కవల పిల్లలను సంరక్షించేటప్పుడు గుర్తుంచుకోవలసిన అంశాలు

మీ యొక్క శారీరిక మరియు మానసిక ఆరోగ్యం కూడా చాలా ముఖ్యం:

మీరు గనుక ఆనందంగా మరియు విశ్రాంతంగా ఉండినట్లైతే, మీ పిల్లలు కూడా విశ్రాంతంగా మరియు ఆనందంగా ఉంటారు. కొత్తగా ఇద్దరు కవల పిల్లలు జన్మించినప్పుడు, రాత్రి పూట నిద్ర పట్టడం చాలా కష్టం అవుతుంది. కానీ, అలాంటి సమయం లో మీకు నిద్ర పోవడానికి దొరికే ప్రతి క్షణాన్ని మీరు సద్వినియోగం చేసుకోవాలి.

మీరు ఏదైనా ఇంటి పనులు చేస్తున్న సమయంలో మీ స్నేహితులు మరియు కుటుంబ సభ్యులను కొద్ది సేపు పిల్లల్ని చూసుకోమని చెప్పండి. ఇలా చేయడం వల్ల మీకు కొద్దిగా విశ్రాంతి దొరుకుతుంది. అంతే కాకుండా మీరు కొద్దిగా ఆహారాన్ని కూడా బాగా తీసుకోండి.

కవల పిల్లలకు తల్లి పాలు పట్టడం:

కవల పిల్లలకు పాలు పట్టడం అనేది కష్టతరమైన పనే కావొచ్చ కానీ, అసాధ్యమైన పని అయితే కాదు. అవసరమయ్యే మేర పాలను ఉత్పత్తి చేసే సామర్థ్యం మన శరీరానికి ఉంది. కాబట్టి , పాలు సరిపోతాయా లేదా అని ఎక్కువగా ఆందోళన చెందకండి. ఇద్దరికీ ఒకటే సారి పాలు పడితే పని అయిపోతుంది అని మీరు భావిస్తూ ఉండవచ్చు. కానీ, ఇలా చేయటం కొద్దిగా కష్టతరమైన విషయం. అంతే కాకుండా కవల పిల్లలో ఒక్కొక్కరికి ఒక్కో రకమైన విభిన్న అవసరాలు ఉంటాయని గుర్తించండి.

మీరు గనుక తల్లి పాలను ఒకరి తరువాత ఒకరికి తల్లి పాలు ఇవ్వాలి అని భావించినట్లైతే, అటువంటి సందర్భములో మీకు రోజంతా పాలు ఇచ్చినట్లే ఉంటుంది. మీరు గనుక కచ్చితంగా తల్లి పాలే ఇవ్వాలి అని నిశ్చయించుకున్నట్లైతే, అటువంటి సమయంలో మీరు ఎక్కువ పాలను బయటకు తీసి మరియు అవసరమైన మేర పాలను నిల్వ ఉంచండి. ఇలా చేయడం ద్వారా ఒక బిడ్డకు స్థనాల ద్వారా, మరొక బిడ్డకు పాల బాటిల్ ద్వారా పాలు ఇవ్వవచ్చు. ఆ తరువాత పాలు ఇచ్చేటప్పుడు వరుస క్రమంలో పిల్లలకు ఒక్కోసారి ఒక్కోలా పాలు ఇచ్చే విధానాన్ని మార్చుకోవచ్చు,.

కవలలు ఉన్నప్పుడు దైనందిక పనులను నిర్వహించడం.

ఎప్పుడైతే కవల పిల్లలు పెద్దవారు అవుతారో, అటువంటి సమయంలో మీ పని సులభతరం అవుతుంది. అప్పుడు మీరు పనులు చేసుకుంటూ వారిని ఆడుకోమని చెప్పవచ్చు. ఇద్దరికీ ఒకటేసారి స్నానం చేపించటం వల్ల, ఎంతో విలువైన సమయం ఆదా అవుతుంది. వాళ్లు అప్పుడే కొత్తగా జన్మిచినప్పుడు, ఇలా చేయించడం వీలుకాదు.

మీరు చేసే ప్రతి ఒక్క పనికి ఎంత సమయం పడుతుందో, అందుకు మూడింతలు సమయం వారికోసం కేటాయించవలసి ఉంటుంది. ఇలా చేయటం వల్ల మీకు బాగా ఆలస్యమవుతుంది. మీరు గుర్తించవలసిన అంశం ఏంటంటే, ఎక్కువ సమయం పాటు మీ ఇంట్లో ఉన్న వస్తువులు ఒకే చోట ఉండవు.

కవల పిల్లలను చూసుకుంటూ ఉద్యోగాన్ని చేయాలని అనుకోవడం

పిల్లలను చూసుకుంటూ ఉద్యోగం చేసుకోవడం అనేది కొద్దిగా కష్టతరమైన పని. మీకు కవలలు పుట్టారని మీకు ఇచ్చే ప్రసూతి సెలవుల్లో ఎటువంటి మార్పు ఉండదు. మీ పిల్లలను చూసుకోవాలని భావించినట్లైతే, మీ పనిని త్వరగా ముగించుకొని లేదా మీ పనిని కొద్ది సేపు పక్కన పెట్టి వారిని చూసుకోవాల్సి ఉంటుంది.

ఒక మంచి శక్తివంతమైన మద్దత్తు వ్యవస్థ మీ పిల్లలను మరియు ఇంటి పనులను చూసుకోవాలంటే చాలా అవసరం.

మీ పరిస్థితులలో ఉండే మనుష్యులనే వెతకడం

ఎవరికైతే కవలలు పుట్టారో వారితో మాట్లాడటం వల్ల మీకు అది ఎంతో గొప్పగా సహాయపడుతుంది. మీ చుట్టు పక్కల కవలలను కన్న తల్లి దండ్రులు ఎవరైనా ఉన్నారా అని గమనించండి. అంతే కాకుండా అంతర్జాలంలో కవలల కోసం ప్రత్యేకంగా సహాయం చేయడానికి ఉండే కమ్యూనిటీలను సంప్రదించండి. మీకు ఇవి ఎంతగానో ఉపయోగపడుతాయి.