Penumbral Lunar Eclipse July 4-5 2020 : ఉంబ్రా చంద్ర గ్రహణమెప్పుడు... ఎక్కడో చూసేయ్యండి...

జులై 5న చంద్ర గ్రహణం..

జులై నెలలో 5వ తేదీ మూడో చంద్ర గ్రహణం ధనస్సు రాశిలో జరుగుతుంది. ఈ కారణంగా ధనస్సు రాశి వారికి కొన్ని సమస్యలు పెరుగుతాయి. అయితే దాని ప్రభావం తగ్గించుకోవడానికి ఇప్పటినుండే దాని నివారణ చర్యలు తీసుకోవడం ప్రారంభించాలి.

ఈ సమయంలో..

జులై నెలలో చంద్ర గ్రహణం 5వ తేదీ ఆదివారం నాడు ఉదయం 8:38 నుండి ఉదయం 11.21 గంటల వరకు ఉంటుంది. ఇది మొత్తం 2 గంటల 43 నిమిషాల 24 సెకన్లపాటు ఉంటుంది. అయితే ఇది ఆయా ప్రాంతాలను బట్టి సమయంలో స్వల్పమార్పులు కూడా ఉంటాయి. దీన్ని మీరు గమనించాలి. మరో గ్రహణం నవంబర్ 30వ తేదీన సోమవారం మధ్యాహ్నం 1:34 నుండి సాయంత్రం 5:22 గంటల వరకు జరుగుతుంది.

ఎక్కడ కనిపిస్తుందంటే?

జులై 5వ తేదీన చంద్ర గ్రహణం జరగబోతోంది. ఇది మన దేశంతో పాటు అమెరికా, యూరప్ మరియు ఆస్ట్రేలియాతో పాటు దక్షిణ ఆసియాలోని కొన్ని ప్రాంతాల్లో కనిపిస్తుంది. నాలుగో గ్రహణం నవంబర్ 30న జరుగుతుంది. ఇది ఆసియా, ఆస్ట్రేలియా, పసిఫిక్ మహా సముద్రం, అమెరికాలోని కొన్ని ప్రాంతాల్లో కనిపిస్తుంది.

ఏమీ తినరు..

మన దేశంలో చాలా మందికి చంద్ర గ్రహణం వల్ల మంచి లేదా చెడు జరుగుతుందని పండితులు చెబుతుంటారు. అలా కొంతమందికి గ్రహణం వల్ల సానుకూల ఫలితాలు వస్తాయి. మరికొందరికి మాత్రం ప్రతికూల ఫలితాలు ఏర్పడుతాయి. అందుకే గ్రహణం సమయంలో ఎవ్వరు ఏమి తినరు. ఎక్కువ మంది ఉపవాసమే ఉంటారు.

గ్రహణం సమయంలో..

మన దేశంలో సూర్య గ్రహణమైనా.. చంద్ర గ్రహణమైనా.. భూమి ఆకర్షణ, విక్షరణ బలాల వల్ల కడుపులో ఆహారం సరిగా జీర్ణం కాదని చాలా మంది భావిస్తారు. అందుకే గ్రహణం సమయలో ఎలాంటి ఆహారం తీసుకోకూడదని చెబుతుంటారు.

ప్రభావం ఉండదు..

జులై 5న ఏర్పడబోయే పాక్షిక చంద్ర గ్రహణం వల్ల ఎవ్వరిపైనా ఎటువంటి ప్రభావం ఉండదు. ఏదైనా శుభకార్యాలకు ఎలాంటి నిషేధాలు ఉండవు. అలాగే దేవున్ని ఆరాధించడం, ఉపవాసం వంటివి చేయొచ్చు. అలాగే గ్రహణం యొక్క నియమాలను పాటిస్తే మంచిది.

సైన్స్ ప్రకారం..

ఇక శాస్త్రవేత్తలు మాత్రం గ్రహణానికీ.. ఆహారం తినడానికీ ఎలాంటి సంబంధం లేదంటున్నారు. ఈ గ్రహణాలు అనేవి సహజంగా ఏర్పడుతుంటాయనీ, వీటిని పెద్దగా నమ్మాల్సిన పని లేదని కొట్టిపారేస్తున్నారు. ఈసారి గ్రహణాన్ని చూసేందుకు నాసా శాస్త్రవేత్తలతో సహా.. అమెరికా, యూరప్, ఆఫ్రికా దేశాల ప్రజలు సిద్ధమవుతున్నారు.