కరోనా ఎఫెక్ట్ : అక్కడ చేతులు కడుక్కుంటేనే బస్టాండులోకి ప్రవేశం...

ప్రతి బస్టాండులోనూ..

Image curtosy : Twitter

కరోనా వైరస్ బారిన పడకుండా ప్రతి ఒక్కరూ తీసుకోవాల్సిన మొట్టమొదటి జాగ్రత్త ఏంటంటే చేతులు శుభ్రపరచుకోవడం. రువాండా దేశంలో ప్రజా రవాణా వ్యవస్థను ఉపయోగించుకోవాలంటే కచ్చితంగా చేతులు శుభ్రం చేసుకోవాల్సిందే. అందుకోసం ప్రతి బస్టాండులోనూ ప్రత్యేకంగా పోర్టబుల్ వాష్ బేసిన్ లు ఏర్పాటు చేశారు. చేతులు కడుక్కుంటేనే బస్టాండులోకి ప్రవేశం లభిస్తుంది.

పరిశుభ్రత విషయంలో..

Image Curtosy : Twitter

పచ్చదనం.. పరిశుభ్రత విషయంలో రువాండ దేశానికి మంచి రికార్డే ఉంది. 1994లో భయంకరమైన మారణహోమంతో అత్యంత తీవ్రంగా దెబ్బ తిన్న ఆ దేశం క్రమంగా పుంజుకుంటూ వచ్చింది.

వేగంగా మెరుగవుతున్న దేశాల్లో..

Image Curtosy : Twitter

వరల్డ్ ఎకనామిక్ ఫోరమ్ నివేదికల ప్రకారం ఆఫ్రికాలో వేగంగా మెరుగైన ఫలితాలు సాధిస్తున్న దేశాల్లో రువాండా ఒకటిగా నిలిచింది.

స్వచ్ఛంగా శుభ్రపరుస్తారు..

ప్రతి నెలా చివరి శనివారం రువాండా ప్రజలు ‘ఉముగాండా‘ అనే కార్యక్రమంలో స్వచ్ఛందంగా పాల్గొంటారు. ఆరోజు అందరూ కలిసి వీధులు, ఇతర బహిరంగ ప్రదేశాలను శుభ్రపరుస్తారు. అక్కడ ఇది ఒక చట్టంగా చేయబడింది.

ప్లాస్టిక్ బ్యాన్..

మన తెలుగు రాష్ట్రాల్లో ఇటీవల ప్లాస్టిక్ బ్యాన్ చేశారు. అయినా ఇది సక్రమంగా అమలు కావటం లేదు. అయితే ఇలాంటి ప్లాస్టిక్ బ్యాగుల నిషేధం అక్కడ పదేళ్ల క్రితం నుంచే అమల్లో ఉంది. ఈ దేశంతో ఆఫ్రికాలోనే పరిశుభ్రతకు కేరాఫ్ అడ్రస్.

పర్యావరణ పరిరక్షణలోనూ..

పర్యావరణ పరిరక్షణలోనూ రువాండ ప్రపంచానికి ఆదర్శంగా నిలుస్తోంది. వన్యప్రాణులు, నేచర్ ను కాపాడుకునేందుకు అనేక రకాల కార్యక్రమాలు చేపడుతోంది.

సురక్షితమై దేశం..

అంతేకాదు ఆ దేశం ఆఫ్రికాలో అత్యంత సురక్షితమైన దేశంగా పేరు తెచ్చుకుంది. అక్కడ క్రైమ్ రేటు కూడా చాలా తక్కువగా ఉంది. కరోనా వైరస్ భయం వల్ల ముందస్తు చర్యల నేపథ్యంలో ఇప్పటికే చాలా దేశాలు విదేశీ పర్యాటకులపై నిషేధం విధించడం తెలిసిందే..

ఎలాంటి ఆంక్షలు లేవు..

ఈ రువాండ మాత్రం పర్యాటకులపై ఇప్పటివరకు ఎలాంటి ఆంక్షలు అనేదే విధించలేదు. అంతేకాదు తమ దేశానికి సంబంధించి పర్యాటకులకు సాధారణ సేవలు యధావిధిగా కొనసాగుతాయని కూడా ప్రకటించడం గమనార్హం.