చంద్ర గ్రహణం జూన్ 2020 : ఈ నెలలోనే వచ్చే 2 గ్రహణాలు ఎలాంటి ప్రభావం చూపుతాయంటే...

ఎప్పుడు ప్రారంభమవుతుందంటే..

హిందూ క్యాలెండర్ ప్రకారం జ్యేష్ఠ మాసంలో జూన్ 5న చంద్రగ్రహణం ఏర్పడనుంది. ఆ రోజున గ్రహణం సుమారు అర్థరాత్రి 11.16 గంటలకు ప్రారంభమవుతుంది. అలా మొదలైన గ్రహణం జూన్ 6వ తేదీన తెల్లవారుజామున 2:34 గంటలకు ముగుస్తుంది.

సంపూర్ణ చంద్ర గ్రహణం..

ఈ చంద్ర గ్రహణాన్ని దేశవ్యాప్తంగా అన్ని ప్రదేశాల్లో ఉండే వారు చూడొచ్చు. సంపూర్ణ చంద్రగ్రహణం కారణంగా చంద్రుడి ఆకారంలో ఎలాంటి మార్పులు సంభవించవు. అయితే చంద్రుడిలో కొంత కాంతి తక్కువగా అయిపోతుంది. ఈ సంవత్సరంలో ఇప్పటికే జనవరి నెల 10వ తేదీన తొలి చంద్రగ్రహణం కూడా పూర్తయ్యింది.

మరో గ్రహణం..

జూన్ 5వ తేదీ రెండు చంద్ర గ్రహణాలు పూర్తవుతున్నా.. ఇంతవరకు సూర్య గ్రహణం ఏర్పడలేదు. కానీ ఇదే నెలలో జూన్ 21వ తేదీన సూర్య గ్రహణం ఏర్పడనుంది. ఈ గ్రహణం ఆరోజున ఉదయం 9:15 గంటలకు మొదలవుతుంది. ఆ సమయంలో సూర్యుడు దాదాపు 100 శాతం కనిపించకపోవచ్చు. అయితే అక్కడక్కడా కొంతకాంతి ప్రసరిస్తుంది.

ఎంతసేపు ఉంటుందంటే..

ఈ సూర్య గ్రహణం చంద్ర గ్రహణం కన్నా ఎక్కువగానే ఉంటుంద. ఇది దాదాపు 5 గంటల 48 నిమిషాల 3 సెకండ్ల పాటు కొనసాగనుంది. ఈ గ్రహణాన్ని మన దేశంతో పాటు చైనా, ఆఫ్రికా, ఐరోపా వంటి దేశాల వారు కూడా చూడొచ్చు. దీని ప్రభావం వీటితో పాటు ఇంకా చాలా దేశాల్లో పడుతుంది. ఇప్పటికే కరోనా వైరస్ ప్రభావంతో విశ్వవ్యాప్తంగా ప్రజలు తీవ్ర సమస్యలు ఎదుర్కొంటున్నారు. ఆర్థిక సమస్యలు అందరినీ వేధిస్తున్నాయి.

వచ్చేనెలలోనే మూడో గ్రహణం..

జూన్ 5వ తేదీన రెండో చంద్ర గ్రహణం పూర్తయిన, నెల రోజుల్లోనే మూడో చంద్ర గ్రహణం కూడా ఏర్పడనుంది. జులై మొదటివారంలో ఈ గ్రహణం ఏర్పడనుంది. ఇది కూడా మిగిలిన రెండు గ్రహాణాల మాదిరిగా సంపూర్ణ చంద్రగ్రహణం కాకుండా పాక్షికంగా ఏర్పడనుంది. అయితే ఈ చంద్ర గ్రహణాన్ని భారతదేశ ప్రజలు చూడలేరు. ఎందుకంటే ఇది ఏర్పడేది పగటిపూట. ఆ సమయంలో సూర్యుడు ఉండటం వల్ల ఈ గ్రహణం ప్రభావం మన దేశంపై అంతగా ఉండకపోవచ్చు.

చివరి గ్రహణం ఎప్పుడంటే..

ఇక చివరి గ్రహణం మాత్రం డిసెంబరు నెలలో ఏర్పడనుంది. డిసెంబర్ 14వ తేదీన సూర్య గ్రహణంతో ఈ 2020 సంవత్సరం ముగుస్తుంది. ఈ గ్రహణం యొక్క ప్రభావం కూడా మన దేశంపై అంతగా ఉండదు. ఎందుకంటే ఈ సూర్య గ్రహణాన్ని భారత ప్రజలు చూడలేరు. ఎందుకంటే సూర్య గ్రహణం ప్రారంభమయ్యే లోపే సూర్యాస్తమయం అయిపోతుంది. అప్పటికే సగం సమయం గ్రహణంలోనే గడిచిపోతుంది. దీని కారణంగా మనం ఈ గ్రహణాన్నిచూడలేం.