Just In
- 1 hr ago పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- 3 hrs ago ఈ బ్లడ్ గ్రూప్ దొరకడం చాలా కష్టం..కొంటే ధర ఎంతో తెలుసా..?
- 4 hrs ago మండిపోయే ఎండలో చల్లగా దద్దోజనాన్ని ఇలా చేసుకోండి..?
- 5 hrs ago మేషరాశిలో శుక్రుని సంచారం 12 రాశుల్లో శుక్రదశ ఎవరికి ఉంది, ఎవరికి లేదు..కోటీశ్వరులయ్యే ఛాన్స్ మీకే అయ్యుండచ్చు
తులరాశిలోకి శుక్రుడి ప్రవేశంతో ఈ రాశుల వారికి అన్నీ సానుకూల ప్రయోజనాలే...!
శుక్రుడు తులరాశిలోకి ప్రవేశించే సమయంలో ఏయే రాశులపై ఎలాంటి ప్రభావం పడుతుందో తెలుసుకుందాం.
జ్యోతిష్యశాస్త్రం ప్రకారం నవ గ్రహాలలో శుక్రుడు అత్యంత పవిత్రమైనదిగా భావిస్తారు. ఎవరిపై అయితే శుక్ర గ్రహ ప్రభావం ఉంటుందో వారి జీవితం ఆనందంగా.. హాయిగా సంతోషంగా ఉంటుందని పండితులు చెబుతుంటారు.
వృషభరాశి, తులరాశులకు అధిపతి అయిన శుక్రుడు నవంబర్ 17వ తేదీ మంగళవారం మధ్యాహ్నం 1 నుండి డెసెంబర్ 11వ తేదీ వరకు సంచారం చేయనున్నాడు. శుక్రుడు తన సొంతరాశిలో ఉండటం వల్ల 12 రాశిచక్రాల వారిపై తీవ్ర ప్రభావం ఉంటుంది.
శుక్రుడు ఆనందం, సంతోషంతో పాటు పునరుత్పత్తికి కూడా కారకంగా పండితులు చెబుతారు. ఈ నేపథ్యంలో శుక్రుడి సంచారాన్ని అన్ని రాశుల వారికి చాలా ముఖ్యమైనదిగా భావిస్తారు.
శుక్రుడు కన్య రాశిని వదిలి.. తులరాశిలోకి ప్రవేశించే సమయంలో ఏయే రాశుల వారికి అనుకూలంగా ఉంటుంది.. ఏయే రాశుల వారికి ప్రతికూలంగా ఉంటుంది.. ఎవరెవరు ప్రయోజనాలు పొందుతున్నారనే విషయాలను ఇప్పుడు తెలుసుకుందాం...
మేషరాశి..
తులరాశిలోకి శుక్రుడు ప్రవేశించే సమయంలో ఈ రాశి వారికి ఏడో స్థానంలో ఉంటాడు. ఈ సమయంలో మీకు సానుకూల ఫలితాలు వస్తాయి. మీ వైవాహిక జీవితంలో అద్భుతమైన మార్పు వస్తుంది. పెళ్లికాని వారు వివాహ అవకాశాలను పొందొచ్చు. ఈ కాలం మీకు మానసికంగా మరియు శారీరకంగా మంచి రిలాక్స్గా ఉంటుంది. మీ వ్యాపార అభివృద్ధికి ఉపయోగపడే అంశాలు మరియు కొత్తగా వ్యాపారం చేయాలనుకునేవారికి సమయం అనుకూలంగా ఉంటుంది. మీ జీవిత భాగస్వామితో సంబంధాలు, సాన్నిహిత్యం పెరుగుతుంది.
వృషభ రాశి..
ఈ రాశి నుండి ఆరో స్థానంలో శుక్రుడు సంచారం చేయనున్నాడు. ఈ సమయంలో వృషభరాశి వారికి మిశ్రమ ఫలితాలొస్తాయి. మీ ఇంట్లో ఆనందం పెరుగుతుంది. అయితే ఆరోగ్య పరంగా కొన్ని సమస్యలను ఎదుర్కొంటారు. మీ శత్రువులతో గొడవలు ముగింపు దశకు చేరుకోవచ్చు.
మీ జీవిత భాగస్వామి ఆరోగ్యాన్ని పర్యవేక్షించండి. ఎందుకంటే వారు చిన్న ఆరోగ్య సమస్యలతో బాధపడవచ్చు.
మిధున రాశి..
శుక్రుడు ఈ రాశి నుండి ఐదో రాశి నుండి కదలనున్నాడు. ఈ సమయంలో మిధున రాశి వారికి సానుకూల ఫలితాలను వస్తాయి. మీ బిడ్డ మరియు జీవిత భాగస్వామి మీ జీవితంలో ఒక ముఖ్యమైన స్థానాన్ని ఆక్రమిస్తారు. మీ ఆదాయం మెరుగుపడుతుంది. కానీ తదనుగుణంగా ఖర్చులు ఉంటాయి. అయితే, ఈ సమయంలో కొన్ని పెద్ద ఖర్చులు చేయవచ్చు. మీ పనితీరును చూసి సీనియర్ అధికారులు సంతోషిస్తారు. మీకు కొత్తగా మంచి అవకాశాలు లభిస్తాయి.
