మీరు గర్భవతులా? ఈ లక్షణాలు పరీక్షించండి!

రక్తస్రావం: అండాశయ ఫలదీకరణ తర్వాత 8 లేదా 10 రోజులలో పింక్ లేదా బ్రౌన్ రంగులో లేదా కొద్దిపాటి లేదా అధికంగా రక్తస్రావం జరిగితే, ఈ చిహ్నాన్ని గర్భం ధరించినట్లు భావించవచ్చు. ఈ బ్లీడింగ్ జరిగే సమయంలో కొద్దిపాటి తిమ్మిర్లు కూడా కలుగవచ్చు.

ఆకలి: విపరీతమైన ఆకలి కలగటం కూడా గర్భవతులయ్యారనటానికి గుర్తే. అయితే, ఈ చిహ్నాన్ని గుడ్డిగా నమ్మవద్దు. ఇతర లక్షణాలు కనపడుతూంటే, ఇక గత చివరి సారి ఏ తేదీకి రుతుక్రమం అయిందో లెక్క వేసుకోండి.

చనుమొనలు నలుపుకు తిరగటం: చనుమొనలుచుట్టూ వున్న చర్మభాగం సాధారణంగా వుండవలసినదానికంటే నలుపు రంగుకు తిరిగితే గర్భవతి అయ్యారనటానికి అదీ ఒక నిదర్శనమే!

మెత్తగా లేదా ఉబ్బిన స్తనాలు: స్తనాలు ముట్టుకుంటే మెత్తగా అవడం గర్భధారణ చిహ్నమే. ఇక నొప్పి విషయానికి వస్తే పిరీయడ్స్ కు ముందరగా ఏరకమైన పెయిన్ వస్తూంటుందో అదే రకంగా వస్తూ గర్భం ధరించిన తదుపరి రోజులలో సర్దుకుపోతుంది.

పిరీయడ్స్ (రుతుక్రమం) ఆగిపోవటం: గర్భవతి అయ్యారనటానికి ఇది అతి సాధారణ లక్షణం. పిరీయడ్స్ రెగ్యులర్ గా వస్తూ, ఒక నెల ఆగిపోతే అది తప్పక గర్భధారణే! వెంటనే ప్రెగ్నెన్సీ పరీక్షలు చేయించుకోండి.

ఉదయంపూట వికారంగా వుండటం: గర్భం ధరించిన కొద్ది రోజుల తర్వాత, మహిళలు వికారంగాను, కళ్ళు కొద్దిగా తిరగటంగాను భావిస్తారు. వాంతి చేసుకోవాలన్న భావన, కళ్ళు బైర్లు కమ్మటం వంటివి గర్భధారణ ఖచ్చితమని తేల్చేస్తుంది. ఈ లక్షణాలు సాధారణంగా ఉదయపు వేళలో నిద్ర లేచిన తర్వాత ఏర్పడతాయి.

తరచుగా మూత్ర విసర్జన, రుచి తెలియకపోవుట: మామూలు కంటే తరచుగా మూత్రం చేయటం నోరు రుచిని కోల్పోవటం గర్భ ధారణకు సూచనలే. పని ఏమీ లేకుండానే అలసి పోవటం, పొట్టలో కొద్దిపాటి నొప్పి లేదా మెలికలు తిరిగినట్లుండటం కూడా గర్భధారణ సూచనలే.

రతి కార్యక్రమం తర్వాత కొన్ని రోజులకు ఈ రకమైన గర్భధారణ లక్షణాలు కనిపిస్తే, రుతుక్రమం అయిన తేదీ నుండి లెక్క వేసుకోండి, వెంటనే ప్రెగ్నెన్సీ పరీక్షలు చేయించుకోండి.