Christmas 2021:క్రిస్మస్ పండుగ వేళ ఎక్కువ మంది ఎలాంటి పనులు చేస్తారో తెలుసా...

కానుకల పండుగ..

క్రిస్మస్ పండుగ అంటేనే కానుకలు. ఈ వేడుకల వేళ శాంటా తాత వచ్చి అందరికీ కానుకలు ఇస్తాడని చాలా మంది నమ్ముతారు. అందుకే ఈ ఫెస్టివల్ వచ్చిందంటే చాలు అందరూ తమకు ఎలాంటి గిఫ్ట్ లభిస్తుందా అని ఎంతో ఆశతో ఎదురుచూస్తుంటారు. కొందరు పెద్దలు వారే శాంటా క్లాజ్ గా మారిపోయి తమ కుటుంబసభ్యులు, స్నేహితులకు సర్ ప్రైజ్ ఇస్తుంటారు. అలాగే పేద పిల్లలకు బహుమతులను అందిస్తూ ఉంటారు.

అనాధలతో వేడుకలు..

క్రిస్మస్ పండుగ వేళ కొందరు వ్యక్తులు శాంటా లేదా సీక్రెట్ శాంటాగా మారువేశాలు వేసుకుని, తమ స్నేహితులకు, ఫ్యామిలీకి గిఫ్టులు ఇచ్చే సంగతి గురించి మనలో చాలా మందికి తెలుసు. అయితే ఇంకా కొందరు వ్యక్తులు మాత్రం ఈ పండుగ వేళ అనాధలకు ఏమి కావాలో తెలుసుకుని.. వారికి పండుగ బహుమతులు ఇస్తుంటారు. వారితోనే పండుగ సంబరాలను జరుపుకుంటారు.

క్రిస్మస్ ట్రీ..

క్రిస్మస్ పండుగ వచ్చిందంటే చాలు మనలో చాలా మందికి గుర్తుకొచ్చేది క్రిస్మస్ ట్రీ, క్రిస్మస్ కేక్, శాంటా క్లాజ్. అందుకే క్రిస్మస్ పండుగ వేళ క్రియేటివ్ ఆలోచనలతో చాలా మంది క్రిస్టియన్లు తమ ఇంటిని అందంగా డెకరేట్ చేస్తుంటారు. అంతేకాదు ఆ చెట్టు కింద గిఫ్టులను పెడుతుంటారు. దీని వల్ల వారి క్రియెటివిటీ పెరుగుతుందని భావిస్తారు.

ప్రత్యేక వంటకాలు..

క్రిస్మస్ పండుగ వేళ చాలా మంది కేక్ కట్ చేసి సంబరాలు జరుపుకుంటారు. అయితే కొంచెం స్పెషల్ గా జరుపుకోవాలనుకునే వారు రమ్ కేక్, హాట్ చాక్లెట్ వంటివి మేకింగ్ చేస్తుంటారు. అయితే క్రిస్మస్ సందర్భంగా చాలా మంది ప్రత్యేక వంటకాలను తయారు చేసేందుకు సన్నద్ధమవుతుంటారు. అలా ప్రయత్నించి తమలో టాలెంట్ ను బయటపెట్టాలని ఆశిస్తూ ఉంటారు.

ఫ్రెండ్స్ తో పార్టీ..

మనలో చాలా మంది ఏదైనా సందర్భం వచ్చిందంటే చాలు ఫ్రెండ్స్ తో కలిసి పార్టీ చేసుకుంటూ ఉంటాం. అయితే క్రిస్మస్ పండుగ వేళ హ్యాపీగా గడిపేందుకు పార్టీలను చాలా డిఫరెంట్ గా ప్లాన్ చేస్తారట. అయితే ప్రస్తుతం కరోనా మహమ్మారి కారణంగా చాలా మంది హోటళ్లు, రెస్టారెంట్లలో కాకుండా ఇళ్లల్లోనే పార్టీలు జరుపుకునేందుకు సిద్ధమవుతున్నారు. గత రెండు సంవత్సరాల పాటు కూడా ఇంట్లోనే డిస్కో లైట్లతో పార్టీ మూడ్ తెచ్చుకున్నారట.

హోమ్ డెకరేషన్..

సాధారణంగా ఏ పండుగ వచ్చినా మనలో చాలా మంది తమ ఇళ్లను శుభ్రం చేసుకుంటారు. అయితే క్రిస్మస్ పండుగ వేళ మాత్రం హోమ్ డెకరేషన్ కు పెద్ద పీట వేస్తారట. అయితే ప్రతి సంవత్సరం కొంచెం ప్రత్యేకంగా ప్రయత్నిస్తారట. ఇందుకోసం ఆన్ లైనులో ఉన్న సింపుల్ ట్రిక్స్ ను ఫాలో అవుతుంటారు చాలా మంది. అందులో భాగంగానే చిన్న చిన్న స్టార్స్, గిఫ్ట్ బాక్సులు, పేపర్ ఫ్లవర్స్.. వంటి వాటితో అద్భుతమైన డెకరేషన్లు ప్లాన్ చేస్తారట.

కొత్త జంటలు..

క్రిస్మస్ పండుగ వేళ కొత్త జంటలు క్యాండిల్ లైట్ డిన్నర్ లేదా క్యాంప్ ఫైర్ ప్లాన్ చేసుకొని రాత్రంతా రొమాంటిక్ గా గడపాలని కోరుకుంటారట. ఇక డిన్నర్ లో క్రిస్మస్ ప్రత్యేక వంటకాలన్నీ ఉండేలా చూసుకుంటారట. ఇలా వీలు కాని వారు ఏదైనా హోటల్ కు వెళ్తారట.