కర్కాటక రాశి..
ఈ రాశి నుండి శుక్రుడు నాలుగో స్థానం నుండి సంచరించనున్నాడు. ఈ సమయంలో కర్కాటక రాశి వారికి సానుకూల ఫలితాలు ఉంటాయి. మీకు ఇంట్లో, ఆఫీసులో శుభప్రదంగా ఉంటుంది. మీ కుటుంబ సభ్యులతో తగినంత సంతోషకరమైన సమయాన్ని గడపడానికి చాలా అవకాశాలు వస్తాయి. మీ అమ్మతో మంచి సమయం గడపండి. ఉద్యోగులకు కార్యాలయ పని సులభం అవుతుంది. మీ ప్రయత్నాలు మీ ఉన్నతాధికారుల ముందు మంచి ఫలితాలను ఇస్తాయి. కాబట్టి ఈ కాలాన్ని పూర్తిగా ఉపయోగించుకోండి.
సింహ రాశి..
ఈ రాశి నుండి శుక్రుడు మూడో స్థానంలో ఉంటాడు. ఈ సమయంలో సింహ రాశి వారికి అనుకూలంగా ఉంటుంది. మీ నైపుణ్యాలు మెరుగుపడతాయి. మీ ప్రయత్నాలు ఫలిస్తాయి. మీ అభిప్రాయాలను స్పష్టంగా వ్యక్తీకరించడానికి మీకు సహాయపడుతుంది. మీరు భూమి, వాహనాలు, ఆస్తి కొనుగోలు చేయాలనుకుంటే ఇదే సరైన సమయం. వాటిని కచ్చితంగా కొనుగోలు చేస్తారు. మీ సంబంధాల్లో బలంగా ఉంటుంది. మీరు బిజీగా ఉన్నప్పటికీ, మీ లవ్ లైఫ్ కు టైమ్ కేటాయిస్తారు. మీ శృంగార సంబంధాలకు ఈ కాలం చాలా మంచిది. నిజానికి, ఇది మీ జీవిత భాగస్వామితో మీ బంధాన్ని బలోపేతం చేస్తుంది.
కన్య రాశి..
శుక్రుడు ఈ రాశి నుండి రెండో స్థానం గుండా సంచరించనున్నాడు. ఈ సమయంలో కన్యరాశి వారికి మంచి ఫలితాలు రానున్నాయి. ఈ మార్పుతో మీరు సేకరించిన సంపద మరియు పొదుపులో మీరు లాభం పొందుతారు. మీరు కుటుంబంతో ఆనందంగా గడపాలని కోరుకుంటారు. వ్యాపారం చేసే వారు ఆదాయం మరియు లాభాలలో మెరుగుదల చూస్తారు. శుక్రుడి సంచారంతో మీ కమ్యూనికేషన్ మరియు నైపుణ్యాలు చాలా బాగుంటాయి మరియు ఇది మంచి లాభం కూడా ఇస్తుంది. మరియు ఈ సమయంలో మీరు ఎక్కువ తినాలనుకుంటున్నారు. అందువలన మీరు బరువు పెరుగుతారు. కాబట్టి మీ ఆహారపు అలవాట్లపై శ్రద్ధ వహించండి.
తుల రాశి..
శుక్రుడు తన సొంత రాశిచక్రంలోకి ప్రవేశించున్నాడు. ఈ సమయంలో తుల రాశి వారికి గరిష్ట ప్రయోజనాలు చేకూరనున్నాయి. పరిశ్రమలో ప్రయోజనాలు మరియు ఆదాయాన్ని అందించే అనేక అవకాశాలను మీరు కనుగొంటారు. వ్యాపారులు తమ లాభాలను కూడా చూస్తారు. దీర్ఘకాలిక పెట్టుబడి పెట్టడానికి ఇది ఉత్తమ సమయం. తమ సంబంధాన్ని తదుపరి స్థాయికి తీసుకెళ్లాలనుకునే వారికి ఇది చాలా మంచి సమయం. వివాహితులు వారి సంబంధాలలో సంతృప్తి మరియు సంతోషంగా ఉంటారు. మీ ఆరోగ్యం మెరుగ్గా ఉంటుంది. ఈ సమయంలో మీరు ఏదైనా రంగంలో పెట్టుబడి పెట్టాలనుకుంటే సమయం అనుకూలంగా ఉంటుంది.
వృశ్చిక రాశి..
