పొట్టలో ట్విన్స్ పెరుగుతున్నప్పుడు తీసుకోవాల్సిన జాగ్రత్తలు

మొదటి రియాక్షన్

తమ పొట్టలో ట్విన్స్ పెరుగుతున్నారన్న వార్త తెలియగానే.. కాస్త షాకింగ్ గా ఉంటుంది. కానీ.. దీనికి గిల్టీగా ఫీలవ్వాల్సిన అవసరం లేదు. ఇది చాలా నార్మల్ గా జరుగుతూ ఉంటుంది. కాబట్టి మైండ్ ని చాలా రిలాక్స్ ఉంచండి. అప్పుడు మీ బాడీ కూడా ప్రెగ్నన్సీపై దుష్ర్పభావం చూపకుండా ఉంటుంది.

ఆకర్షణ గురించి

పొట్టలో ఇద్దరు పిల్లలు పెరుగుతున్నప్పుడు మొదటి దశలోనే పొట్ట కాస్త పెద్దగా కనిపిస్తుంది. దీనికి ఆందోళనపడకండి. పొట్టలో ట్విన్ బేబీస్ ఉన్నప్పుడు ఎక్కువ ఒత్తిడికి గురికాకుండా.. వాళ్ల సంరక్షణ గురించి ఆలోచించండి.

పొట్టపై మాయిశ్చరైజర్

మీ పొట్టపై ఎక్కువ ఒత్తిడి, స్ట్రెచ్ ఉంటుంది. కాబట్టి దానిపై ఆయిల్ లేదా మాయిశ్చరైజర్ పట్టించాలి. దీనివల్ల చర్మానికి తగిన మాయిశ్చరైజర్ అందుతుంది. స్ట్రెచ్ మార్క్స్ దురద పెట్టకుండా ఉంటాయి.

ఎక్కువగా తినకండి

ఒక బేబీ కాకుండా.. ఇద్దరు పుట్టబోతున్నారు కాబట్టి.. ఎక్కువగా తినాలని భావించకండి. మీకు ఆకలిగా అనిపించినప్పుడు మాత్రమే తినాలి. పొట్ట నిండిన ఫీలింగ్ కలిగినప్పుడు తినకండి.

హెల్తీ ఫుడ్

మీ డైట్ లో ఫ్రెష్ ఫుడ్ ఉండేలా జాగ్రత్త పడాలి. ప్రొసెస్డ్ ఫుడ్ తీసుకోకూడదు. తాజా పండ్లు, కూరగాయలు, వోల్ గ్రెయిన్స్, రైస్, పాస్తా, చేపలు, మాంసం, ఎగ్స్, పాలు, పెరుగు వంటి ఆహారాలను డైట్ లో చేర్చుకోవాలి.

స్మాల్ మీల్స్

ట్విన్ ప్రెగ్నన్సీ ఉన్నప్పుడు ఎక్కువ పోషకాహారం తీసుకోవాలి. అయితే.. ఎక్కువ మొత్తంలో కాకుండా కొద్ది కొద్దిగా తీసుకోవాలి. ఎక్కువ ఆహారం ఒకేసారి తీసుకుంటే.. అసౌకర్యంగా ఉంటుంది. మీ బ్రేక్ ఫాస్ట్ ని రెండుగా విడదీసి.. గంటన్నర గ్యాప్ తో తీసుకోవాలి.

పోషకాలు

మొదటి 12 వారాల ప్రెగ్నన్సీ సమయంలో 400 మైక్రోగ్రాముల ఫోలిక్ యాసిడ్ డైలీ తీసుకోవాలి. అలాగే విటమిన్ డి కూడా ప్రెగ్నన్సీ సమయం మొత్తం తీసుకోవాలి.

మెటర్నిటీ బెల్ట్

కాళ్లు, వెన్నుపై ఎక్కువ ఒత్తిడి కలిగించకుండా, నొప్పి కలిగించకుండా ఉండటానికి రెగ్యులర్ గా సరైన వ్యాయామాలు చేయాలి. మెటర్నిటీ బెల్ట్ లు, బెల్లీ బ్యాండ్స్ పొట్ట బరువును తేలికగా మారుస్తాయి.

కంటినిండా నిద్రపోవడం

రాత్రిపూట నిద్రపట్టడం కాస్త కష్టంగా ఉంటుంది. తరచుగా యూరిన్ కి వెళ్లడం, అసౌకర్యం వంటి సమస్యలు.. మీకు నిద్రపట్టకుండా అడ్డుకుంటాయి. పగటిపూటైనా నిద్రపోవడం మంచిది.

సపోర్ట్

చాలా స్ట్రాంగ్ సపోర్ట్ చాలా అవసరం. ఫ్యామిలీ నుంచి, సమాజం నుంచి.. మీరు ప్రెగ్నంట్ గా ఉన్నప్పుడు సపోర్ట్ అవసరం. ఎలాంటి జాగ్రత్తలు తీసుకోవాలి, ఎలాంటి ప్లాన్స్ ఉండాలో మీరూ, మీ పార్ట్ నర్ కలిసి మాట్లాడుకోవాలి.