పిల్లల్లో పక్కతడిపే సమస్యను నివారించే కొన్ని ఇంటి చిట్కాలు

వాల్ నట్ మరియు కిస్మిస్ లు

వాల్ నట్'స్ మరియు కిస్మిస్ లు మంచి ఆరోగ్యకర స్నాక్ మరియు మీ పిల్లలకి కూడా నచ్చినట్లయితే ఇక అవి ఇవ్వటానికి ఆలోచించకండి. రోజూ పడుకునేముందు అవి వారికి పెట్టండి. ఇది విడివిడిగా వేర్వేరు సమయాల్లో కాక ఒకేసారి ఇవ్వాలి. మంచి ఫలితాలు కన్పించేవరకు ఇలానే కొనసాగించండి.

తేనె

ఇది పక్కతడిపే పిల్లలకి సులభమైన ఇంటిచిట్కా. ఎందుకంటే తేనె నచ్చని పిల్లలు దాదాపు ఉండరు. సహజమైన తీపిపదార్థం వలన అది శరీరానికి ఎటువంటి హాని కలిగించదు, ప్రతిరోజూ దాన్ని తినవచ్చు. తేనె హైగ్రోస్కోపిక్ స్వభావాన్ని కలిగి ఉంటుంది. అంటే అది తేమను మరియు ద్రవపదార్థాలని పీల్చుకుని ఉంచగలదు. అందుకని మూత్రాశయం నిండిపోయినప్పుడల్లా తేనె రాత్రి పూట పనిచేయగలదు. టీనేజ్ పిల్లలకి ఒక చెంచా తేనె మరియు పిల్లలకి ఒక చెంచా ఇవ్వవచ్చు.

బెల్లం

శరీరంలో తక్కువ ఉష్ణోగ్రత పక్కతడపటానికి దారితీయవచ్చు. రెండు నెలల పాటు బెల్లాన్ని క్రమంతప్పకుండా తినటం వలన ఒంట్లో వేడి పెరిగి పక్కతడపటాన్ని తగ్గిస్తుంది. దీన్ని అలానే తినవచ్చు లేదా పాలతో కలుపుకోవచ్చు. కానీ పిల్లలకి ఎక్కువ పెట్టకండి, ఎందుకంటే బెల్లం ఎక్కువయినా సమస్యలు వస్తాయి.

దాల్చిన చెక్క

భారతదేశ వంటిళ్ళలో దాల్చినచెక్క అద్భుతమైన మొక్క ఉత్పత్తి. ఇందులో ఉండే యాంటీ ఆక్సిడెంట్ లక్షణాలు అనేక సమస్యలు తీరుస్తుంది, పక్కతడపటాన్ని కూడా. పక్కతడపటం డయాబెటిస్ లేదా బ్యాక్టీరియా ఇన్ఫెక్షన్ వలనైతే దాల్చినచెక్క చాలా బాగా పనిచేస్తుంది. మీ పిల్లలని ఒక ముక్క దాల్చినచెక్కను ప్రతిరోజూ చప్పరించమని చెప్పండి. వారికి అది నచ్చకపోతే ఉదయం అల్పాహారం, స్మూతీల్లో, మిఠాయిల్లో దాని పొడిని జతచేయవచ్చు.

దేశవాళీ ఉసిరికాయ

దేశవాళీ ఉసిరిని ఆమ్లా అని కూడా అంటారు. ఇది పక్కతడిపే సమస్యకి మేటి ఆయుర్వేద పరిష్కారం. చాలామంది పిల్లలకి ఉసిరికాయ దాని రుచి వలన నచ్చకపోవచ్చు, కానీ వారికి అది పెట్టే ఒక ఉపాయం ఉంది. విత్తనాలు తీసేసి, రోటిలో మెత్తగా దంచి, ఒకచెంచా తేనె, మరియు చిటికెడు పసుపు వేయండి. ఈ ఉసిరి గుజ్జును చిటికెడు మిరియాల పొడితో కూడా ఇవ్వవచ్చు.

క్రాన్ బెర్రీ రసం

క్రాన్బెర్రీ రసం పక్కతడిపే సమస్యకి మంచి పరిష్కారంగా అందరికీ తెలుసు. పడుకునే ముందు ఒక గ్లాసు రసం తాగాలి. కేవలం తాజా క్రాన్ బెర్రీ రసం మాత్రమే ఇవ్వండి, ప్యాక్ లలో వచ్చేది కాదు. మీ బిడ్డకి రోజుకి మూడుసార్లు అరకప్పు చొప్పున రసం ఇస్తే మంచిది. ఏ భయం లేకుండా ఇవ్వవచ్చు ఎందుకంటే మూత్రాశయ ఇన్ఫెక్షన్ వల్ల వచ్చే పక్కతడిపే సమస్యకి ఇది మంచి పరిష్కారం.

సోంపు గింజలు

సోంఫు కూడా పక్కతడిపే సమస్యలను ప్రభావవంతంగా ఎదుర్కొంటుంది. ఒక చెంచా సోంఫును గ్లాసు వేడిపాలలో వేసుకుని తాగాలి. వెంటనే ఒక చెంచా తీపిసిరప్ తాగాలి, తేనె అయితే మంచిది. ప్రతిరోజూ పడుకునే ముందు ఇలా చేయాలి.

అరటిపండు

ఈ రుచికరమైన పండుకి చాలా ఆరోగ్యలాభాలు ఉంటాయి. చాలామంది తినేట్టు అజీర్తి సమస్యలకి చికిత్స చేయటమే కాక, పక్కతడిపే సమస్యలను కూడా పరిష్కరిస్తుంది. మీ పిల్లలకి రోజూ 2-3 పండిన అరటిపళ్ళు పెట్టండి. ఇది తరచూ మూత్రానికి వెళ్ళాల్సి అన్పించటాన్ని నియంత్రిస్తుంది.

మూత్రాశయ వ్యాయామాలు

పక్కతడిపే సమస్య ఉన్న పిల్లలకి మూత్రాశయానికి వ్యాయామం సాయంగా ఉండవచ్చు. ఇది మెరుగైన మూత్రాశయ నియంత్రణ ,మరియు వ్యాకోచానికి సాయపడుతుంది. ఒక వ్యాయామం మూత్రానికి వెళ్ళాల్సి వచ్చినపుడు 10-20 నిమిషాలు ఆపుకోవటం. మరొకటి ఎక్కువనీరు తాగి బ్లాడర్ ను వ్యాకోచింపచేయటం. మోకాళ్ళపై చిన్నబంతిని పెట్టి దాన్ని వత్తుతూ, వదులుతూ చేసే కెగెల్ వ్యాయామం కూడా పెల్విక్ కండరాలను ధృఢం చేస్తుంది.

మసాజ్

పక్కతడపటం పెల్విక్ కండరాల అసంకల్పిత చర్య వల్ల జరుగుతుంది. రాత్రిపూట ఆలివ్ నూనెతో మసాజ్ ఈ సమస్యకి మంచి పరిష్కారం. కొంచం నూనెను వేడిచేసి, మీ అరచేతుల్లో రుద్ది, మీ బిడ్డ కిందిభాగపు పొట్ట మొత్తం రాయండి. కొద్దినిమిషాలు మసాజ్ చేసి వదిలేయండి. ఆలివ్ నూనె మూత్రాశయ కండరాలను బలపర్చి, మూత్రాశయ నియంత్రణను మెరుగుపరుస్తుంది.