండే వాల్వ్ రంధ్రాలు కరోనా వైరస్ నుండి ఏ మాత్రం కాపాడలేవట. ఈ విషయాన్ని ఎవరో కాదు కేంద్ర ప్రభుత్వ ఆరోగ్య శాఖకు చెందిన వైద్య నిపుణులే ఈ హెచ్చరికలు జారీ చేస్తున్నారు.

కరోనా సోకే ప్రమాదం..

ఎన్95 వాల్వులు ఉన్న మాస్కు కరోనా నుండి కాపాడలేకపోవడమే కాదు.. వాటి వల్ల వైరస్ సోకే ప్రమాదం ఉందని ‘డైరెక్టర్ జనరల్ ఆఫ్ హెల్త్ సర్వీసెస్'హెచ్చరించింది.

సాధారణ మాస్కులే బెటర్..

‘వాల్వ్ కలిగిన ఎన్95 మాస్కులతో ఎలాంటి ఉపయోగం లేదు. వ్యక్తి నోటి నుంచి బయటకు విడుదలయ్యే వైరస్ ను అవి ఆపలేవు. కరోనా వ్యాప్తిని అడ్డుకునే చర్యలకు ఇది అవరోధంగా మారుతుంది. సాధారణ మాస్కులే బెటర్. ముక్కు, నోరు పూర్తిగా మూసేసే మాస్కులను మాత్రమే వినియోగించాలి' అని కేంద్రం ఆదేశాలు జారీ చేసింది.

పలు దేశాల్లో నిషేధం..

రెస్పిరేటరీ వాల్వ్ మాస్కుల వాడకాన్ని ఇదివరకే కొన్ని దేశాలు కూడా నిషేధించాయి. ఇలాంటి మాస్కులను కేవలం పారిశ్రామిక ప్రదేశాలు, ఫ్యాక్టరీలలో పని చేసే సిబ్బంది మాత్రమే ఉపయోగిస్తారట. ఇందులో ఉండే రెస్పిరేటరీ వాల్వ్ లు వాతావరణంలో ఉండే గాలిని శుద్ధి చేసి మనకు అందిస్తాయి.

మాస్కులు ఎలా తయారు చేయాలంటే..

ఇంట్లో ఎలాంటి మాస్కులను ఎలా తయారు చేయాలో కేంద్ర ప్రభుత్వం ఎప్పుడో మార్గదర్శకాలను విడుదల చేసింది. వాటి ప్రకారం ముఖం మరియు నోటికి బాగా సరిపోతాయని ముఖం మొత్తాన్ని కప్పి ఉంచాలని గుర్తుంచుకోండి.

మాస్కు ధరించే ముందు..

మాస్కును ధరించే ప్రతి ఒక్కరూ ఈ విషయాలను తప్పకుండా గుర్తుంచుకోవాలి. మంచినీటితో సబ్బుతో కడగాలి. అంతవరకూ ముసుగును ఎట్టి పరిస్థితుల్లో వాడకూడదు. మీ మాస్కును ఎవరితోనూ పంచుకోవద్దు. కుటుంబంలోని ప్రతి ఒక్క సభ్యుడు సొంత మాస్క్ ఉండటం తప్పనిసరి అని గుర్తుంచుకోవాలి.