ఆ కార్యం గురించి అబ్బాయిలకు ఉండే అపొహలేంటో తెలుసా...

శృంగారం అంటే..

సాధారణంగా శృంగారం విషయానికొస్తే కన్యత్వం.. కన్నెపొర అనేవి అత్యంత సహజమైన విషయాలు. అయితే ఇవి పరిమితంగా ఉంటాయి. ఇక శృంగారం అంటే.. యోనిలోకి పురుషాంగం ప్రవేశించడమే అనేది మగాళ్ల మెదళ్లలో తరతరాలుగా నాటుకుపోయింది. కాకపోతే ఇందులో ఓరల్ సెక్స్, ఆనల్ సెక్స్ కు కొంత వెసులుబాటు ఇచ్చారు. అంతేకాదు ఈ అవగాహనల్లో LGBTQ వ్యక్తుల గురించి వారి లైంగిక ఆసక్తి గురించి అస్సలు మాట్లాడరు. అయితే శృంగారం అంటే కేవలం యోనిలోకి అంగ ప్రవేశం మాత్రమే కాదు.. వ్యక్తులను బట్టి అది మారుతుందని.. ఎదుటి వ్యక్తి పూర్తిగా మానసిక, శారీరక స్థాయిలో కలిస్తేనే అసలైన శృంగారం అని మగాళ్లను తెలియజేయాలని నిపుణులు సూచిస్తున్నారు.

మగాళ్లపై రేప్..

చాలా మందికి మగాళ్లపై రేప్ అనేది జరగదని.. కేవలం ఇది ఆడవారిపైనే జరుగుతుందనే అపొహ ఉంది. మన సమాజంలో రేప్ అనేది అత్యంత దారుణమైన నేరం. అయితే అమ్మాయిల విషయంలో వచ్చింత అత్యాచారాల వివరాలు.. అబ్బాయిల మీద జరిగిన అత్యాచారాల వివరాలు వెలుగులోకి రావడం లేదు. వీరి మీద జరిగే అత్యాచారాలు, హింస గురించి తక్కువగా నివేదికలు వెల్లడవుతున్నాయి. దీంతో మగాళ్లను రేప్ చేయలేరనే భావన కలుగుతోంది. అయితే ఇది సరైంది కాదు.. చిన్నవయసు నుండి లైంగిక దాడికి గురయ్యే మగవారు కూడా ఉంటారు. ఈ విషయాలనే ఈ తరం అబ్బాయిలకు తెలియజేయాలి. అత్యాచారం అనేది ఆడవారు, మగవారికి ఇద్దరికి సమాన స్థాయిలోనే ఉంటుందని.. మగవారు కూడా రేప్ కు గురయ్యే సందర్భాలు ఉంటాయని తెలియజెప్పాలి.

అవి చూస్తే..

మనలో చాలా మంది పోర్న్ చూడటం అంటే అశ్లీలంగా భావిస్తారు. అదొక అపవిత్రమైన అనే ఫీలింగులో ఉంటారు. కానీ అది శృంగారం కాదని.. మనం మగాళ్లకు తెలియజేయాలి. శృంగార విద్యకు పోర్న్ పరిచయం అనేది తప్పనిసరి కాదనే విషయాన్ని చాలా మంది మగాళ్లు తెలుసుకోవాలి. అలాంటి వీడియోలను, సినిమాలను ఎక్కువగా చూడటం వల్ల అందుకు సంబంధించిన సున్నితత్వం పోయి.. మొరటుగా మారే ప్రమాదమూ ఉందని నిపుణులు హెచ్చరిస్తున్నారు. కాబట్టి అలాంటి విషయాల్లో అబ్బాయిలు జాగ్రత్తగా ఉండాలి.

భావప్రాప్తి విషయంలో..

చాలా మంది కపుల్స్ కు ఇలాంటి విషయంలోనే గొడవలు ప్రారంభమవుతుంటాయి. ముఖ్యంగా చాలా మంది మగాళ్లు ఆ కార్యంలో పాల్గొన్నప్పుడు.. తమకు భావప్రాప్తి కాగానే.. శృంగారం చేయడాన్ని ఆపేసి.. తమకేమీ సంబంధం లేదన్నట్టు నిద్రలోకి జారుకుంటారు. తమ పార్ట్ నర్ సంతోషపడ్డారా లేదా సుఖపడ్డారా అనే విషయాలను అస్సలు పట్టించుకోరు. అలా వారు స్వార్థపూరితంగా ఆలోచించడం వల్ల ఇద్దరికీ ఇబ్బందులు ఎదురవుతాయి. కాబట్టి ఇలాంటి విషయాలను అబ్బాయిలకు చిన్న విషయంలోనే అవగాహన కల్పించాలి. అప్పుడే వారు పెద్దయ్యాక వైవాహిక జీవితాన్ని సాఫీగా సాగిస్తారు.

ఎక్కువ సమయం..

చాలా మంది అబ్బాయిలు పోర్న్ సినిమాల్లో చూసినట్టు.. తాము కూడా ఆ కార్యంలో పాల్గొన్నప్పుడు ఎక్కువ సమయం పాటు ఎంజాయ్ చేయాలనుకుంటారు. కానీ వాస్తవ జీవితంలో అలా అస్సలు ఉండదు. ఒకవేళ పోర్న్ సినిమాల్లో చూపించినట్టు గంటల తరబడి అదే పనిగా ఆ కార్యంలో పాల్గొంటే ఏ మాత్రం సంతోషంగా అనిపించదు. అంతేకాదు ఇద్దరికీ తీవ్రమైన అసౌకర్యం ఏర్పడుతుంది. లేనిపోని కొత్త సమస్యలు వచ్చి పడతాయి.