గర్భవతికి వైద్య పరీక్షల షెడ్యూల్ అవసరమా?

Pre Natal

oi-Nageswara

By B N Sharma

Published: Tuesday, October 4, 2011, 14:42 [IST]

బేబీ కావాలనుకున్నారు. గర్భవతయ్యారు. గర్భవతి చిహ్నాలు కనపడుతున్నాయి. వెంటనే సరి అయిన సలహాలకొరకు మంచి వైద్యుడిని సంప్రదించండి. వీటినే గర్భవతి వైద్యపరీక్షలంటారు. వీటిని రెగ్యులర్ గా చేయించుకుంటూ వుండాలి. బేబీ ఆరోగ్యానికి, మీ ఆరోగ్యానికి కూడా ఈ పరీక్షలు చేయటం ఎంతో మంచిది. ఈ వైద్య పరీక్షలకు ఒక పట్టిక తయారు చేయాలి. ఎమర్జెన్సీ సమయంలో మార్పులు చేయవచ్చు. మొట్టమొదటి వైద్య పరీక్ష 8 నుండి 12 వారాల లోపు వుండాలి.

మొదటి పరీక్ష అయిన తర్వాత నుండి 4 నుండి 6 వారాలలోపు రెండవ పరీక్ష చేయించాలి. 30 వారాల గర్భం అయిన తర్వాత ప్రతి రెండు లేదా మూడు వారాలకొకసారి పరీక్ష చేయించాలి. 36వ వారం గర్భవతిగా అయినపుడు ఇకనుండి ప్రతి వారం లేదా పదిహేను రోజులకొకసారి కాన్పు అయ్యేటంతవరకు పరీక్షలు చేయించాలి. మొదటి పరీక్ష ప్రాధాన్యత - గర్భవతి అయ్యి ఎన్ని రోజులయిందనేది అల్ట్రాసౌండ్ తో లెక్కిస్తారు. రక్త పరీక్ష చేసి బ్లడ్ గ్రూప్ నిర్ణయిస్తారు. కుటుంబంలోని కాన్పుల చరిత్ర పరిశీలిస్తారు. గర్భవతికి అవసరమైన విటమిన్లు మొదలైనవి ఎలా వాడాలి ఏం వాడాలి అనేది సలహానిస్తారు. తర్వాతి పరీక్షలో గర్భవతి బరువు, రక్తపోటు, బేబీ గుండె చప్పుడు పరీక్షిస్తారు. బేబీ ఎదుగుదల పరిశీలిస్తారు.

మూడవ త్రైమాసికంలో.....వైద్య పరీక్షలు తరచుగా వుంటాయి. ఈ సమయంలో చాలామంది మహిళలు సమస్యలు ఎదుర్కొంటారు. ఒక్కొక్కపుడు అనుకున్న దానికంటే ముందుగానే డెలివరీ చేయాల్సిన అవసరం ఏర్పడుతుంది. గర్భవతి మహిళకు కాన్పు ముందు, కాన్పు తర్వాత కూడా వైద్య పరీక్షలు చాలా అవసరం. డాక్టర్ తో తరచుగా సంప్రదించండి. డాక్టర్ కు మీ పరిస్ధితి వివరించటానికి వెనుకాడవద్దు. సరైన వైద్య పరీక్షలతో గర్భవతి దశను ఆనందించండి.