ఆలుమగలపై ఆ గ్రహాల ప్రభావం... ఏడడుగుల బంధానికి దూరం...!

రాహువు ప్రభావం..

ప్రేమ వివాహం చేసుకున్నా.. పెద్దలు కుదిర్చిన పెళ్లి చేసుకున్నా.. ఇద్దరిలో ఎవరి జాతకంలో అయితే రాహువు బలహీనంగా ఉంటారో... అప్పుడు వారి వైవాహిక జీవితంలో కొంత గందరగోళంగా ఉంటుంది. అందులోనూ వారి జాతకం ప్రకారం, ఐదు, ఏడో స్థానాలు బలహీనంగా ఉంటే ప్రేమ బంధంలో అయినా వివాహ బంధంలో అయినా ఇబ్బందులు తరచుగా వస్తుంటాయి.

శుక్రుడి ప్రభావం..

జ్యోతిష్యశాస్త్రం ప్రకారం, శుక్ర గ్రహానికి ఎంతో ప్రత్యేకత ఉంది. శుక్రుడు తెలివితేటలు, జ్ణానం, సంపదలు పెరగడంలో సహాయపడతాడని పండితులు చెబుతుంటారు. అయితే ఎవరి జాతకంలో అయితే శుక్రుడు బలహీనంగా ఉంటాడో.. వారి మనసులో ప్రేమ భావనలు నెమ్మదిగా తగ్గిపోతాయి. ఇలాంటి కారణాల వల్ల భార్యభర్తల మధ్య ఏదో ఒక విషయంలో సమస్యలు వస్తు ఉంటాయి. దీంతో ఇద్దరూ విడిపోవాలని నిర్ణయించుకుంటారు.

గురుడి ప్రభావం..

జ్యోతిష్యశాస్త్రం ప్రకారం, అన్ని గ్రహాలలో పెద్ద గ్రహం గురుడు. ఎవరి జాతకంలో అయితే ఈ గ్రహం ప్రభావం సానుకూలంగా ఉంటుందో వారికి జీవితంలో అన్ని విషయాల్లో విజయం సులభంగా లభిస్తుంది. అయితే గురు గ్రహం అనుగ్రహం బలహీనంగా ఉంటే ఆలుమగల మధ్య ప్రేమ మరియు ఆప్యాయత తగ్గిపోతాయి. వారి వైవాహిక జీవితంలో చీలికలు ఏర్పడి.. వారు విడిపోయే ప్రమాదం ఎక్కువగా ఉంటుంది.

బుధుడి ప్రభావం..

జ్యోతిష్యశాస్త్రం ప్రకారం, బుధుడు అనుగ్రహం ఉండాలని ప్రతి ఒక్కరూ కోరుకుంటారు. ఈ గ్రహ ప్రభావం వల్ల తమ వైవాహిక జీవితం మరింత బలపడుతుందని నమ్ముతారు. అయితే ఎవరి జాతకంలో అయితే బుధుడి ప్రభావం తక్కువగా ఉంటుందో.. వారి వైవాహిక జీవితంలో సమస్యలు వస్తూనే ఉంటాయి. అంతేకాదు భాగస్వాములిద్దరూ ఒకరికి తెలియకుండా మరొకరు మోసం చేసుకునే అవకాశాలు చాలా ఎక్కువగా ఉంటాయి.

ఇవి చేయాలి..

జ్యోతిష్యశాస్త్రం ప్రకారం ఈ నాలుగు గ్రహాల ప్రభావం మీ జాతకంలో పెరగడానికి.. మీరు ఈ సమస్యలను అధిగమించడానికి, కొన్ని పరిహారాలు చేయాల్సి ఉంటుంది.

- శుక్రుడు, బుధుడు, గురుడు మరియు రాహువు శాంతి కోసం ప్రతిరోజూ ఉదయాన్నే సూర్యభగవానుడికి నీటిని అర్పించాలి.

- గాయత్రీ మంత్రాన్ని జపించాలి.

- శుక్రవారం రోజున మరియు పౌర్ణమి రోజులలో దేవుళ్లకు ప్రత్యేక పూజలు చేయాలి.

- జ్యోతిష్య నిపుణుల సలహాతో పచ్చ రంగులో లేదా పుష్పరాగము ఉంగరాన్ని ధరించాలి.

ఇలా చేస్తే మీ జాతకంలో ఈ నాలుగు గ్రహాల అనుగ్రహం లభించడమే కాదు.. మీ వైవాహిక జీవితం సాఫీగా సాగిపోతుంది.