Vastu Tips: లక్ష్మీదేవి లాంటి చీపురు ఎప్పుడు కొనాలి, ఇంట్లో ఎక్కడ పెట్టాలో తెలుసా?

కొత్త చీపురు ఎప్పుడు కొనాలి:

వాస్తు ప్రకారం శనివారం రోజున కొత్త చీపురు కొనడానికి అత్యంత పవిత్రమైన రోజుగా పరిగణించబడుతోంది. శనివారం నాడు కొత్త చీపురు కొనుగోలు చేయడం వల్ల ఇంట్లో శాంతి నెలకొంటుందని, సంతోషం వెల్లివిరుస్తుందని శాస్త్రం చెబుతోంది. ఇలా చేయడం వల్ల లక్ష్మీ దేవి కూడా సంతోషంగా ఉంటుంది. కృష్ణ పక్షంలోని ఏదైనా శనివారం మాత్రమే చీపురు కొనాలని గుర్తుంచుకోవాలి. శుక్ల పక్షంలో ఎప్పుడూ కొత్త చీపురు కొనవద్దు. అది దురదృష్టాన్ని తెస్తుంది.

పౌర్ణమి నుండి అమావాస్య వచ్చే రోజులను కృష్ణ పక్షంగా, అమావాస్య నుండి పౌర్ణమి వచ్చే రోజులను శుక్ల పక్షంగా పరిగణిస్తారు.

చీపురును కనబడే చోట పెట్టకూడదు:

చీపురు ఇంట్లో బహిరంగ ప్రదేశంలో లేదా కళ్ల ముందు ఉంచకూడదు. ఇంట్లో డబ్బును దాచినట్లే చీపురును కూడా దాచాలని వాస్తు శాస్త్రం చెబుతోంది. ఇంటి బయట కూడా బహిరంగ ప్రదేశంలో చీపురును ఉంచకూడదు. ఇలా అందరికీ కనిపించేలా పెట్టడం వల్ల ఇంట్లో సానుకూలత దెబ్బ తింటుందని శాస్త్రం చెబుతోంది.

చీపురు నిటారుగా ఉంచకూడదు:

చీపురు ఎప్పుడూ పడుకోబెట్టే ఉంచాలి. చీపురు నిలబెట్టడం వల్ల ఇంట్లో దారిద్ర్యం వస్తుంది. ఇది ఇంటికి శ్రేయస్సు మరియ దీవెనలు తెస్తుంది కాబట్టి ఇది ఎప్పుడూ నెలపై పడుకోబెట్టాలని శాస్త్రం చెబుతోంది.

పాత చీపురుని ఎప్పుడు పడేయాలి:

కొత్త చీపురు కొన్న తర్వాత ఇంట్లోని పాత చీపురును పడేస్తాం. అయితే వాస్తు ప్రకారం పాత చీపురును గురు, శుక్రవారాల్లో ఎట్టిపరిస్థితుల్లో బయట పడేయకూడదు. అమావాస్య లేదా శనివారం రోజుల్లో మాత్రమే పాత చీపురును బయట పడేయాలి.