10 నిమిషాల్లోనే కారం అన్నం..బిర్యానీ,పులావ్ లు కూడా దీని ముందు జుజుబీ..నోటికి పట్టిన తుప్పు అంతా వదిలిపోతుంది!

భారతీయ వంటిళ్లలో, ముఖ్యంగా తెలుగు వారి ఇళ్లలో అన్నం ప్రధాన ఆహారం. మధ్యాహ్నం వండిన అన్నం రాత్రికి లేదా రాత్రి వండిన అన్నం ఉదయానికి మిగిలిపోవడం సర్వసాధారణం. చాలామంది ఈ అన్నాన్ని పారేయలేక, ఏం చేయాలో తెలియక నిమ్మకాయ పులిహోర లేదా పెరుగన్నం చేస్తుంటారు.

కానీ ఎప్పుడూ ఒకే రకమైన రుచి బోర్ కొడుతుంది కదా? అందుకే, అన్నం వృధా కాకుండా, జిహ్వకు సరికొత్త రుచిని అందించే అద్భుతమైన వంటకం కారం రైస్. జలుబు, దగ్గు ఉన్నప్పుడు లేదా నోటికి రుచి తెలియనప్పుడు ఈ కారం రైస్ తింటే చాలా ఉపశమనంగా ఉంటుంది. ముఖ్యంగా సమయం లేనప్పుడు, ఒంట్లో బాగులేనప్పుడు, లేదా వంట చేసే ఓపిక లేనప్పుడు 10 నిమిషాల్లో చేసుకోగలిగే బెస్ట్ రెసిపీ ఇది. కారం అన్నం ఎలా తయారుచేసుకోవాలో ఇక్కడ చూడడి.

కావలసిన పదార్థాలు
-మిగిలిపోయిన అన్నం
-ఎండు మిరపకాయలు
జీలకర్ర
-కరివేపాకు
-నూనె
-ఆవాలు
-మినప్పప్పు
-పచ్చి శనగపప్పు
-వేరుశెనగ గుళ్లు (పల్లీలు)
-ఉప్పు
-పసుపు
-అల్లంవెల్లుల్లి పేస్ట్

-కారం

తయారీ విధానం

-మిగిలిపోయిన అన్నం గడ్డలుగా ఉంటే, చేతితో నలిపి పొడిపొడిగా చేసుకోవాలి. అన్నం మరీ మెత్తగా ఉంటే కారం రైస్ ముద్దగా అయిపోతుంది, కాబట్టి అన్నం పలుకుగా ఉండేలా చూసుకోండి.

-ఒక గిన్నెలోకి మిగిలిపోయిన అన్నం తీసుకోండి. ఇందులో కొద్దిగా పసుపు, మీ రుచికి తగ్గట్టుగా కారం, చిటికెడు అల్లంవెల్లుల్లి పేస్ట్, రెండు రెబ్బల కరివేపాకు కూడా వేసి మొత్తం అంతా బాగా కలిసేలా చేతితో కలుపుకొని పక్కన పెట్టుకోండి.

-ఇప్పుడు ఈ అన్నంలోకి తాలింపు పెట్టుకోవాలి. ఇందుకోసం స్టవ్ మీద పాన్ పెట్టి ఆయిల్ వేసి వేడి చెయ్యాలి. ఇందులో తాలింపు గింజలు, పల్లీలు, ఎండుమిర్చి వేసి వేయించాలి.

-తాలింపు వేగిన తర్వాత అందులో ముందుగా కలిపి పెట్టుకున్న రైస్ ని వేసి బాగా ఫ్రై చేసుకొని స్టవ్ ఆపేయండి. చివరగా ఉప్పు సరిచూసుకోండి.

-స్టవ్ ఆపే ముందు ఒక స్పూన్ నెయ్యి వేసి కలిపితే, ఆ ఘాటుకు నెయ్యి కమ్మదనం తోడై రుచి అమోఘంగా ఉంటుంది. కొత్తిమీర చల్లుకుని దించేయండి.

-అంతే సూపర్ టేస్టీ కారం అన్నం రెడీ. దీనిని వేడి వేడిగా పొగలు కక్కుతున్నప్పుడే తింటే నోటికి స్వర్గం కనబడుతుంది.