Solar and Lunar Eclipse 2021: మే నెలలో తొలి చంద్ర గ్రహణం.. ఈ ఏడాది సూర్య, చంద్ర గ్రహణాలెప్పుడో తెలుసా..

నాలుగు గ్రహణాలు..

ఈ ఏడాది మొత్తం నాలుగు గ్రహణాలు సంభవించనున్నాయి. అందులో రెండు సూర్య గ్రహణాలు మరియు రెండు చంద్ర గ్రహణాలు ఉన్నాయి. ఈ గ్రహణాలు ప్రజలతో పాటు ప్రాంతాలు, దేశాలతో పాటు ప్రపంచంపైనా ప్రభావం చూపనున్నాయి.

తొలి చంద్ర గ్రహణం..

2021 సంవత్సరంలో మే మాసంలో 26వ తేదీ అంటే బుధవారం రోజున మొదటి చంద్ర గ్రహణం ఏర్పడబోతోంది. ఈ చంద్ర గ్రహణం అమెరికా, ఆస్ట్రేలియా, ఆసియా పసిఫిక్ మహాసముద్రం ప్రాంతం మరియు భారతదేశంలో కనిపించనుంది. మన దేశంలో పాక్షిక చంద్ర గ్రహణం కాగా.. మిగతా చోట్ల సంపూర్ణ చంద్ర గ్రహణం గా ఉంటుంది.

రెండో చంద్ర గ్రహణం..

2021 సంవత్సరంలోనే రెండోది మరియు చివరిది అయిన చంద్ర గ్రహణం నవంబర్ 19వ తేదీన ఏర్పడబోతోంది. ఇది కూడా పాక్షిక గ్రహణంగా ఉంటుంది. ఈ గ్రహణం మన దేశంతో పాటు ఉత్తర ఐరోపా, పసిఫిక్ మహాసముద్రం, అమెరికా మరియు ఆస్ట్రేలియాలో ఎక్కువగా కనిపిస్తుంది.

తొలి సూర్య గ్రహణం..

ఈ ఏడాది తొలి సూర్య గ్రహణం జూన్ 10వ తేదీన ఏర్పడబోతోంది. ఇది పాక్షిక సూర్య గ్రహణంగా ఏర్పడుతుంది. ఈ సూర్య గ్రహణం భారతదేశం, ఉత్తర అమెరికా, కెనడా, రష్యా, గ్రీన్లాండ్, యూరప్ మరియు ఆసియాలో ఎక్కువగా కనిపిస్తుంది.

రెండో సూర్య గ్రహణం..

ఈ సంవత్సరంలో రెండోది మరియు చివరిది అయిన సూర్య గ్రహణం డిసెంబర్ 4వ తేదీన సంభవించనుంది. ఇది దక్షిణ అమెరికా, దక్షిణాఫ్రికా, అంటార్కిటికా మరియు ఆస్ట్రేలియాలో ఎక్కువగా కనిపిస్తుంది. ఇది భారతదేశంలో కనిపించదు.