లో లోపల ఆలోచించుకునే వ్యక్తుల కోసం ప్రత్యేకమైన డేటింగ్ ఆలోచనలు :

1. బుక్ స్టోర్ వద్ద డేటింగ్ :

ఒక వ్యక్తి ఎంచుకొనే పుస్తకాల ఆధారంగా, ఆ వ్యక్తి ఎటువంటి వారు అని తెలుసుకోవడం చాలా సులభతరం అవుతుంది. ఇది అందరికి తెలిసిన విషయమే. కాబట్టి, మీరు మీ యొక్క డేటింగ్ లో భాగంగా ఏదైనా పుస్తకాల షాప్ కి వెళ్లడం కూడా చాలా మంచి అంశమే. ఇందులోనే కొద్దిగా విభిన్నంగా ఆలోచించాలంటే, ఒకరు ఎంచుకున్న పుస్తకాన్ని మరొకరు చదవండి. ఇది నమ్మండి. ఎందుకంటే, ఇలా ఎప్పుడైతే చేస్తారో ఆ తర్వాత మీరు డేట్ కి కలిసినప్పుడు, మీ దగ్గర మాట్లాడుకోవడానికి బోలెడు విషయాలు ఉంటాయి. ఇద్దరికీ నచ్చిన పుస్తకాన్ని ఎంచుకోవడం వల్ల ఆనందం కలగవచ్చు. కానీ, అది అంత సులభమైన విషయం కాదు. ఎప్పుడైతే అలా జరుగుతుందో అప్పుడు మీలో ఉత్సాహం మరియు ఆతురత పెంచే విధంగా ఎదో దాచిన నిధిని కనుకున్నాం అనే ఒక కొత్త అనుభూతి కలుగుతుంది.

2 కలిసి వంట చేయండి :

మీరు గనుక లో లోపల ఆలోచించే వ్యక్తులు అయ్యి ఉండి మరియు ఆహారాన్ని ఎక్కువగా ఇష్టపడే వారైతే, అటువంటి సమయంలో వంట గదిలో ఎక్కువ సమయాన్ని గడపడాన్ని మీరు ఆనందంగా భావిస్తారు. ఎప్పుడైతే, మీకు ఇష్టమైన ఆహారాన్ని మీకు నచ్చిన వ్యక్తులతో వండుతారో అప్పుడు మీలో ఒక మధురానుభూతి కలుగుతుంది. దీనినే కొద్దిగా విభిన్నంగా ఎలా ఆలోచించవచ్చు అంటే, ఇద్దరూ తమకు నచ్చిన వంటను చేయాలనీ, ఎంచుకున్న తర్వాత అందుకు కావాల్సిన పదార్ధాలన్నింటిని సమకూర్చండి. ఎవరు ముందుగా ఉత్తమంగా చేస్తారు అని పోటి పెట్టుకోండి. ఇలా చేయడం వల్ల మీ ఇద్దరి మధ్య బంధం మరింత బలపడుతుంది. మీరు గనుక కొత్త రకం వంటలను తినడానికి ఇష్టపడే వారైతే, అటువంటప్పుడు విభిన్న సంస్కృతులకు సంబంధించిన ఆహారాన్ని వండటానికి ప్రయత్నించండి.

3 . ఆటలు ఆడటం :

