వంకాయ ఎండు నెత్తళ్ల కూర ఎప్పుడైనా తిన్నారా? అబ్బబ్బా ఏం టేస్ట్ గురూ..వాసనకే కడుపు నిండిపోతది,ఎలా చేయాలంటే

ఎప్పుడూ నోటికి కొత్త కొత్త వెరైటీలు అందించాలని కొంతమంది తహతహలాడుతుంటారు. మీరు కూడా మీ నాలుకకు కొత్త వంటకం రుచిని అందించాలనుకుంటే ఎండు నెత్తల్లు వంకాయ కూర బెస్ట్ ఆప్షన్. వాస్తవానికి ఇది దక్షిణ భారతదేశంలోని కొన్ని ప్రాంతాల్లో చాలా ప్రసిద్ద వంటకం. ఎండు చేపల ప్రత్యేకమైన రుచి వంకాయ మృదుత్వంతో కలిసి ఈ కూరకు ఒక అద్భుతమైన రుచినిస్తుంది. ఇది అన్నం, రొట్టె లేదా చపాతీతో చాలా బాగుంటుంది. ఇంట్లోనే చాలా ఈజీగా ఎండునెత్తల్లు వంకాయ కూర ఎలా చేయాలో చూడండి.

ఎండు నెత్తల్లు వంకాయ కూర తయారీకి కావలసిన పదార్థాలు
ఎండు నెత్తల్లు - 1 కప్పు
వంకాయలు - 500 గ్రాములు
ఆవాలు - 1/2 టీస్పూన్
జీలకర్ర - 1/2 టీస్పూన్
మెంతులు - 1/4 టీస్పూన్
కరివేపాకు - 1 రెమ్మ
ఉప్పు - రుచికి తగినంత
కారం - 1-2 టీస్పూన్లు
పసుపు - 1/2 టీస్పూన్
నూనె - 3-4 టేబుల్ స్పూన్లు
ఉల్లిపాయలు - 2 మీడియం సైజువి
టమోటాలు - 2 మీడియం సైజువి
పచ్చిమిర్చి - 2-3
అల్లం వెల్లుల్లి పేస్ట్ - 1 టేబుల్ స్పూన్
ధనియాల పొడి - 1 టీస్పూన్
జీలకర్ర పొడి - 1/2 టీస్పూన్
కొత్తిమీర - కొద్దిగా

ఎండు నెత్తల్లు వంకాయ కూర తయారీ విధానం

-ముందుగా ఎండు నెత్తళ్ళను శుభ్రంగా కడగి వాటి తలలు, ఇతర వ్యర్థాలను తొలగించి గోరువెచ్చని నీటిలో కనీసం 30 నిమిషాలు నానబెట్టాలి.

-తర్వాత వంకాయలను శుభ్రంగా కడిగి మీకు నచ్చిన సైజులో ముక్కలుగా కట్ చేసుకోవాలి. వంకాయలు రంగు మారకుండా ఉండటానికి వాటిని కొద్దిగా ఉప్పు కలిపిన నీటిలో వేసి ఉంచండి.

-ఇప్పుడు ఉల్లిపాయలను సన్నగా తరుగుకోండి. టమోటాలను ముక్కలుగా కట్ చేసుకోండి. పచ్చిమిర్చిని చీలికలుగా చేసుకోండి. అల్లం వెల్లుల్లిని మెత్తని పేస్ట్‌లా చేసుకోవాలి. కొత్తిమీరను సన్నగా తరుగుకోండి.

-తర్వాత స్టవ్ మీద ఒక మందపాటి అడుగుగల కడాయి పెట్టి అందులో ఆయిల్ వేసి వేడి చేయండి.

-ఆయిల్ వేడెక్కిన తర్వాత ఆవాలు, జీలకర్ర, మెంతులు వేసి అవి చిటపటలాడిన తర్వాత కరివేపాకు వేయండి.

-ఇప్పుడు సన్నగా తరిగిన ఉల్లిపాయలు వేసి అవి బంగారు రంగులోకి వచ్చే వరకు వేయించండి.

-ఉల్లిపాయలు వేగిన తర్వాత అల్లం వెల్లుల్లి పేస్ట్ వేసి ఒక నిమిషం పాటు పచ్చి వాసన పోయే వరకు వేయించండి.

-తర్వాత చీలికలుగా చేసుకున్న పచ్చిమిర్చి, ముక్కలుగా కట్ చేసుకున్న టమోటాలు వేసి టమోటాలు మెత్తగా అయ్యే వరకు ఉడికించండి.

-టమోటాలు ఉడికిన తర్వాత పసుపు, కారం, ధనియాల పొడి, జీలకర్ర పొడి వేసి బాగా కలపండి. మసాలాలు నూనెలో బాగా వేగే వరకు కొద్దిసేపు ఉడికించాలి.

-ఇప్పుడు నానబెట్టిన ఎండు నెత్తళ్ళలోని నీటిని పూర్తిగా తీసివేసి వాటిని మసాలాలో వేయండి. బాగా కలిపి ఒక రెండు నిమిషాలు ఉడికించండి.

-ఇప్పుడు ఉప్పు కలిపిన నీటిలో నుండి వంకాయ ముక్కలను తీసి మసాలాలో వేయండి. మసాలా అంతా వంకాయ ముక్కలకు పట్టేలా బాగా కలపండి.

-కూరకు అవసరమైనంత నీరు పోయండి. నీరు మరీ ఎక్కువగా ఉండకూడదు.

-కడాయిని మూత పెట్టి కూరను మీడియం మంట మీద వంకాయలు మెత్తగా ఉడికే వరకు సుమారు 15-20 నిమిషాలు ఉడికించండి. మధ్య మధ్యలో కలుపుతూ ఉండండి.

ఎంత సంపాదిస్తే ఏం లాభం..దహీ తడ్కా శాండ్ విచ్ తినకుంటే జీవితమే వేస్ట్..ఇంట్లోనే నిమిషాల్లో ఎలా చేయాలంటే

-వంకాయలు బాగా ఉడికిన తర్వాత కూర దగ్గరగా అవుతుంది. ఇప్పుడు రుచి చూసి అవసరమైతే ఉప్పు లేదా కారం వేసుకోండి.

-చివరగా తరిగిన కొత్తిమీరతో గార్నిష్ చేసి స్టవ్ ఆఫ్ చేయండి.

-ఎండు నెత్తల్లు వంకాయ కూర వేడి వేడిగా అన్నం, రొట్టె లేదా చపాతీతో తినడానికి రెడీ.