Just In
- 3 hrs ago 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- 4 hrs ago ఈ 3 రాశుల వారు ఏప్రిల్ 23 నుండి అప్రమత్తంగా ఉండాలి, అంగారకుడి వల్ల అనేక సమస్యలు ఎదుర్కొంటారు
- 9 hrs ago అయోధ్య బాలరాముడిపై సూర్య తిలకం.. కిరణాలు నుదుటిపై పడేందుకు ఏమి చేసారంటే..!
- 9 hrs ago కొత్తగా పెళ్ళైన జంటలు ఈ విషయాలు తప్పనిసరిగా తెలుసుకోవాలి. మీ లైఫ్ సేవ్ చేస్తుంది
మీ భాగస్వామికి వ్యక్తిగత స్వేచ్చని ఇవ్వడానికి 3 మార్గాలు
మీ భాగస్వామికి వ్యక్తిగత స్వేచ్చని ఇవ్వడానికి 3 మార్గాలు
ఒక ఇద్దరు మనుషులు వారి జీవితాలను మరియు సమయాన్ని పంచుకోవడాన్నే, బంధం అంటారు. ఆ వ్యక్తుల మధ్య సంబంధం ఎంత దృఢమైనది అయినా, ఎవరికి వారి వ్యక్తిగత స్వేచ్ఛ కూడా చాలా ముఖ్యమైనదే!
మీ భాగస్వామికి వ్యక్తిగత స్వేచ్చని ఇవ్వడానికి 3 మార్గాలు
వ్యక్తిగత స్వేచ్ఛ మరియు దాని యొక్క హద్దులు గురించిన చర్చ ఆరోగ్యకరంగా ఉండాలి
మీరు ఒక జంట అయినప్పుడు, మీ మధ్య తలెత్తే ఎన్నో పొట్లాటలు, మీ మరియు మీ భాగస్వామి మధ్య చిచ్చు పెట్టవచ్చు. ఏ సంబంధమైన పటిష్టంగా ఉండాలంటే, భాగస్వాములు ఒకరినొకరు సంపూర్ణంగా అర్ధం చేసుకోవడం అవసరం. కానీ కొన్నిసార్లు, వీరి మధ్య తలెత్తే పోరాటాలు పరిష్కరించడానికి, వారి మధ్య కమ్యూనికేషన్ ను మించి అవసరం అయినది ఏదో ఉంటుంది. ఒక్కోసారి ఇలాంటి సమస్యలు, తమ బంధంలో వ్యక్తిగత స్వేచ్ఛ లోపించినదని ఒక భాగస్వామి భావించినపుడు చెలరేగుతాయి. ఖచ్చితంగా, ఒక సంబంధం వారి జీవితాలను మరియు సమయంను పంచుకోవడమే అయినప్పటికీ కూడా ఇద్దరు వక్తుల మధ్య , వ్యక్తిగత స్వేచ్ఛ చాలా ముఖ్యం. మీరు కనుక మీ హద్దుల మేరకు పోరాడే వ్యక్తి అయ్యి, వ్యక్తిగత స్వేచ్ఛ గురించిన అవగాహన కలిగి ఉండి, అది ఎదుటివారికి కూడా అవసరమనే తలపు ఉన్నవారైతే, మీరు కొన్ని విషయాలు మనసులో పెట్టుకోవాలి.
1. ఈ అంశాన్ని సానుకూల దృక్పథంతో చూడాలి
కొద్ది సమయాన్ని ఎవరికై వారు తమ స్వంత పనులకై వెచ్చించడం, మీకే కాదు, మీ భాగస్వామి మరియు మీ మధ్య సంబంధంలో కూడా ఉన్న ఆరోగ్యకరమైన ధోరణిని సూచిస్తుంది. మీ వ్యక్తిగత జీవితానికి, ఒక జంటగా మీకున్న గుర్తింపుకు మధ్య ఉన్న సమతుల్యాన్ని పాటించడం వలన, మీ జీవితంలోని ప్రతి అంశానికీ మనస్ఫూర్తిగా సమయం వెచ్చించగలుగుతారు.
2. ఇది మీకు విరుద్ధం కాదని గుర్తించండి.
కొన్నిసార్లు, తమ భాగస్వామి వ్యక్తిగత స్వేచ్ఛను కోరుకున్నప్పుడు,చాలామంది అది తమ భాగస్వామి ఆ సంబంధం పట్ల సంతోషంగా లేరని లేదా వారికి ఆ సంబంధం నుండి బయట పడాలన్న కోరికకు సంకేతంగా అనుకుంటారు. కానీ, ఇది నిజం కాదు. ఒక భాగస్వామి వ్యక్తిగత స్వేచ్ఛను కోరుకోవడమనేది, వారికున్న ఎన్నో కొరికలలో ఒకటి మాత్రమే! ఇద్దరూ కలిసి వారి హద్దులను మరియు అవసరాలను ఆరోగ్యకరమైన విధానంలో, స్పష్టంగా గుర్తించుకోవాలి, కానీ ఎటువంటి అభద్రతా భావాన్ని పెంచుకోకూడదు.
3. మీ మనసు ఏమంటుందో మీరు తెలుసుకోండి
వ్యక్తిగత స్వేచ్ఛను ఇవ్వాలనే ఆలోచన మిమ్మల్ని ఒత్తిడికి లోను చేస్తే, ఈ విషయాన్ని మీ భాగస్వామికి తెలియజేసి, సామరస్యంగా ఒక పరిష్కారానికి లేదా ఇరువురికి అంగీకారం అయిన ఒక ఒప్పందానికి రండి. మీరు ఇద్దరి మధ్య సమానత్వాన్ని పెంచి పోషించండి, అంతేకాని ఒకరిని మరొకరు దూరంగా నెట్టడానికి ప్రయత్నిస్తున్నట్లుగా భావించవద్దు.