చలికాలంలో ఇమ్యూనిటీ పెరగాలంటే ఈ రాగి బిస్కెట్స్ తినాలి.. ఇంట్లోనే ఎలా చేసుకోవాలంటే?

మనకు ఆహారం అంటే చాలా ప్రియం. అందులో ముఖ్యమైనది స్నాక్స్. ప్రతిరోజూ సాయంత్రం సమయంలో ఈ స్నాక్స్‌ను తింటుంటారు. అందులో బిస్కెట్స్, స్వీట్స్ ఉంటాయి. అయితే ఈ స్వీట్స్, బిస్కెట్స్ తినడం వల్ల అనారోగ్య సమస్యలు వచ్చే అవకాశం ఉంటుంది. అందులోని షుగర్ మన ఆరోగ్యాన్ని హాని చేసే ఛాన్సుంది. అందుకే ప్రతిరోజూ స్నాక్స్ తినాలనుకునే వారు రాగితో చేసిన బిస్కెట్స్ తినొచ్చు. ఇవి తినడం వల్ల ఆరోగ్యం లభించడంతో పాటు రుచి కూడా అమోఘంగా ఉంటుంది. ఈ రాగి బిస్కెట్లు ఏ విధంగా చేసుకోవాలి? దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

రాగి బిస్కెట్స్ తయారీకి కావాల్సిన పదార్థాలు

1. ఒక కప్పు రాగి పొడి
2. అర కప్పు ఖాండ్
3. అర టేబుల్ స్పూన్ పచ్చి ఏలకుల పొడి
4. కొంచెం అల్లం పొడి
5. ఒక టేబుల్ స్పూన్ బేకింగ్ సోడా
6. అర కప్పు బియ్యం నూనె
7. ఒక కోడిగుడ్డు
8. రుచికి సరిపడా ఉప్పు

రాగి బిస్కెట్స్ తయారీ విధానం

ముందుగా మనం తీసుకున్న ఒక కప్పు రాగి పొడిని తీసుకొని అందులో అర టేబుల్ స్పూన్ పచ్చి ఏలకుల పొడి వేసుకొని బాగా కలుపుకోవాలి. అనంతరం ఆ మిశ్రమాన్ని ఒక పెనంపై పేర్చి, కొంచెం కాలే వరకు రెండు వైపులా కాల్చుకోవాలి. ఇప్పుడు ఒక గుడ్డును తీసుకొని ఒక గిన్నెలో పగలగొట్టుకొని, గిలక్కొట్టుకోవాలి. ఇప్పుడు ఆ గుడ్డులో కాల్చి పెట్టుకున్న రాగి పొడిని, ఖాండ్‌ను వేసుకొని కలుపుకోవాలి. గుడ్డు మిశ్రమానికి ఖాండ్, రాగి రోస్ట్ సరిగ్గా కలిసే విధంగా కలుపుకోవాలి. అప్పుడే రుచి బాగుటుంది.

ఇప్పుడు ఎండు అల్లం పొడిని, రుచికి తగినంత ఉప్పును వేసుకొని ఇంకోసారి బాగా కలుపుకోవాలి. అలాగే కొంచెం నూనె వేసుకొని మొత్తం మిశ్రమాన్ని మరోసారి కలుపుకోవాలి. ఆ మిశ్రమం కొంచెం డార్క్‌గా, ముద్దగా ఉండే విధంగా కలుపుకోవాలి. ఆ పిండిని చిన్న చిన్న ఉండలుగా చేసుకొని పక్కన పెట్టుకోవాలి. ఇప్పుడు ఆ ఉండలను కొంచెం ఒత్తుతూ బిస్కెట్స్ షేప్‌లో వచ్చే విధంగా చేసుకోవాలి.

ఇప్పుడు బిస్కెట్లను ఒవేన్‌లో పెట్టుకొని అయిదు నుంచి ఏడూ నిమిషాల పాటు కుక్ చేసుకోవాలి. ఆ బిస్కెట్లపై బటర్ పేపర్‌ను ఉంచుకుంటే బిస్కెట్లు మాడిపోకుండా ఉంటాయి. ఆ బిస్కెలు ఒకదానికి ఒకటి అంటుకోకుండా కొంచెం దూరం దూరంగా ఉంచుకోవాలి. అప్పుడే బిస్కెట్లు సరిగ్గా ఉడకడంతో పాటు, రుచికరంగా ఉంటాయి. 7 నిమిషాలు పూర్తయిన తరువాత ఒవేన్ బంద్ చేసి కుకీస్‌ని తీసుకొని ఒక ప్లేట్‌లో వేసుకుంటే రాగి బిస్కెట్లు సిద్ధమైనట్లే.

రాగి తినడం వల్ల ఎన్నో ఆరోగ్య ప్రయోజనాలు లభిస్తాయి. శరీరంలో ఇమ్యూనిటీ పెరగడంతో పాటు రోగాలతో పోరాడేందుకు కావాల్సిన శక్తి అందుతుంది. అలాగే తక్షణ శక్తి అంది.. పని చేసేందుకు తగిన ఎనర్జీ లభిస్తుంది.

గమనిక: ఈ కథనంలో మేము పొందుపరిచిన అంశాలు పలు అధ్యయనాలు, ఇంటర్నెట్‌లో మాకు దొరికిన సమాచారం ఆధారంగా అందించబడింది. వీటి శాస్త్రీయతను మేము నిర్ధారించడం లేదు. మేము కేవలం సమాచారం అందించడానికి మాత్రమే ప్రయత్నిస్తున్నాము. వీటిని ఎంతవరకు విశ్వసించడం అనేది పూర్తిగా మీ బాధ్యత. దీనికి బోల్డ్ స్కై తెలుగు ఎటువంటి బాధ్యత వహించదు.