గుల్పవాటె తయారీ । గోధుమపిండితో గుల్ పవాటే చేయటం ఎలా । పిండి మరియు బెల్లం లడ్డూ తయారీ

కర్ణాటకలో చేసే ప్రత్యేక స్వీటు గుల్పవటే. దీన్ని పండగలకి, ఉత్సవాలకి అందరి ఇళ్ళలో సాంప్రదాయంగా చేసుకుంటారు.

గోధుమపిండిని బెల్లం పాకంలో ఉడికించి తర్వాత లడ్డూలు చేస్తే అదే గుల్పవటే స్వీటు. అదనంగా కొబ్బరి తురుము, ఏలకుల పొడి జతచేస్తే మంచి వాసన, రుచికరంగా ఉంటాయి.

ఇది చాలా సులభమైన వంటకం, చిటికెలో అయిపోతుంది. పండగలప్పుడు త్వరగా అయిపోయే వంటకాలలో ఇది ఒకటి. చేసే విధానం కూడా సులభంగా ఉండి, పెద్ద నైపుణ్యం అక్కరలేదు. సాదాగా ఉన్నా చాలా రుచికరంగా ఉండి మీ నాలుకకి స్వర్గం చూపిస్తుంది.

గుల్పవటేని చిరోటి రవ్వతో కూడా చేస్తారు. కానీ ఇక్కడ మేము గోధుమపిండిని వాడాం. మీరు ఏదన్నా పండగకి దీన్ని ప్రయత్నించాలనుకుంటే, చిత్రాలు, వీడియోతో సహా రెసిపి ఇదిగో మీకోసం.

స్టెప్ బై స్టెప్ - గుల్పవటే తయారీ ఎలా

1.వేడిచేసిన పెనంలో 3 చెంచాల నెయ్యి వేయండి.

2. గోధుమపిండి 1 బౌల్ వేయండి.

3. 5-7 నిమిషాలపాటు మంట మధ్యగా ఉంచండి( గోధుమరంగులో మారేవరకు వేయించండి).

4. ఒక పళ్ళెంలో తీసుకుని పక్కన పెట్టుకోండి.

5. వేడి బాండీలో బెల్లం ¾ కప్పు వేయండి.

6. వెంటనే, మాడకుండా 1 ¼ కప్పుల నీరు పోయండి.

7. బెల్లాన్ని కరగనిచ్చి, 5 నిమిషాలపాటు ఉడకనివ్వండి.( మంట మధ్యలో ఉంచండి)

8. 5 చెంచాల నెయ్యి వేయండి.

9. అప్పుడు, వేయించిన పిండిని వేసి స్టవ్ ఆపేయండి.

10. మిశ్రమాన్ని పిండి ముద్దలా వచ్చేలాగా బాగా కలపండి.

11. తురిమిన కొబ్బరిని ½ కప్పు జతచేయండి.

12. 3చెంచాల నెయ్యిని మరలా కలపండి.

13. 2 ½ చెంచాల ఏలకుల పొడిని వేయండి.

14. బాగా కలపండి.

15. మీ అరచేతిని నేతితో జిడ్డు చేసుకోండి.

16. మీ చేత్తో పిండిముద్దను బాగా వత్తుతూ కలపండి.

17. అందులోంచి కొంచెం కొంచెం తీస్తూ, చిన్న చిన్న ఉండలలాగా కట్టుకోండి

18. పళ్ళెంలోకి మార్చి, వడ్డించండి.