World Food Safety Day 2020 : ఆహారంతోనే అందరికీ ఆయువు... ఆహార భద్రత.. ప్రతి ఒక్కరి బాధ్యత..

ప్రతి ఒక్కరి పాత్ర..

అయితే ఆహార భద్రత అనేది కేవలం ప్రభుత్వాలు, ఉత్పత్తిదారులు, వినియోగదారులతో పాటు ప్రతి ఒక్కరి బాధ్యత. అంతేకాదు మనం తీసుకునే ఆహారం సురక్షితమైనదా కాదా అని రైతు నుండి కూలి వరకు ప్రతి ఒక్కరి పాత్ర ఉంది.

ప్రపంచ దేశాలను ప్రోత్సహించడం..

ప్రపంచ వ్యాప్తంగా ఆహార భద్రత కోసం తగు చర్యలు తీసుకునేలా ప్రపంచ దేశాలను ప్రోత్సహించడం, ఆహార కొరత సమస్య రాకుండా చూడటం. ప్రజలు అనేక రకాల వ్యాధులను, ముఖ్యంగా కరోనా మహమ్మారి వంటి వాటిని ఎదుర్కోనేందుకు పౌష్టికాహారం అందుబాటులో ఉండేలా చేయడం తమ ప్రధాన ఎజెండాగా ప్రపంచ ఆరోగ్య సంస్థ(WHO) ప్రకటించింది.

ఆహార భద్రత అంటే?

ఆహార భద్రత అంటే ఆహారం పాడవ్వకుండా సురక్షితంగా నిల్వ ఉంచడం. దాని కంటే ముందు ఆహారాన్ని ఉత్పత్తి చేయడం.

ఎందుకు ముఖ్యమైనది..

ఆహార భద్రతకు ఎందుకు అంత ప్రాధాన్యత ఇచ్చారంటే... మనం శక్తివంతంగా తయారవ్వడానికి పౌష్టిక ఆహారం అవసరం. ఆహారం భద్రత లేకుండా, సరైన సమయానికి సరైన ఆహారం తీసుకకపోతే అనారోగ్యానికి గురయ్యే ప్రమాదం ఉంది. ఎందుకంటే ప్రపంచ ఆరోగ్య సంస్థ(WHO) గణాంకాల ప్రకారం ప్రతి ఏటా 600 మిలియన్ల కేసులు మరియు 4,20,000 మరణాలు ఆహార వ్యాధుల కారణంగా సంభవించాయి. అవి అసురక్షిత ఆహారం కారణంగా సంభవిస్తాయి.

చిన్నారుల మరణాలే..

ఈ ఆహార మరణాలలో ఐదేళ్లలోపు చిన్నారుల మరణాలే దాదాపు 30 శాతం ఉన్నాయని నివేదికలు చెబుతున్నాయి. మీరు ఆహారాన్ని కలుషితం కాకుండా, నిరోధించడానికి మరియు ఆహారం విషం కాకుండా శుభ్రంగా ఉంచేందుకు ఆహార భద్రత చాలాచాలాముఖ్యమైనది.

పరిశుభ్రతే ప్రధానం..

ఇందుకోసం మీరు చేయాల్సిందల్లా పరిశుభ్రత పాటించడం. ముఖ్యంగా వ్యక్తిగత పరిశుభ్రత.. తర్వాత ఆహారాన్ని సరైన ప్రదేశంలో నిల్వ చేయడం. ఆహారం తయారు చేసేటప్పుడు కలుషితాన్ని తగ్గించేందుకు ప్రయత్నించడం. ఇలాంటి జాగ్రత్తలు పాటిస్తే.. మీరు.. మీ కుటుంబసభ్యులందరూ సురక్షితంగా ఉంటారు.