లో లోపల ఆలోచించే వ్యక్తులు వ్యూహాలు మరియు పద ప్రయోగం వంటి ఆటలను ఎక్కువగా ఇష్టపడుతుంటారు. మీరు పెద్దవారు అయ్యారని వీటన్నింటిని మీరు వదులుకోవలసిన అవసరం లేదు. మీరు గనుక లో లోపల ఆలోచించే వ్యక్తులు తో డేటింగ్ చేస్తున్నట్లైతే, అటువంటప్పుడు ఇటువంటి ఆటలను వారితో ఆడితే, వారు ఆనందించే అవకాశాలు చాలా ఎక్కువగా ఉంటాయి. మీరు పరిస్థితులను మరింత ప్రేమ పూరితంగా మార్చాలనని భావిస్తే, ఆడుతున్న ఆటకు మరిన్ని నియమ నిబంధనలు జోడించి మీకు నచ్చినట్లు ఆటను మలుచుకోండి. అవసమైతే పేకాట కూడా ఆడండి. ఈ సరదాగా చేయాలనుకున్న పనులన్నింటిన్నీ ఎక్కడ చేస్తారు అనేది పూర్తిగా మీ ఇష్టం. మండుతున్న ఎండలోనైనా లేక దగ్గరలో ఉన్న ఉద్యానవనం లోనైనా లేక మీ పడకగదిలో అయినా ఎక్కడైన మీ ఇష్టం.

4 . సుదూర ప్రాంతాలకు వెళ్లడం :

మీరు గనుక లో లోపల ఆలోచించే వ్యక్తులు అయి ఉండి, సుదూర ప్రాంతాలకు వెళ్లడం ఇష్టపడే వారైతే, అక్కడ అలా ఎక్కువ సేపు నడుస్తూ తమకు నచ్చిన వారితో మాట్లాడటం అనేది మంచి ఆలోచన. ఇక్కడ మీకు మాట్లాడటానికి ఎంతోసమయం దొరుకుతుంది మరియు అదే సమయంలో ఇద్దరిలో ఎవ్వరు ఏమి మాట్లాడకపోయినా, పరిస్థితులు అంత ఎబెట్టుగా కనిపించవు. ఇలాంటి రకమైన సుదూర ప్రాంతాల్లో నడుస్తూ డేటింగ్ కి వెళ్లడం వల్ల, మీరిద్దరూ ప్రకృతిని ఎంతగానో కలిసి ఆస్వాదిస్తారు మరియు ఎంతో హాయిగా ఉంటుంది. అంతేకాకుండా ఎప్పుడైతే ఇద్దరిలో ఎవ్వరైనా ఒకరు శారీరికంగా అలసిపోతారో, అటువంటి సమయంలో వేరొకరు ఆసరాగా నిలుస్తారు.

5 సముద్రతీరం :

ఇది వినడానికి కొద్దిగా నమ్మశక్యంగా లేకపోయినా, దాచలేని నిజం ఏమిటంటే, సముద్రతీరం లో నడుస్తూ వెళ్లడం అనేది ఒక వర్ణించలేని ప్రేమ పూరితమైన అనుభవం. మీరు గనుక లో లోపల ఆలోచించే వ్యక్తులు అయితే, ఆ సమయంలో మీ చుట్టూ ఇతరులు ఉండటాన్ని లేదా గందరగోళాన్ని ఎక్కువగా ఇష్టపడరు. కాబట్టి, మీరు గనుక ఇలాంటి ప్రదేశాలకు వెళ్ళాలి అని అనుకుంటే, ముందుగానే ఒక ప్రాంతాన్ని ఎంపిక చేసుకోండి. ఆ ప్రాంతం ఎలా ఉండాలంటే, అక్కడికి ఎక్కువగా యాత్రికులు రాకుండా మరీ అంత గజిబిజిగా ఉండకుండా మీకు నచ్చే విధంగా ఉండేలా చూసుకోండి. ఏదైనా జంతు ప్రదర్శన శాలకు వెళ్లడం కూడా మంచి ఆలోచనే. ఎందుకంటే, అక్కడ మీరు ఉండే ప్రదేశంలో మీరు ఎప్పుడు గాని లేదా తరచూ చూడని ఎన్నోరకాలైన పక్షులను, జంతువులను మరెన్నో ప్రాణులను మీరు చూస్తారు. ఇవన్నీ మీకు మీరు ఊహించని, అనుకోని, తెలియని ఒక కొత్త లోకంలోకి తీసుకువెళ్తాయి. మీ యొక్క డేటింగ్ ని మరుపురానివిగా చేస్తాయి.