తెలంగాణ ఆవిర్భావ దినోత్సవం...తెలంగాణ ముద్దుబిడ్డలకు తెలంగాణ ఆవిర్భావ దినోత్సవ శుభాకాంక్షలు!!

తెలంగాణ ఆవిర్భావ దినోత్సవం...తెలంగాణ ముద్దుబిడ్డలకు తెలంగాణ ఆవిర్భావ దినోత్సవ శుభాకాంక్షలు..

Updated: Wednesday, June 2, 2021, 10:06 [IST]

ప్రత్యేక తెలంగాణ రాష్ట్రం సాధించడం కోసం కొన్ని లక్షల మంది ప్రాణ త్యాగం చేశారు. 1952 సాధారణ ఎన్నికల జరిగి ప్రభుత్వం ఏర్పడే వరకు హైదరాబాద్ రాష్ట్ర పరిపాలనా యంత్రాంగం మిలటరీ, సివిల్ అధికారుల పాలనలో ఉండటంతో ఆంధ్రా ప్రాంతం నుంచి వలస వచ్చిన వాళ్లకు స్థానిక ఉద్యోగాలు ఇచ్చేశారు. ఆంధ్రా ప్రాంతంలో అప్పటికే బ్రిటీష్ వారి కింద శిక్షణ పొంది అనుభవం ఉన్న అధికారులను హైదరాబాద్ కు పిలిపించుకుని తెలంగాణలోని వివిధ చోట్ల కీలమైన ఉద్యోగాలు ఇచ్చేశారు. తరువాత అప్పటి నుంచి తెలంగాణ ఉద్యమాలు జరుగుతున్నా ఆ ఉద్యమాలను కొందరు రాజకీయ నాయకుల తొక్కేశారని ఆరోపణలు ఉన్నాయి.

Telangana Formation Day 2021: Wishes, Messages, Posters, Images, WhatsApp and Facebook Status in Telugu

పెద్మనుషుల ఒప్పందాలను గాలికి వదిలేశారని 1969లో తెలంగాణ ఉద్యమం పెద్ద ఎత్తున మొదలైయ్యింది. ఖమ్మం జిల్లాలోని థర్మల్ స్టేషన్ లో పనిచేసే ఉద్యోగుల్లో మెజారిటీ ఉద్యోగులు ఆంధ్రా ప్రాంతం నుంచి వచ్చిన వారు ఉన్నారని అక్కడ పెద్ద ఎత్తున నిరసనలు వ్యక్తం అయ్యాయి. అప్పటి ఉద్యమానికి పాల్వంచానే పునాది వేసింది. జనవరి 10వ తేదీ నుంచి అక్కడ నిరాహారదీక్షలు మొదలైనాయి. అక్కడ దినసరి వేతన కార్మిక నాయకుడు కృష్ణాచారి నిరాహార దీక్ష చేశాడు. అప్పటి నుంచి ఉద్యమాలు ఖమ్మం జిల్లా కేంద్రం, అక్కడి నుంచి ఉస్మానియా యూనివర్శిటీకి ఉద్యమాలు పాకిపోయాయి. తెలంగాణ రాష్ట్ర సమితి ప్రారంభం అయిన తరువాత తెలంగాణ ఉద్యమం జోరందుకుంది.

తెలంగాణ ఆవిర్భావ దినోత్సవం..

*. అప్పటి ఉమ్మడి ఆంధ్రప్రదేశ్ ముఖ్యమంత్రి వైఎస్. రాజశేఖర్ రెడ్డి ఆకస్మిక మరణం తరువాత తెలంగాణ రాష్ట్ర సమితి వ్యవస్థాపకుడు కే. చంద్రశేఖర్ రావ్ చేపట్టిన ఆమరణ నిరాహార దీక్ష తరువాత పరిస్థితులు పూర్తిగా మారిపోయాయి.

*. 2013 జులై 30వ తేదీన కేంద్రంలో అధికారంలో ఉన్న యూపీఏ ప్రభుత్వం మీద ఒత్తిడి తెస్తూ కాంగ్రెస్ పార్టీ వర్కింగ్ కమిటీ ప్రత్యేక తెలంగాణ రాష్ట్రం కోసం తీర్మానం చేసింది.

*. 2013 అక్టోబర్ 3వ తేదీన కేంద్ర మంత్రిమండలి ప్రత్యేక తెలంగాణ రాష్ట్రానికి ఆమోదముద్ర వేసింది.

తెలంగాణ ఆవిర్భావ దినోత్సవం..

*. 2014 ఫిబ్రవరి 18వ తేదీ తెలంగాణ ప్రత్యేక రాష్ట్రానికి మద్దుతుగా ప్రవేశపెట్టిన బిల్లుకు బీజేపీ మద్దతుతో లోక్ సభలో, అదే ఏడాద ఫిబ్రవరి 20వ తేదీన రాజ్యసభలో ఆమోదం పొందింది.

*. 2014లో ఆంధ్రప్రదేశ్ విభజన బిల్లును ప్రవేశపెట్టింది.

*. ప్రత్యేక తెలంగాణ రాష్ట్ర బిల్లు 2014 మార్చి 1వ తేదీన రాష్ట్రపతి ఆమోదం పొందింది.