Just In
- 1 hr ago Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- 2 hrs ago గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- 5 hrs ago ఎన్నికల ముందు ప్రచారంలో గాల్లో మేడలు కడుతున్న నాయకులు..
- 7 hrs ago ఈ 4 రాశులకు శుక్రుడు, రాహువు కలయిక గొప్ప ఫలితాలిస్తాయి, ఏప్రిల్లో డబ్బు వర్షం కురుస్తుంది
పిల్లలకు గోరుముద్దలు ఎలా తినిపించాలి....?
అయితే ఈ ఉరుకులపరుగుల జీవన విధానంలో మన సమాజంలో దారుణమైన పరిస్థితి ఏర్పడింది. తెలిసో, తెలియకో, ఓపిక లేకనో చాలామంది కంట్రోల్ ఫీడింగ్ చేస్తున్నారు. కంట్రోల్ ఫీడింగ్ అంటే బిడ్డను కాళ్లమీ కూచోబెట్టుకునో, పండబెట్టుకునో నోట్లో కుక్కుతుంటారు. పైగా బిడ్డ ఆ ఆహారాన్ని ముట్టుకోకుండా చేతులు కట్టేస్తారు.
ఇవ్వనీ ఒక ఎత్తైతే తినిపించే విధానంలో కూడా స్పూన్ తో లేదో చేస్తో నోట్లో కుక్కతారు. అటువంటి సమయంలో పిల్లలు ఇటూ అటూ కదులుతూ ముఖం కదిలిస్తూ మూతి తిప్పేస్తుంటారు. అలా చేసేటప్పుడు పిల్లలను కొట్టేవాళ్ళు లేకపోలేదు. ఇలా చేయడం వల్ల పిల్ల మెరాయించి తినడమే మానేస్తారు. లేదా తిన్నదాన్ని కక్కేస్తారు. దాంతో ఇక చాలని తామే నిర్ధారణ చేసుకొని మానేస్తుంటారు పెద్దలు.
దాంతో పిల్లలకు తిండిపట్ల తిరస్కార భావం ఏర్పడుతుంది. తినిపించడానికి ఏదోకటి తెస్తున్నారని తెలియగానే పారిపోవటానికి ప్రయత్నం చేస్తుంటారు. తిండిపై ఇలాంటి వ్యతిరేక తిరస్కార భావన పిల్లలకు కలుగనీయకూడదు. ఎవరైనాకానీ సంతోషంగా తినాలి. అలాగని వాళ్లే తింటారులే అనుకోకూడదు. పిల్లలు తినాలనే భావన కలిగినప్పుడు పిల్లల చేతులు ముందుగా కడగాలి. తినిపించే వాళ్ళ చేతులూ కడుక్కోవాలి.
పిల్లలకు ఆహారం తినిపించేవారి ఎత్తులో కూచోబెట్టుకోవాలి. పిల్లలతో మాట్లాడుతూ ఇది బాగుంటుంది..తియ్యగుంటుంది..లాంటి తియ్యని కబుర్లు చెబుతూ తినిపించాలి. తినిపించే సమయంలో చేత్తోకానీ, స్పూన్ కానీ తక్కువ క్వాటింటీ తీసుకోవాలి. బలవంతంగా నోట్లో కుక్కకూడదు. ముద్దను పిల్లలు పెదవి దగ్గరకు తెస్తే బిడ్డ తనంత తానే లోనికి తీసుకునే అవకాశం ఇవ్వాలి. పిల్లలు వాళ్ళకు పెట్టింది వాళ్ళు తిన్నారన్న స్వయంతప్తిని దక్కేట్టు చేయాలి.
పిల్లలు మారం చేయకుండా తినగలిగి పూర్తి చేసిన వెంటనే పిల్లలను బాగా తిన్నావు అని మొచ్చుకోవాలి. అలాంటప్పుడే రెండోసారి తినడానికి ముందుకొస్తారు. సాధరణంగా పెద్దలు బాధలో ఉన్నప్పుడు తక్కువ ఆహారం తీసుకుంటుంటారు. పిల్లలూ అంతే అని గుర్తించి సంతోషపెట్టి ఎక్కువ తినిపించాలి. అంతే కానీ ఏడిపిస్తు తక్కువ తినిపిస్తే పిల్లలకు సరైన పోషకాలు లభించవు...