ఇంట్లో ఏనుగు బొమ్మలు పెట్టుకుంటే శ్రేయస్కరం.. వాస్తు ప్రకారం ఎక్కడ పెట్టాలో తెలుసా?

ఇంట్లో ఏనుగు బొమ్మల ప్రాముఖ్యత:

హిందూ పురాణాల ప్రకారం ఏనుగు చిత్రాలు బలం, గౌరవం, గొప్పతనాన్ని సూచిస్తాయి. ఏనుగును గణేషుడితో పోలుస్తారు. వినాయకుడు విఘ్నాలు తొలగించి జీవితం ఆనందంగా సాగిపోయేలా ఆశీర్వదిస్తాడని భక్తుల విశ్వాసం. బుద్ధుడిని ఏనుగులకు అనుసంధానించే సంప్రదాయం ఉంది.

ఇంట్లో ఏనుగు బొమ్మలు, చిత్రపటాలు ఉంచడం వల్ల అదృష్టం వస్తుందని హిందువుల విశ్వాసం. సంతానోత్పత్తి సమస్యలు ఎదుర్కొనే వారు ఇంట్లో ఏనుగు విగ్రహం పెట్టుకోవాలని వాస్తు శాస్త్రం చెబుతోంది.

ఏనుగు బొమ్మలను ఏ దిక్కులో ఉంచాలంటే..

వాస్తు ప్రకారం ఏనుగు బొమ్మను ఉంచడానికి ఉత్తమమైన ప్రదేశం ఉత్తరం లేదా ఈశాన్యం. ఇంట్లో అయినా కార్యాలయంలో అయినా ఏనుగు బొమ్మను ఉత్తరం లేదా ఈశాన్య దిశలో ఉంచాలి. ఉత్తరం, ఈశాన్య దిక్కులు సంపదను, విజయాన్ని సూచిస్తాయి. ఈ దిక్కుల్లో ఏనుగు బొమ్మను ఉంచడం వల్ల సానుకూల శక్తి ఇంట్లో ప్రవేశిస్తుంది. ఇంటికి శ్రేయస్సు చేకూరడానికి ఏనుగు బొమ్మలను ఉత్తరం దిక్కులో లేదా ఈశాన్యం మూలలో ఉంచాలి.

తూర్పు దిశలో కూడా ఏనుగు బొమ్మలను, చిత్రపటాలను ఉంచవచ్చు. సానుకూల శక్తిని, జీవితంలో విజయాన్ని తెస్తుందని నమ్ముతారు.

ఏనుగు బొమ్మలను ఎక్కడ ఉంచొచ్చంటే..

ఇంటి ప్రవేశ ద్వారంలో ఏనుగు బొమ్మను ఉంచడం వల్ల అదృష్టం, శ్రేయస్సు లభిస్తుందని వాస్తు శాస్త్రం చెబుతోంది. చదువులో, వృత్తిపరమైన విషయాల్లో ఏకాగ్రత చూపడానికి, విజయాన్ని ప్రోత్సహించడానికి స్టడీ రూములో లేదా ఆఫీసు గదిలో ఏనుగు చిత్రాన్ని ఉంచితే మంచి ఫలితం కనిపిస్తుంది శాస్త్రాలు చెబుతున్నాయి. లివింగ్ రూమలో, హాలులో ఏనుగు బొమ్మలు ఉంచొచ్చు. దీని వల్ల దృష్టి దోషం తొలగిపోతుంది,

అయితే ఏనుగు చిత్రాలను, బొమ్మలను నేలపై ఉంచకూడదు. తల ఎత్తి చూసేలా ఏనుగు చిత్రపటాలను ఉంచొచ్చు. ఏనుగు బొమ్మలను నేలకు కొద్ది ఎత్తులో ఉంచాలి. ఎంత ఎత్తులో ఉంచాలనేది వ్యక్తిగత ఇష్టం.

ఏనుగు రంగు ప్రకారం వాటి ప్రాముఖ్యత:

• వైట్ ఏనుగు - సంపద, లగ్జరీ
• గ్రీన్ ఏనుగు - అదృష్టం, శక్తి
• రెడ్ ఏనుగు - కీర్తి, గుర్తింపు
• బ్లాక్ ఏనుగు - విజయం, సంపద
• బాల్‌ను పట్టుకున్నట్లు ఉండే ఏనుగు - జీవితంలో సామరస్యం, సంతులనం
• నాణేలపై నిలబడి ఉండే ఏనుగు - జ్ఞానం, సంపద, శక్తి, రక్షణ
• దంతమున్న ఏనుగు, దంతం లేని ఏనుగు - దంపతుల మధ్య సాన్నిహిత్యం
• తొండాలతో పట్టుకున్న ఏనుగులు - స్నేహం, బలమైన బంధం
• 3 ఏనుగులు - ప్రశాంతమైన కుటుంబ జీవితం
• రెండు కాళ్లను పైకి లేపిన ఏనుగు - శక్తి, నాయకత్వం, రక్షణ