చంటి పిల్లలు ఏడవటం ఎందుకు మంచిదో కారణాలు చూడండి..

By Deepthi

Published: Friday, August 11, 2017, 11:47 [IST]

కొన్నిసార్లు, మీకు మీ బిడ్డ ఎందుకు ఏడుస్తుందో తెలీదు. నిజానికి, పిల్లల భాష ఏడవడమే. మీతో మీ బిడ్డ ఏదో చెప్పాలనుకుంటోంది.

మనం సాధారణంగా ఏడవడాన్ని తప్పుగా అనుకుంటాం కానీ, పసిపిల్లల విషయంలో అది అన్నిసార్లు తప్పు కాదు. కొన్నిసార్లు, ఏడ్చి వారు కావాల్సింది తెలుపుతారు మరికొన్నిసార్లు మీ లాలన కోసమే ఏడుస్తారు.

వైద్యనిపుణుల ప్రకారం ఏడవటం సహజమే మరియు చంటిపిల్లలపుడు అది మంచిది కూడా. పిల్లలకు ఏడవటం ఎందుకు మంచిదో కారణాలు చూడండి.

గాలి కోసం !

బిడ్డ భూమిపైకి రాగానే, అతను లేదా ఆమె మొదటగా ఏడుస్తారు. మొదటగా ఏడ్చిన ఏడుపు బిడ్డ ఊపిరితిత్తులు తెరుచుకోబడటానికి సాయపడతాయి. మీ బిడ్డ మొదటిసారి శ్వాస తీసుకుంటుంది ఇక మరి !

మీతో ఏదో చెప్పటానికి

ఏదో మీతో సంభాషించటానికి ఏడుపు ఎంతో ఉపయోగం. మీ బిడ్డకి భాష వచ్చేముందు, మీ నుంచి ఏమన్నా కావాలంటే, మీ సాయం కావాలంటే వాడే వస్తువు ఏడుపే. నిజానికి, మీ బిడ్డకి మీ కౌగిలి, ఒడి కావాలంటే మీకు చెప్పాలంటే ఏడుపు ఒకటే మార్గం !

మౌనం అపాయకరం కావచ్చు !

నిజానికి , మీ బిడ్డ అసలు ఏడవకపోతే మీరు భయపడాలి ! పిల్లలు అప్పుడప్పుడు ఏడవడం చాలా సహజం. మౌనంగానే ఎప్పుడూ ఉంటే, మీ బిడ్డ లోపల ఏదో ఒత్తిడి, బాధపడుతున్నట్టు లెక్క !