గర్భధారణ సమయంలో గర్భిణీ రొమ్ముల్లో జరిగే 7 మార్పులు

1.బరువుగా అనిపించడం:

గర్భం ధరించినప్పుడు స్త్రీలలో ప్రెగ్నెన్సీ హార్మోన్ల వల్ల మరియూ ఇతర కణజాలాలవల్లా స్తనాలు విశాలమయ్యి బరువుగా ఉన్నట్లనిపిస్తాయి.

2.సున్నితంగా ఉండటం:

గర్భం ధరించగానే స్తనాలలోకి రక్త ప్రసరణ పెరగడంతో పాటు కణజాలాలు వాచడం అమ్రియూ ఇతర హార్మోనల్ తేడాలవల్ల స్తనాలు నెప్పిగా సున్నితంగా అనిపిస్తాయి.

3.ఉబికి పైకి కనిపించే సిరలు:

మీ స్తనాలలోని నీలిరంగు సిరలు మీరు గర్భవతులుగా ఉన్నప్పుడు పైకి కనిపిస్తూ ఉండటాన్ని గమనించే ఉంటారు.గర్భం ధరించినప్పుడు పెరిగిన రక్త ప్రసారానికనుగుణంగా సిరలు వ్యాకోచించడం వల్ల స్పష్టంగా పైకి కనపడుతుంటాయి.

4.పెద్దవయ్యే చనుమొనలు:

కొంత మంది గర్భవతులలో చనుమొనలు గట్టిపడి పెద్దవవడాన్ని గమనించవచ్చు.అక్కడ ఉన్న కణజాలం వ్యాకోచించడం వల్ల ఈ మార్పు చోటు చేసుకుంటుంది.

5.చనుబాలు ఊరడం:

రెండవ లేదా మూడవ త్రైమాసికంలో గర్భవతులు తమ చనుమొనల నుండి ఒక చిక్కటి ద్రవం స్రవించడాన్ని గమనిస్తారు.పిల్లలు ఇంకా గర్భంలో ఉండగానే చనుమొనల నుండి ఊరే పాలని "కొలోస్ట్రం" అంటారు.

6.స్ట్రెచ్ మార్క్స్:

గర్భవతులలో స్తనాల పరిమాణం, వైశాల్యం పెరగడం వల్ల అక్కడి చర్మం కూడా వ్యాకోచించి స్తనాల మీద స్ట్రెచ్ మార్క్స్ ఏర్పడతాయి.

7.సాగడం:

పైన చెప్పినట్లుగానే గర్భం ధరించినప్పుడు స్తనాలు వ్యాకోచించడంవల్ల పిల్లలు పుట్టిన తరువాత స్తనాలు సాగినట్లుగా ఉంటాయి.