Just In
- 13 hrs ago గుడ్నైట్ సందేశాలను ఇలా సరదాగా పంపుకోండి..
- 13 hrs ago అరెంజ్ మ్యారెజ్ చేసుకోవాలనుకుంటున్నారా ? అయితే ఈ ముఖ్యమైన విషయాలను తెలుసుకోవాల్సిందే..
- 16 hrs ago Happy Birthday Wishes : పుట్టినరోజు శుభాకాంక్షలను ఇలా అందంగా తెలపండి..
- 18 hrs ago Gruha Pravesham Wishes : గృహప్రవేశం శుభాకాంక్షలను ఇలా తెలపండి..
ఆగస్టులో పుట్టిన వారంతా అద్భుత శక్తులను కలిగి ఉంటారా?
మీరు ఆగస్టు నెలలో పుట్టారా? అయితే ఈ ఇంట్రస్టింగ్ విషయాలు మీ కోసమే.. అవేంటో చూసేయండి.
ఈ విశ్వంలో ఏ ఒక్క మనిషి అభిప్రాయాలు.. లక్షణాలు, స్వభావం ఒకే రకంగా ఉండదు. దీనికి అనేక కారణాలున్నాయి. అందులో ఒకటి వారు పుట్టిన తేదీ, నెల, సమయం. ఇది వారి వ్యక్తిత్వ లక్షణాలపై ప్రభావం చూపుతుందని చాలా మంది నమ్ముతారు.
జ్యోతిష్యశాస్త్రం ప్రకారం ఆగస్టు నెలలో పుట్టిన వారికి అధిపతిగా సూర్యుడు మరియు చంద్రుడు అధిపతిగా ఉంటారు. ఈ కారణంగానే వీరికి ప్రత్యేకంగా ఉంటుంది. వీరి అద్భుతమైన ప్రతిభ వల్లే మీరు నలుగురిలో ప్రత్యేక ఆకర్షణగా నిలుస్తారు. ఈ సందర్భంగా ఆగస్టు నెలలో జన్మించిన వ్యక్తులకు ఎలాంటి ప్రత్యేకమైన లక్షణాలు ఉంటాయో ఇప్పుడు తెలుసుకుందాం...
ఆగస్టు నెలలో మీ రాశి ఫలాలు ఎలా ఉన్నాయో చూడండి... ఓ రాశి నిరుద్యోగులకు ఉద్యోగావకాశం వస్తుంది...!
అడ్డంకులను అధిగమిస్తారు..
ఆగస్టు నెలలో జన్మించిన వ్యక్తులు అధిక ప్రేరణ కలిగి ఉంటారు. వీరికి ఎలాంటి ఒత్తిడి ఉండదు. వీరి కెరీర్ లో తమ లక్ష్యాలను సాధించడానికి, ఉత్తమమైనవి పొందేందుకు ఎదురయ్యే ప్రతి అడ్డంకిని అవలీలగా అధిగమిస్తారు. వీరిలో మరో గొప్ప విశేషమేమిటంటే.. వీరు ఎప్పుడైనా విఫలమైతే వారి ఆశను కోల్పోరు. వాస్తవానికి, వారు తమ లక్ష్యాలను చేరుకునే వరకు ప్రయత్నిస్తూనే ఉంటారు.
ఏకాంతంగా ఉండేందుకు..
చాలా మంది వ్యక్తులు కొన్ని సందర్భాల్లో తమకంటూ ప్రత్యేక సమయం.. ఏకాంతం కావాలని కోరుకుంటారు. అలాంటి వారిలో ఆగస్టు నెలలో జన్మించిన వారు కూడా ఉంటారు. అది వారి వ్యక్తిగతంగా అయినా.. పని విషయంలో అయినా.. ఎవ్వరికీ అవకాశం ఇవ్వరు. వీరు అందరితో బాగా మాట్లాడే స్వభావం కలిగి ఉన్నప్పటికీ, వీరు ఎవ్వరినీ అంత తేలికగా విశ్వసించరు. వీరు దేన్నైతే నమ్ముతారో.. దాన్నే విశ్వసిస్తారు.
తమలోని బాధ గురించి..
ఈ నెలలో జన్మించిన వారు తమ భావాలను ఎదుటివారితో ఎప్పటికీ షేర్ చేసుకోరు. వారు తమలో ఉన్న బాధను తామే అనుభవిస్తారు. అయితే ఇది బయటకు కనబడకుండా ముఖంపై చిరునవ్వును ఉంచేందుకు ప్రయత్నిస్తారు.
మీ రాశిని బట్టి, మీ నిజమైన మిత్రులు మరియు శత్రువులు ఎవరో తెలుసుకోండి...!
బలమైన నాయకత్వ లక్షణాలు..
ఆగస్టు నెలలో జన్మించిన వారికి బలమైన నాయకత్వ నైపుణ్యాలు ఉన్నాయి. వీరు ప్రజలను నడిపించడానికి మరియు వారి అసాధారణమైన నిర్వాహక నైపుణ్యాలను నిరూపించడానికి, వారి తేజస్సు మరియు తెలివితేటలను ఎలా ఉపయోగించాలో వారికి బాగా తెలుసు. వీరి స్కిల్స్ ను చూసి చాలా మంది ఆశ్చర్యపోతారు.
డైనమిక్ వ్యక్తిత్వం..
