కొందరు మహిళలు సంబంధాలలో బోర్ ఫీల్ అవుతుంటారు ? ఎందుకో తెలుసా.

అవసరానికేనా మేము?

ప్రతీ స్త్రీని మీరు యువరాణిగా, ఇంకా అవసరమైతే రాణిగా పరిగణించవలసి ఉంటుంది. మీపరిధిలో ఉన్న వస్తువులతో సమానంగా చూస్తే మాత్రం, అస్సలు సహించలేరు. ఏ మహిళైనా తన జీవితాన్ని భాగస్వామితో ఆనందంగా గడపాలని కోరుకుంటుంది. అదేవిధంగా భాగస్వామిపై ప్రేమను ప్రదర్శిస్తుంది. కానీ తనపట్ల భాగస్వామి కూడా అంతే ప్రేమను ప్రదర్శించాలని కోరుకుంటుంది. ఆ ప్రేమ దొరకని పక్షంలో విసుగుకు లోనవుతుంది.

ఒక్కోసారి మొదట్లో సంబంధాలు బాగా ఉన్నా కూడా, రాను రాను కొంతమంది పురుషులు వారి వారి సౌకర్యాలను అనుసరించి ప్రణాళికలు చేస్తుంటారు. తద్వారా భాగస్వాముల పట్ల తెలీని దూరాన్ని ప్రదర్శిస్తుంటారు. దక్కిందే మహాభాగ్యం అన్న ధోరణితో వస్తువులను మనుషులను కలిపి చూసే చర్యలకు కూడా పాల్పడుతుంటారు అంటే అతిశయోక్తి కాదు.

ఇలాంటి ఆలోచనలు, సర్వసాధారణంగా మారి జీవితంలో ఒక స్తబ్దత నెలకొంటుంది. తద్వారా అవసరానికేనా మేము అన్న భావనకు లోనవుతుంటారు. తద్వారా ఐ లవ్ యు అని చెప్పడానికి 10మైళ్ళ దూరం వెళ్ళడానికి కూడాసిద్దంగా ఉండరు.

మొదట్లో పురుషులు మహిళలను ఆకర్షించడానికి అనేక ప్రయత్నాలను చేస్తుంటారు. వారిని ప్రత్యేకంగా భావిoచడం మొదలుపెడుతారు. కానీ ఈ భావనలు నెమ్మదిగా తగ్గుముఖం పట్టడం, అంత కలివిడిగా ఉండకపోవడం వంటి చర్యలను చేయడం ద్వారా, మహిళలు విసుగు చెందడం జరుగుతుంది. ప్రేమే లేనప్పుడు, మేమెందుకు అన్న భావనకు లోనవుతుంటారు. ఇలాంటివే విసుగుకు ప్రధాన కారణంగా ఉంటుంది.

మహిళలు ఎక్కువగా సర్ప్రైస్ లకు, బహుమతులకు ఇష్టులై ఉంటారు.

కొంతమంది పురుషులు ప్రేమించిన లేదా పెళ్ళైన మొదట్లో బహుమతులు ఇవ్వడం, లేదా సర్ప్రైస్ గురిచేసే ట్రిప్స్ ప్లాన్ చేయడం, వారి కోరికలను అడిగి తెలుసుకుని, వారికి తెలీకుండా కోరికలను నెరవేర్చడం వంటి పనులు కూడా చేస్తుంటారు. తద్వారా వీరిపై అధిక ప్రేమను కలిగి ఉంటారు. చాలా మంది ప్రేమ, బహుమతుల దృష్ట్యా? అని ఆలోచిస్తారు, కానీ, తమ పట్ల చూపుతున్న కేరింగ్ వీరిని దాసోహం చేస్తుందని గమనించకపోవడం దురదృష్టకరం. కానీ ఏదైనా పని ఒత్తిళ్ళ కారణంగా కానీ, లేదా మరేదైనా ఇతర కారణాల వలన కానీ పురుషుడు మొదట్లో బహుమతుల పరంగా చూపిన ఆసక్తిని ప్రదర్శించడు. తద్వారా తమ పైన ప్రేమ తగ్గిందేమో అన్న భావనకులోనై మహిళలు సాధారణంగానే విసుగుకు లోనవుతుంటారు. కావున సందర్భాన్ని అనుసరించి వారికి స్పెషల్ గా అనిపించేలా మీ ప్రేమను వ్యక్తపరచడం అన్నిటా మేలు. మీకు వంద పనులు ఉండవచ్చు, కానీ వారికి తమ కుటుంబమే అన్నీ అన్నట్లు ఉంటారు. వారి సంతోషం మీభాద్యత అని భావిస్తే మీ అంత గొప్పవారు ఎవరూ ఉండరు.

