Solar Eclipse 2021:'Ring of Fire'తొలి సూర్యగ్రహణాన్ని ఎప్పుడు, ఎక్కడ చూడొచ్చు...

రింగ్ ఆఫ్ ఫైర్ అంటే ఏమిటి?

గ్రహణం సమయంలో చంద్రుడు, సూర్యుడు నుండి ఎక్కువ దూరంలో ఉన్నప్పుడు వలయాకారం(రింగ్ ఆఫ్ ఫైర్) ఏర్పడుతుంది. ఈ కారణంగా అది పూర్తిగా కప్పబడి ఉండదు. చంద్రుడు సూర్యుని కేంద్రాన్ని మాత్రమే కవర్ చేయగలడు. అలాంటి సమయంలో సూర్యుని ఉపరితలం యొక్క కాంతి మాత్రమే భూమికి చేరుకుంటుంది. ఇది రింగ్ ఆఫ్ ఫైర్ లాగా కనిపిస్తుంది. దీన్నే రింగ్ ఆఫ్ ఫైర్ అని అంటారు.

దీన్ని ఎక్కడ చూడొచ్చు..

ఈ రింగ్ ఆఫ్ ఫైర్, తొలి సూర్య గ్రహణాన్ని ఈశాన్య అమెరికా మరియు తూర్పు కెనడా ప్రజలు పాక్షికంగా చూడగలరు. ఉత్తర కెనడా, గ్రీన్లాండ్ మరియు రష్యాలోని ప్రజలు రింగ్ ఆఫ్ ఫైర్ సూర్యగ్రహణాన్ని చూడగలరు. ‘రింగ్ ఆఫ్ ఫైర్' ఉత్తర అంటార్కిటికా మరియు క్యూబెక్ సమీపంలోని ఒక చిన్న ప్రాంతంలో ఇది కనిపిస్తుంది. స్పెయిన్, జర్మనీ, యునైటెడ్ కింగ్ డమ్, ఫ్రాన్స్ మరియు స్కాండినేవియాతో సహా ఉత్తర ఐరోపా ప్రజలు కూడా పాక్షిక సూర్య గ్రహణాన్ని చూడగలరు.

భారతదేశంలో రింగ్ ఆఫ్ ఫైర్ కనిపిస్తుందా?

మన దేశంలో మొదటి సూర్యగ్రహణం ‘రింగ్ ఆఫ్ ఫైర్' యొక్క అద్భుతమైన దృశ్యం కనిపించదు. అయితే మీరు దీన్ని ఆన్ లైన్ వేదికగా చూడొచ్చు. ఇది తూర్పు రాష్ట్రమైన అరుణాచల్ ప్రదేశ్ సహా భారతదేశంలోని కొన్ని రాష్ట్రాల్లో కనిపించనుంది. ఈ నేపథ్యంలో భారతదేశంలో కూడా పాక్షిక సూర్యగ్రహణాన్ని వీక్షించవచ్చు. అయితే ఇందులో సుతక్ కాలం చెల్లుబాటు కాదు.

సూర్య గ్రహణ సమయం..

2021 సంవత్సరంలో జూన్ 10వ తేదీన మధ్యాహ్నం 1:42 నుండి తొలి సూర్యగ్రహణం ప్రారంభమవుతుంది. ఇది సాయంత్రం 6:41 గంటల వరకు కనిపిస్తుంది.

ఇవి చేయకండి..

మన దేశంలో సూర్య గ్రహణ ప్రభావం కనిపించనప్పటికీ.. జ్యోతిష్య పండితుల ప్రకారం.. గర్భిణులు ఈ సమయంలో జాగ్రత్తగా ఉండాలి.

- సూర్య గ్రహణం సమయంలో గర్భిణులు ఎలాంటి పదార్థాలు తినడం గానీ.. తాగడం గానీ చేయకండి.

- సూర్య గ్రహణాన్ని మీ కళ్లతో నేరుగా చూడకండి. ఎందుకంటే దీని వల్ల మీ కళ్లు దెబ్బ తినొచ్చు.

- సూర్య గ్రహణం సమయంలో ఎలాంటి పూజలు చేయకండి.

ఎందుకంటే సూర్యుడు దేవుని విగ్రహాలను అపవిత్రం చేస్తాడని చాలా మంది నమ్్ముతారు.

ఇవి చేయండి..

- సూర్య గ్రహణానికి ముందు స్నానం చేయండి.

- సూర్య గ్రహణం సమయంలో సూర్య మంత్రాలు జపించండి.

- సూర్య గ్రహణం సమయంలో ఎవరిపై కోపం పడొద్దు. ప్రశాంతంగా ఉండండి.

- గ్రహణం సమయంలో కత్తెర, కత్తులు వంటి వాటిని అస్సలు వాడకండి.

- సూర్య గ్రహణం సమయంలో ఏదైనా పని చేసే ముందు జ్యోతిష్యులను సంప్రదించండి.