మగవారు అక్రమ సంబంధాల పై ఎందుకు మోజుపడతారు?

తమ మగతనాన్ని ప్రదర్శించటానికి

మీరు ఇష్టపడ్డ వ్యక్తి ఒక మాచో మ్యాన్! ఈ కారణం వల్లనే అతను కేవలం మీ ఒక్కరితో ఉండలేడు. అంతమంది అందమైన యువతులను తన వెనక తిప్పుకోగల సామర్థ్యం తన మగతనానికి ఉందని ఇంకెలా నిరూపించుకోగలడు మరి?

సంతోషంగా లేని వైవాహిక జీవితం

పెళ్ళిళ్ళు స్వర్గంలో నిర్ణయించబడతాయి అంటారు. కానీ పెళ్ళిలో ముఖ్యమైన శారీరక బంధం, భూమిపైనే సాధ్యం! లైంగిక బంధం సరిగాలేని జంటల్లోని మగవారు తమ భార్యలనుంచి దూరంగా వెళ్ళిపోతారు. నిజమే, అతను భరిస్తూ ఎల్లకాలం ఉండాల్సిన అవసరం ఏముంది? వీలుచిక్కినప్పుడల్లా వివాహేతర బంధాలకి వెళ్ళే సదుపాయం ఎలాగో ఉందిగా అతనికి !

సంపద శక్తి

డబ్బు ఆరోగ్యం, సంతోషాన్ని కొనలేదని అంటారు. కానీ డబ్బు ఎలాంటి సంతోషాన్నిచ్చే మార్గానికైనా తీసుకెళ్ళగలదు. ధనవంతులు, శక్తివంతులైన పురుషులు, తాము ఎలాంటి వయస్సులో, ఎలా ఉన్నా సరే ఇలా అనేక మంది యువతులను బుట్టలో వేసుకోగలరు !

ఆధిక్యత

మనది పితృస్వామిక వ్యవస్థ, అందులో ఎలానో పురుషుడే కుటుంబ పెద్ద. చాలా సందర్భాల్లో పెళ్ళయిన మగవారు కూడా అక్రమబంధాలు ఏర్పర్చుకోటానికి ఎంతో స్వేఛ్చ కలిగిఉంటారు. ఎందుకంటే వారి భార్యల నుంచి ఎలాంటి వ్యతిరేకత ఉండదు కాబట్టి.

పోర్న్ వ్యసనం

ఆశ్చర్యంగా అన్పించినా ఇది వాస్తవం! పోర్న్ వ్యసనం కూడా మగవారు ఒకరి కన్నా ఎక్కువమందితో అక్రమ బంధాల వైపు మొగ్గుచూపేట్లా చేస్తుంది. పోర్నోగ్రఫీకి అలవాటు పడ్డ వ్యక్తి, తన సంతోషాలకి చాలా మార్గాలున్నాయని గ్రహిస్తారు. ఇక మరేం, ఒకమ్మాయితో నిజాయితీగా ఉండి జీవితాన్ని ఏం ఆనందంగా అనుభవిస్తారు?

సోషల్ మీడియా ప్రభావం

ఏ సోషల్ మీడియాలోనైనా ఆడవారిని ఎప్పుడూ మగవారి రక్షణకోరే అబలలుగానే చిత్రీకరిస్తారు. యువతులు ఉద్యోగినులైనా, పార్టీకి వెళ్ళాలంటే తండ్రి అనుమతి తప్పనిసరి. అబ్బాయిలకు ఇలాంటి ఏ నియమాలు ఉండవు.

లొంగదీసుకోవాలనుకునే ఆడవారి మనస్తత్వం

ఆఖరుది కానీ ముఖ్యమైనది, మగవారి అక్రమబంధాల బుద్ధికి, ఇలా అందరి చుట్టూ తిరిగే మనస్తత్వానికి మొత్తం వారినే నిందించక్కర్లేదు. స్త్రీల ఆకర్షణ ప్రభావం కూడా కావచ్చు! ఒక యువతి తన లైంగిక హావభావాలతో, చిన్న దుస్తులతో యువకులను ఆకర్షిస్తే, ఎవరైనా వెనక పడకుండా ఎలా ఉండగలరు?

అందుకే ఇలా అనేకమందితో సంబంధాలు పెట్టుకునే మగవారు కేవలం వారిని ప్రేమించటం వల్లనే కాదు, ఇలాంటి యువతులు తమలో దాగివున్న కోరికను రెచ్చగొడతారు కూడా కాబట్టి ఆకర్షింపబడతారు. అయితే మిత్రులారా, ఈ వ్యభిచారాలకి కేవలం మగవారినే తప్పుపట్టటం,నిందించటం సరైనదేనా? మన చర్చ ప్రకారం చాలామటుకు సామాజిక వ్యవస్థ, ఆడవారి బలహీనతలే ఈ మగవారి పరాయి ఆకర్షణలకి కారణమని తేలింది !