రోమాన్స్ కి గుడ్ బాయ్ చెప్తున్నారా?

ఒక చిన్న ముద్దులో ఉండే ఆప్యాయత విలువ ఏమిటో పురుషులకన్నా స్త్రీలకే ఎక్కువ తెలుసు. కానీ, ఆ ముద్దు పట్ల కూడా అయిష్టతను ప్రదర్శించే వారిని ఏమనాలి చెప్పండి. కొందరైతే కనీసం చేయి పట్టి నడిపించడానికి కూడా సుముఖంగా ఉండరు. అలాంటి వ్యక్తులు ప్రేమను కోరుకోవడం కూడా తప్పే మరి. ఎటువంటి సమస్యలున్నా, ఎంత పని ఒత్తిడి ఉన్నా, ఒక్క క్షణం మీ భాగస్వామిని దగ్గర తీసుకోవడం వలన మానసిక ప్రశాంతత కలగడమే కాదు. అనేక సమస్యలకు పరిష్కార మార్గాలు కూడా లభిస్తాయి. ఎప్పుడైతే మీరు విముఖతను ప్రదర్శిస్తారో, మీపట్ల కూడా హేయభావం పెరుగుతుంది అనడంలో ఆశ్చర్యమేముంది.

మహిళలు ఎప్పుడూ ఉత్తములనే ప్రేమిస్తారు

జీవితంలో ప్రతి ఒక్కరూ ఎప్పుడూ మంచిగానే లేదా చెడుగానే ఉండరు, మంచిచెడుల కలయిక మనిషి జీవితం. ఇలా అవసరాన్ని బట్టి మంచిచెడులను ప్రదర్శించే వారంటే మహిళలు ఎక్కువ ఇష్టపడుతారు. ఉదాహరణకు, ఎవరైనా ఆకతాయిలు మహిళలను అవమానిస్తుంటే ఆక్షణాన భయాన్ని ప్రదర్శించే వారిని ఏ మహిళ ఇష్టపడుతుంది చెప్పండి. అలాగని సినిమా హీరోల్లా ఫైట్స్ చేయనవసరం లేదు. కనీసం ఎదుర్కొనే మనస్తత్వాన్ని కలిగుండాలని కోరుకుంటుంది. కానీ ఆలాంటి వ్యక్తిత్వాన్ని ప్రదర్శించలేని మనిషి పట్ల హేయభావం కలిగి ఉండడంలో ఆశ్చర్యం లేదు. కావున క్లాసీగానూ ఉండాలి, అవసరాన్ని బట్టి రౌడీగానూ ఉండాలి. అలాగని మనిషిని చూస్తేనే చెడుభావన కలిగేలా కాదండోయ్. దేనికైనా పరిమితులుంటాయి.

కొంచమైనా హాస్య చతురత ఉందా మీలో?

కొందరు మొదట్లో హాస్యచతురతను అధికంగా ప్రదర్శిస్తుంటారు, కానీ రాను రాను వయసు పెరిగే కొద్దీ, హాస్యచతురత కాదు కదా హాస్యానికి కూడా స్పందించని తత్వాన్ని అలవరచుకుoటుoటారు. మహిళ ఎప్పుడు కూడా బావిలో కప్పలా ఉండాలని భావించదు. భాగస్వామితో గడిపిన కొన్ని నిమిషాలలో లోకమంతా తిరిగిన అనుభూతికి లోనవుతుంది. ఆ అనుభూతికి లోపం చేస్తే, ఆ సంబంధంలో కిక్కుండదు.