గుడ్డుతో భుర్జీ తయారీ : ఇంట్లో గుడ్లతో భుర్జీని ఎలా తయారుచేయాలి

గుడ్డుతో చేసే భుర్జీ ఉత్తర మరియు పశ్చిమ భారతంలో చాలా సాధారణ మరియు ప్రముఖమైన వంటకం. ఇది మిగతాచోట్ల కూడా మెల్లగా ప్రసిద్ధమైంది.దీన్ని పక్క వంటకంగా తయారుచేస్తారు,మరియు రోటీ లేదా చపాతీ, నాన్ తో కలిపి తింటారు. లేకపోతే నేరుగానే అలానే తినేస్తారు కూడా.

గుడ్డుతో చేసే భుర్జీకి ఎక్కువ కొత్త ప్రయోగాలు ఏం ఉండవు ఎందుకంటే దీన్ని గుడ్లను గిలకొట్టి,ఉడికించి మరియు ఉల్లిపాయను వేయించి చేస్తారు. ఇందులో వేసే మసాలా దినుసులు అన్నిటితో సరిగా కలిసి మంచి ప్రత్యేకమైన రుచిని ఇస్తాయి. కొత్తిమీరతో ఆఖరున అలంకరణ ఈ వంటకాన్ని పూర్తిచేస్తుంది.

గుడ్డుతో భుర్జీని రోజులో ఎప్పుడైనా ఏ భోజనంతో అయినా తినవచ్చు. దీన్ని సాయంత్రం కేవలం బ్రెడ్ ముక్కలతో కలిపి స్నాక్ లాగా తినవచ్చు.

గుడ్డుతో భుర్జీని ఇంట్లో సులువుగా, త్వరగా వండుకోవచ్చు. వీడియోని చూసి, వివరంగా స్టెప్ బై స్టెప్ తయారీ విధానాన్ని చదివి రుచికరమైన గుడ్డు భుర్జీని ఎలా తయారుచేయాలో తెలుసుకోండి.

స్టెప్ బై స్టెప్ - గుడ్డుతో భుర్జీ ఎలా తయారుచేయాలి

1. ఒక ఉల్లిపాయ తీసుకుని, పైన కింద కోయండి

2. పైన తొక్క తీసేసి సగానికి కోయండి.

3. మీకు కావాలంటే పైన గట్టిగా ఉండే భాగాన్ని తీసేయండి.

4. నిలువుగా ఉల్లిపాయ ముక్కలు కోయండి.

5. పచ్చిమిరపకాయను నిలువుగా సగానికి కోయండి.

6. ఇంకా,2 అంగుళాల ముక్కలుగా కోయండి. పక్కన పెట్టుకోండి.

7. వేడిచేసిన పెనంలో నూనెను వేయండి.

8. నిలువుగా కోసిన ఉల్లిపాయలను వేసి నెరపండి.

9. గోధుమరంగులోకి మారేదాకా వేయించండి.

10. కోసిన పచ్చిమిర్చిని వేయండి.

11. అల్లం వెల్లుల్లి పేస్టును చెంచా ఉప్పుతో కలిపి వేయండి.

12. బాగా కలపండి.

13. తర్వాత, గుడ్లను చాకుతో పగలకొట్టి, ఒకదాని తర్వాత ఒకటి పెనంలో వేయండి.

14. ఒకటిన్నర చెంచాల ఉప్పును వేయండి.

15. చెంచాడు జీలకర్ర మరియు మిరియాల పొడిని వేయండి.

16. ఇప్పుడు గుడ్లను గిలకొట్టి, గరిటెతో పచ్చిగుడ్లు గట్టిపడేదాకా కలపండి.

17. 6-7 నిమిషాలు అలానే మంటపై ఉడకనిచ్చి, భుర్జీ బంగారు రంగులోకి మారేదాకా ఉంచండి.

18. కొత్తిమీరతో అలంకరించండి.

19. గిన్నెలోకి తీసుకోండి. వడ్డించండి.