అధిక ప్రోటీనులను అంధించే యాపిల్-హనీ- మిక్క్ షేక్

Published: Wednesday, August 8, 2012, 15:19 [IST]

ప్రతిరోజు ఓ ఆపిల్ తింటే వైద్యునితో అవసరం ఉండదని చెబుతుంటారు. అది ముమ్మాటికి నిజమే. ఎందుకంటే ఆ పండులో ఉండే పోషక విలువలు అలాంటివి మరి. శరీరానికి ఇది ఒక గొప్ప సహజ యాంటీఆక్సిడెంట్‌ (వ్యాధినిరోధక కారకం)గా పని చేస్తుంది. 100 గ్రాముల ఆపిల్ తింటే దాదాపు 1,500 మిల్లీగ్రాముల "విటమిన్ సి" ద్వారా పొందే యాంటీఆక్సిడెంట్‌ ప్రభావంతో సమానం. ఆపిల్‌ లో అధిక మొత్తంలో విటమిన్స్ అండ్ మినరల్స్ ఉంటాయి. ఇవి శరీరంలో రక్తాన్ని మరింత పటిష్టం చేస్తాయి.
యాపిల్స్‌లో ఫైబర్ ఎక్కువగానూ, కొవ్వు పదార్థాలు అత్యల్పంగానూ ఉంటాయి. సోడియం తక్కువగానూ, పొటాషియం ఎక్కువగానూ ఉంటాయి. విటమిన్ సి అధిక మొత్తాల్లో ఉంటుంది.

కావలసిన పదార్థాలు:
యాపిల్స్: 2
పాలు: 2cups
పంచదార: 1tsp(అవసరమైతేనె)
తేనె: 1tsp
పిస్తా పౌడర్: 1tbsp
యాలకులు పొడి: చిటికెడు

తయారు చేయు విధానం:
1. ముందుగా యాపిల్ ను మంచి నీళ్ళతో శుభ్రం చేసి తర్వాత పొడి వస్త్రంతో తుడిచి పై పొట్టు తీసి చిన్న చిన్న ముక్కలుగా కట్ చేసుకోవాలి.
2. తర్వాత మిక్సీ జార్ లో యాపిల్ ముక్కలు, పాలు, తేనె, యాలకుల పొడి, పంచదార వేసి జ్యూస్ ని తయారు చేసుకోవాలి.
3. ఈ జ్యూస్ ని మిక్సీ జ్యూసర్ నుండి సర్వింగ్ గ్లాసులోనికి తీసుకొని ఐస్ క్యూబ్స్ వేయాలి. తర్వాత పిస్తా పౌడర్(గరుకుగా-పొడిచేసుకొని )ఆపిల్ మిల్క్ షేక్ లో వేసి వెంటనే సర్వ్ చేయాలి. అంతే ఆపిల్ హనీ మిల్క్ షేక్ రెడీ.