ఈ నెలలో జన్మించిన వారు స్నేహితులతో ఎక్కువగా గడిపేందుకు ఇష్టపడతారు. ఇది వీరి వ్యక్తిత్వ లక్షణాలలో ఒకటి. వీరి తేజస్సు మరియు ఆకర్షణీయమైన వ్యక్తిత్వం కారణంగా వీరు వినోద రంగంలో మంచి కీర్తి, ప్రతిష్టలను సంపాదించుకుంటారు. ఇది మాత్రమే కాదు.. వీరు చేసే పనులు కూడా విభిన్నంగా ఉండేలా చూసుకంటారు.
మొండి పట్టుదల..
ఈ నెలలో పుట్టిన వారికి కొన్ని చెడు లక్షణాలు కూడా ఉన్నాయి. వీరు కొన్ని సార్లు కొన్ని విషయాల్లో మొండిగా వ్యవహరిస్తారు. కొన్నిసార్లు వీరి అహంకారంగా ఉంటారు. అంతేకాదు, వీరు కోపాన్ని నియంత్రించుకోవడానికి చాలా కష్టపడాల్సి ఉంటుంది.
Mercury Transit in Cancer : ఈ రాశుల వారికి అద్భుత ప్రయోజనాలు...!
ఇతరులను ఆకట్టుకోవడంలో..
ఈ నెలలో జన్మించిన వారు రిలేషన్ షిప్ మరియు డేటింగ్ వంటి విషయాలలో చాలా స్పష్టతతో ఉంటారు. ఇలాంటి లక్షణాలు ఉండటం తప్పేమీ కాదు. అయితే వీరు ఇతరులను ఆకట్టుకోవడానికి చాలా కష్టపడతారు. ఎందుకంటే వీరు అర్హత ఏమిటో బాగా తెలుసు. అందుకే వీరు విలాసమైన భాగస్వామిని.. ఖరీదైన రెస్టారెంట్లలో డిన్నర్, బహుమతులు వంటి వాటిని కోరుకోరు. వీరు తమ భాగస్వామి నుండి నిజమైన ప్రేమ, సంరక్షణ, మరియు మద్దతును మాత్రమే ఆశిస్తారు.
డబ్బుల ఖర్చు విషయంలో..
ఈ నెలలో జన్మించిన వారు డబ్బుల ఖర్చు విషయంలో చాలా తెలివిగా వ్యవహరిస్తారు. వీరు అనవసరమైన వాటిని కొనుగోలు చేసి ఖర్చులు చేయరు. అలాగే వీరు ఎవరైనా అనవసరమైన వాటిని కొనుగోలు చేస్తే వారిని ద్వేషిస్తారు. వీరు ఆర్థిక పరమైన విషయాల్లో చాలా మంచిగా ఉంటారు. డబ్బును ఎలా ఆదా చేయాలో వీరికి బాగా తెలుసు. వీరు ఇతరుల నుండి డబ్బు తీసుకోవడం అనేది కూడా చాలా అరుదుగా సాగుతుంది.
చిరాకు పడతారు..
ఈ నెలలో పుట్టిన వారికి, కొంటె ప్రశ్నలు వేయడం.. కుళ్లు జోకులు వేయడం వంటివి ఇష్టం ఉండదు. ఇలాంటి పనులు చేసే వారిని వీరు ఇష్టపడరు. కొన్ని సమయాల్లో వీరు చిన్న విషయాలకు కూడా చిరాకు పడుతుంటారు. వీరు ఒకసారి చిరాకుపడితే, వీరు దాన్ని వ్యక్తం చేయడానికి కూడా వెనుకాడరు.
సహనంతో ఉంటారు..
ఈ నెలలో పుట్టిన వారు చాలా ఓపికగా ఉంటారు. వీరు సహనాన్ని అంత తేలికగా కోల్పోరు. వీరు ఇతరులపై కోపం తెచ్చుకోవడం అనేది అంత తేలికగా జరగదు. అయితే వీరు కోపం తెచ్చుకున్న తర్వాత, పరిస్థితులు చాలా దారుణంగా ఉంటాయి.
బోధనలో మంచి పట్టు..
ఈ నెలలో జన్మించిన వారిలో విద్యార్థిగా ఉన్నప్పుడే బోధనా రంగంవైపు ఆసక్తిని పెంచుకుంటారు. వీరు ఏదైనా విషయాన్ని గ్రహించి ఇతరులకు వివరించడంలో మంచి నైపుణ్యతను కలిగి ఉంటారు. పరీక్షలకు ముందు వీరు మంచి స్ఫూర్తిని నింపుతారు.
ఎల్లప్పుడూ సరైన వ్యక్తులుగా..
చివరగా మీరు నమ్మినా.. నమ్మకపోయినా ఈ నెలలో జన్మించిన వారు ఎల్లప్పుడూ సరైన వ్యక్తులుగా ఉంటారు. ఎందుకంటే వీరు స్వభావం రీత్యా చాలా తెలివైన వారు. వీరు ఆన్ లైన్ లో కలుసుకున్న అమ్మాయి/అబ్బాయితో డేటింగ్ చేయాలా లేదా కొత్త ఉద్యోగం కోసం అన్వేషించాలా అనే విషయాలపై చాలా స్పష్టత కలిగి ఉంటారు. ఇలాంటి విషయాల్లో 10కి 9 సార్లు సరైన నిర్ణయాలే తీసుకుంటారు.
ఇంకా ఈ నెలలో జన్మించిన వారు ఇంకా అనేక ప్రతిభ మరియు ఇతర లక్షణాలతో నిండి ఉన్నారు. అంతకంటే ముందు మీరు ఆగస్టులో జన్మించి ఉంటే.. మీకు అందరికంటే ముందుగా పుట్టినరోజు శుభాకాంక్షలు.