కడుపు నిండా తిన్నా లైట్‌గా అనిపించే హెల్తీ వంకాయ పెరుగు పచ్చడి.. సింపుల్‌గా ఇలా చేసేయండి.!

వంకాయ కాంబినేషన్‌ కూరలు అంటే నో చెప్పడం కష్టమే. అంతలా ఈ వంకాయ వెరైటీలకు ఎవరైనా ఫేవరెట్‌ అయిపోవాల్సిందే.. అందుకే ఈ వీకెండ్‌లో శాకాహార ప్రియుల కోసం నోరూరించే వంకాయ పెరుగు పచ్చడిని ట్రై చేయండి.. మీ సండే స్పెషల్‌ డే ఫుడ్‌ మెమరబుల్‌గా ఉంటుంది.

వంకాయ పెరుగు పచ్చడి తయారీకి కావాల్సిన పదార్థాలు

వంకాయలు- మీడియం సైజులో ఉన్న రెండు పెద్ద వంకాయలు
పసుపు- టీస్పూన్‌
కశ్మీరీ కారం- మూడు టీస్పూన్లు
ఉప్పు- టీస్పూన్‌ లేదా రుచికి సరిపడా
నూనె- ఐదు టీస్పూన్లు
తాజా పెరుగు- 400 గ్రాములు
ఆవాలు- టీస్పూన్‌
జీలకర్ర- ఎండుమిర్చి- రెండు
ఇంగువ- చిటెకెడు
ఉల్లిపాయ- ఒకటి
కారం- టీస్పూన్‌
ఉప్పు- అర టీస్పూన్‌
జీలకర్ర పొడి- టీస్పూన్‌
కొత్తిమీర- కొద్దిగా

ముందుగా వంకాయలను గుండ్రంగా ముక్కలుగా కట్‌ చేసుకోవాలి. వీటిని ఉప్పు నీళ్లలో వేసి కడిగి పక్కన పెట్టుకోవాలి.

రాయల్‌ వీకెండ్‌.. ఈ స్పెషల్‌ మసాలాతో మొఘల్‌ కిచెన్‌ రెసిపీ మహారాణి చికెన్‌ కర్రీ.!

ఈ వంకాయ ముక్కలకు పసుపు, కశ్మీరీ కారం, ఉప్పు, టీస్పూన్‌ నూనె వేసి కలిపి మ్యారినేట్‌ చేసుకోవాలి. దాదాపు 20 నిమిషాల పాటు ఉంచడం ద్వారా కారం, ఉప్పు బాగా పడుతుంది.

ఇప్పుడు పెరుగును ఉండలు లేకుండా నీళ్లు పోయకుండా క్రీమీగా వచ్చేవరకు బాగా గిలక్కొట్టి పక్కన పెట్టుకోవాలి.

ఇప్పుడు స్టవ్‌పైన తవా లాంటి పాన్‌ పెట్టుకుని దానిపైన కొద్దిగా నూనె అప్లై చేసి వేడి చేయాలి. వీటిపైన మ్యారినేట్‌ చేసిన వంకాయ ముక్కలను వేసి రెండు వైపులా నూనె అప్లై చేస్తూ కాల్చుకోవాలి.

వంకాయ ముక్కలు బాగా వేగిన తర్వాత పాన్‌ను పక్కన పెట్టుకోవాలి.

ఇప్పుడు మరో పాన్‌లో మూడు టేబుల్‌ స్పూన్ల వేసి కాగనివ్వాలి. ఇందులో ఆవాలు, ఎండుమిర్చి వేసి వేగనివ్వాలి.

ఇందులో కొద్దిగా ఇంగువ వేసి చిన్నగా కట్‌ చేసుకున్న ఉల్లిపాయ ముక్కలు వేసి రంగు మారేవరకు వేయించుకోవాలి.

ఇప్పుడు కారం, ఉప్పు, జీలకర్ర పొడి వేసి మరోసారి కలిపి వేయించాలి.

పంద్రాగస్టు స్పెషల్ స్వీట్..చల్లారినా గట్టిపడని వెడ్డింగ్ స్టైల్ రవ్వ కేసరి మీ ఇంట్లోనే ఈజీగా చేసుకోండిలా..

క్రీమీగా ఉన్న పెరుగును తీసుకుని ముందుగా పాన్‌లో కొన్ని వేయించిన వంకాయ ముక్కలపైన పెరుగును అప్లై చేసుకోవాలి. ఇప్పుడు దీనిపై మిగిలిన వంకాయ ముక్కలను పేర్చుకోవాలి. చివరిగా కొత్తిమీరతో గార్నిష్‌ చేసుకోవాలి.

అంతే సింపుల్‌గా ఉండే హెల్తీ వంకాయ పెరుగు పచ్చడి రెడీ. వేడివేడి అన్నంలోకి ఈ రెసిపీ అద్భుతంగా ఉంటుంది. ఈ వీకెండ్‌లో తప్పక ట్రై చేయండి.