గర్భిణీ తీసుకోవలసిన ఓ దివ్వ ఔషదం: ఆరెంజ్ జ్యూస్

Pre Natal

oi-Saraswathi

By Sindhu

Updated: Thursday, December 13, 2012, 15:42 [IST]

సాధారణంగా మన ఆరోగ్యాన్ని కాపాడుకోవడానికి శరీరంలో విటమిన్లు, పోషకాలు, మినరల్స్ అన్ని సమపాళ్ళలల్లో ఉన్నప్పుడు మనం ఆరోగ్యంగా జీవించగలుగుతాం. సిట్రస్ పండ్లలో పుష్కలంగా విటమిన్ "సి" ఉంటుందని ఆరోగ్య నిపుణులు అంటున్నారు. నిమ్మపండు, ద్రాక్ష, ఆరెంజ్ వంటి నీటిశాతం అధికంగా గల పండ్లలో ఆరోగ్యానికి కావాల్సిన 'సి' విటమిన్ పుష్కలంగా ఉంది. ఈ 'సి' విటమిన్ ద్వారా శరీరానికి కావాల్సిన యాంటియోక్సిడెంట్లు శరీరానికి అందుతాయి. అయితే మనశరీరానికి కావలసినవి ఏవి తక్కువైనా మనం అనారోగ్య పాలవ్వడం తప్పదు. ముఖ్యంగా ఆహారంలో విటమిన్ ‘విటమిన్ సి'ఎక్కువగా ఉండేట్లు చూడండి అనగానే అందరికీ గుర్తుకువచ్చేది కమలా, నారింజపండ్లే. శీతాకాంలో ఈ పండ్లు విరివిగా దొరుకుతాయి. అయితే ఈ మధ్యకాలంలో సంవత్సరంలో సగంపైగా నారింజపండ్లు మార్కెట్లో దర్శనమిస్తున్నాయి. ఇది ఒక అద్భుతమైన పండుగా కితాబు ఇవ్వొచ్చు. తొక్కతో సహా మనికి ఆరోగ్యాన్ని ఇస్తుంది.

ఇందులో ప్రతి 100మి.గ్రాపండులో 60మి.గ్రా. విటమిన్ సి'ఇస్తుంది. సీజన్ మెదట్లో ఈ పండులో విటమిన్ ‘సి' శాతం ఎక్కువగా ఉంటుంది. సీజన్ చివర్లో తగ్గుతుంది. అంతే కాదు నారిం. పండులో విటమిన్ ‘ఎ' పొటాషియమ్ , కాల్షియం, ఫాస్ఫరస్, ఫోలిక్ యాసిడ్ ఉంటాయి. సోడియం శాతం తక్కువగా ఉంటుంది కాబట్టి ఇది బిపి ఉన్నవారికి మంచిది. అలాగే డయాబెటిస్ ఉన్న వారు కూడా దీన్నీ తీసుకోవచ్చు. రోజూ ప్రొద్దున్నే ఆరంజ్ జ్యూస్ (పరగడుపున) తీసుకుంటే ఇది ఒక మంచి టానిక్ లా పనిచేస్తుంది. అరుగుదల పెంచుతుంది. జలువు, ఆర్థరైటీస్, జ్వరం వున్నవారికి ఆరంజ్ జ్యూస్ మంచి ఉపయోగకారి, ఆరంజ్ తొక్కలోని నూనె(త్రేన్పు)లను అరికడుతుంది. ఆరంజ్ తో మీరు సులభంగా చేసుకోవడానికి ఇక్కడ రెండు వంటకాలు...

ఆరెంజ్ క్రీమ్ : ఆరెంజ్ పండ్లు: 6, క్రీమ్(పాలమీగడ): 1కప్పు, తేనె: 1టేబుల్ స్పూన్
తయారు చేయు విధానం: ఆరెంజ్ పండ్లను శుభ్రంగా కడగాలి, పీలర్ తో తొక్కని కాస్తంత చెక్కుకొని సన్నగా కట్ చేసుకొని పక్కన పెట్టుకోవాలి. ఇది ఒక చెంచాడు వస్తే సరిపోతుంది. ఆరెంజ్ తొనలని వలిచి ఒక గాజు గిన్నెలో సర్థండి, క్రీమ్ తో తేనె, ఆరెంజ్ పీల్ కలిపి సర్ధివుంచిన తొనలపై వేయండి. అరగంట పాటు ఫ్రిజ్ లో పెట్టిన తర్వాత తీసుకోవాలి. ఇది శక్తిని, కాల్షియంను, విటమిన్ ‘సి', ఫోలిక్ యాసిడ్ ఇతర ఖనిజ లవణాలను ఇస్తుంది. అలసి ఇంటికి వచ్చినప్పుడు, ప్రయాణానికి ముందర, పెరిగే పిల్లలకు, వయసు మళ్ళిన వారికి ఆడవారికి చాలా మంచిది.

నిలవ ఆరెంజ్ తొక్కలు: నారింజ తొక్కలు : ఒక కప్పు, పంచదార: అరకప్పు, ఆరెంజ్ ఎసెన్స్: చిటికెడు
తయారు చేయు విధానం: ఆరెంజ్ తొక్కలను శుభ్రంగా కడిగి కావల్సిన సైజ్ లో కట్ చేసుకోవాలి. నీరు లేకచుండా పంచదారతోపాటు, ఎసెన్స్ కలిపి పొయ్యి మీద పెట్టాలి. చెక్క గరిటెతో కలియబెడుతూ వుండాలి. మరీ పొడిగా అయితే కొద్దిగా నీళ్ళు పోయండి. నీరంతా ఇంకిపోయే వరకూ ఉడికించండి. చల్లారిన తర్వాత శుభ్రమైన సీసాలో నిలువ చేసుకోవచ్చు. దీన్ని బ్రెడ్, చపాతీతో తింటే రుచిగా ఉంటుంది. ఆరెంజ్ తొక్కలో బయోప్లెమొనాయఇడ్స్ పెల్టిస్ వుంటాయి. ఇవి కొవ్వును తగ్గించడానికి ఉపయోగపడుతాయి.