ఈ రాశి నుండి శుక్రుడు 12వ స్థానంలో ఉండనున్నాడు. దీని వల్ల ఈ రాశి వారికి మంచి ఫలితాలు వస్తాయి. అయితే మీ ఖర్చులు గణనీయంగా పెరుగుతాయి. మీరు భూములకు సంబంధించిన అనేక అవకాశాలను ఎదుర్కోబోతున్నారు. మీ బడ్జెట్ను ప్లాన్ చేయండి మరియు తదనుగుణంగా ఖర్చు చేయడానికి ప్రయత్నించండి. వివాహితులు తమ జీవిత భాగస్వామితో నాణ్యమైన సమయాన్ని గడపడానికి సిద్ధంగా ఉంటారు. మీ భాగస్వామిని మీ అభిమాన ప్రదేశానికి తీసుకెళ్లాలని కోరుకుంటారు. ఆ విధంగా మీ ఇద్దరి మధ్య బంధం బలంగా ఉంటుంది. టీవీ, మొబైల్ని ఎక్కువసేపు చూడటం మానుకోండి. ఇది మీ కళ్ళకు మరింత అసౌకర్యాన్ని కలిగిస్తుంది మరియు దృష్టిని బలహీనపరుస్తుంది.
ధనస్సు రాశి..
శుక్రుడు ఈ రాశి యొక్క 11వ స్థానంలోకి వెళ్తాడు. దీని వల్ల ధనస్సు రాశి వారికి మంచి ఫలితాలు వస్తాయి. ఈ కాలంలో మీరు చేసిన కృషికి ఉన్నత నిర్వహణ నుండి ప్రశంసలు అందుకునే అవకాశం మీకు ఉంది. కార్యాలయంలో ఉన్నతాధికారులు మీ పనితీరుకు గుర్తింపు ఇస్తారు. ప్రేమ విషయంలో మీకు కావలసిన ఫలితాలను పొందే అవకాశం కూడా ఉంది. మీ భాగస్వామి మీ భావాలను మరియు భావోద్వేగాలను పూర్తిగా అర్థం చేసుకుంటారు. వారి మద్దతును మీకు అందించే అవకాశం ఉంటుంది. అవివాహితులు మీ భవిష్యత్ జీవిత భాగస్వామిని కలిసే అవకాశం ఉంది.
మకర రాశి..
శుక్రుడు మకరరాశిలోని పదో స్థానం ద్వారా పయనిస్తాడు. ఈ సమయంలో మకర రాశి వారికి మిశ్రమ ఫలితాలు ఉంటాయి. అయితే ఉద్యోగులు మాత్రం ఆఫీసులో చాలా అడ్డంకులను ఎదుర్కొంటారు. మీకు కార్యాలయంలో కొత్త బాధ్యతలు కేటాయించబడతాయి. ఇది మీ సీనియర్ మేనేజ్మెంట్తో కొన్ని విభేదాలు మరియు వాదనలకు దారితీస్తుంది. కాబట్టి ప్రశాంతంగా మరియు ఓపికగా ఉండండి. లేకపోతే పరిస్థితి మరింత దిగజారిపోతుంది. కొత్త ఉద్యోగార్ధులు ఏదైనా నిర్ణయం తీసుకునే ముందు లాభాలు మరియు నష్టాలను అన్వేషించి, ఆపై నిర్ణయం తీసుకోవాలి. వ్యక్తిగత జీవితానికి సంబంధించి, మీకు మరియు మీ జీవిత భాగస్వామికి మధ్య కొన్ని విభేదాలు మరియు వాదనలు ఉండవచ్చు. ఆరోగ్యానికి మంచిది.
కుంభ రాశి..
శుక్రుడు కుంభ రాశి నుండి తొమ్మిదో స్థానంలోకి వెళ్తాడు. ఈ సమయంలో ఈ రాశి వారికి శుభప్రదంగా ఉంటుంది. ఉద్యోగులు కార్యాలయంలో చాలా అవకాశాలను పొందొచ్చు. వ్యాపారులకు కూడా లాభాలు వచ్చే అవకాశం ఉంది. మీరు ఆర్థిక పరంగా కొందరి నుండి సహాయాన్ని పొందుతారు. మీ జీవిత భాగస్వాములతో సంబంధాలు కూడా ప్రయోజనకరమైన ఫలితాలను ఇస్తాయి. మీరు కొన్ని ఆధ్యాత్మిక ప్రదేశాలకు ప్రయాణించే అవకాశం ఉంది. ఇది శాంతి మరియు సంతృప్తిని కలిగిస్తుంది.
మీన రాశి..
ఈ రాశి నుండి శుక్రుడు ఎనిమిదో స్థానంలో సంచారం చేయనున్నాడు. దీని వల్ల మీకు మిశ్రమ ఫలితాలు ఎదురయ్యే అవకాశం ఉంది. ఈ శుక్రుని పరిస్థితి ఆరోగ్య సమస్యలు వచ్చే అవకాశం ఉంది.. మీ పనిపై పూర్తిగా దృష్టి పెట్టడం కష్టంగా మారొచ్చు. దీని వల్ల ఒత్తిడి మరియు ఉద్రిక్తతను పెరుగుతుంది. వ్యాపారులు మాత్రం లాభాలను సాధించడానికి నిరంతర ప్రయత్నాలు చేయాలి.