Vastu Tips: వ్యాపారంలో లాభాల కోసం ఈ వాస్తు చిట్కాలు పాటించండి

దుకాణాలు, కార్యాలయాలు, రెస్టారెంట్ల కోసం చిట్కాలు:

• వ్యాపారాన్ని, దుకాణాన్ని తెరవగానే గణేషుడిని పూజించాలి. దీని వల్ల రోజంతా బాగుంటుంది.
• మంచి స్థలంలో దుకాణం ఉండేలా చూసుకోవడం ముఖ్యం. అంటే బస్టాండ్లు, రైల్వే స్టేషన్లు, కూడళ్లకు దగ్గరగా ఉండటం మంచిది.
• ప్రవేశ ద్వారానికి ఎదురుగా స్తంభాలు, చెట్లు లాంటివి లేకుండా చూసుకోవాలి.
• ప్రవేశద్వారానికి, శుభం-లాభం, రిద్ధి-సిద్ధి, స్వస్తిక్ వంటి శుభ చిహ్నాలతో అలంకరించాలి. ఇవి వాస్తు దోషాన్ని తొలగించడంలో సహాయపడతాయి.
• కస్టమర్లతో మాట్లాడేటప్పుడు తూర్పు లేదా ఉత్తర ముఖంగా ఉండేలా చూసుకోవాలి.
• నగదు పెట్టే ఉత్తరం లేదా తూర్పున తెరిచే విధంగా ఉంచాలి.
• యజమానులు, ఉద్యోగులు పిల్లర్ బీమ్ కింద కూర్చోకూడదు.
• దుకాణాన్ని, ఆఫీసును శుభ్రపరిచేటప్పుడు ఉప్పును వాడాలి.
• అదృష్టాన్ని పెంపొందించడానికి ఉత్తర, ఈశాన్య దిశలో నీటి ఫౌంటెన్ ఉంచాలి.



దుకాణాలు, రిటైల్:

• షాపుల యజమానులు ఈశాన్యం, వాయువ్యం, దక్షిణ దిశలలో కూర్చోకూడదు.
• యజమాని నైరుతి, తూర్పు, ఉత్తరం వైపు కూర్చోవాలి.
• విక్రయించే వస్తువులను పశ్చిమ, దక్షిణ, నైరుతి, వాయువ్యం దిశల్లో ఉంచాలి.
• వాయువ్య దిశలో మెట్లు ఉండకూడదు.

ప్రవేశ ద్వారం ప్రాముఖ్యత

తూర్పు ముఖం - ఆర్థిక లాభాలు

పశ్చిమ ముఖం - నెమ్మదైన వృద్ధి, అడ్డంకులు

ఉత్తరాభిముఖం - సంపద సృష్టి

దక్షిణం - నష్టం, ఉద్రిక్తతలు



ఆఫీస్:

• ఉత్తరం లేదా తూర్పు దిశల్లో ప్రవేశ ద్వారం ఉండాలి.
• ప్రవేశ ద్వారా ముందు ఇతర తలుపులు, గదులు, టాయిలెట్ ఉండకూడదు.
• ఆఫీసుల్లో తలుపులు తెరచి ఉంచాలి.
• డైరెక్టర్లు, మేనేజర్లు నైరుతి, దక్షిణం లేదా పశ్చిమ ప్రాతిపదికన హోదాలో కూర్చోవాలి.
• సేల్స్ సిబ్బంది అందరూ వాయువ్య దిశలో కూర్చోవాలి.



రెస్టారెంట్:

• రెస్టారెంట్లకు అతిముఖ్యమైనది ప్రవేశ ద్వారం. అది ఆకర్షణీయంగా ఉండేలా చూసుకోవాలి.
• రిసెప్షన్ డెక్స్ ప్రవేశ ద్వారం యొక్క ఎడమ వైపున ఉండాలి. క్యాష్ కౌంటర్ రిసెప్షన్ యొక్క కుడి వైపున ఉత్తరం లేదా తూర్పు వైపు ఓపెనింగ్ ఉండాలి.
• డైనింగ్ హాల్ పడమర, ఉత్తరం లేదా తూర్పున ఉంటే మంచిది.
• వంటగది ఆగ్నేయ దిశలో ఉండాలి.
• నైరుతిలో సామాగ్రి నిల్వ ఉంచుకోవాలి.