Summer Date Ideas:ఉక్కపోత నుండి ఉపశమనం కావాలంటే.. పార్ట్నర్ తో ఇలా ట్రై చేయండి...

కరయోకి నైట్స్..

సమ్మర్లో మీరిద్దరూ హీరో హీరోయిన్ గా మారిపోయే సందర్భం ఇది. మీ స్వరం ఎంత కఠినంగా ఉన్నా.. మీకు నచ్చిన వ్యక్తితో కలిసి పాటలు పాడుతుంటే ఎంతో హాయిగా ఉంటుంది. అందుకే మీకు దగ్గర్లో ఉండే కరయోకి బార్ కు వెళ్లండి. ఇద్దరూ కలిసి మీకు నచ్చిన పాటల ట్యూన్లకు గాయకుల మాదిరిగా పాటలు పాడేయండి. ఇలాంటి క్షణాలు మీకు ఎప్పుడూ గుర్తుండిపోతాయి.

మ్యూజియం లేదా ఆర్ట్ గ్యాలరీ..

మీరిద్దరూ కలిసి మాట్లాడుకుంటూ ఉదయాన్నే మ్యూజియం లేదా ఆర్ట్ గ్యాలరీని చూడటం ప్రారంభిస్తే.. అది సాయంత్రానికి పూర్తవుతుందనడంలో ఎలాంటి సందేహం లేదు. ఈలోపు మీరు మ్యూజియంలోని రాజులు, కత్తులు, కటారుల చరిత్ర గురించి తెలుసుకోవడంతో పాటు చక్కని శిల్పకళ, చిత్రకళను చూసే అవకాశం దక్కుతుంది.

బిబిక్యూ నైట్

మీకు ఇష్టమైన పార్ట్నర్ తో హ్యాపీగా గడిపేందుకు బిబిక్యూ నైట్ ను సెలెక్ట్ చేసుకోండి. ఈ సమ్మర్లో మీ ఇంటి బాల్కనీలో లేదా వరండాలో ఓ బిబిక్యూ సెటప్ ను సెట్ చేసేయండి. మీ భాగస్వామిని పిలిచి.. తనతో రాత్రంతా ముచ్చట్లు చెప్పుకుంటూ మీకిష్టమైన రుచులను టేస్ట్ చేస్తూ ఎంజాయ్ చేయండి.

సాగర తీరంలో..

మనలో చాలా మంది సాగర తీరంలో సూర్యస్తమయాన్ని చూసేందుకు ఆసక్తి చూపుతారు. అయితే సూర్యోదయం సమయంలో సాగర తీరంలో మీకిష్టమైన వారితో కలిసి బ్రేక్ ఫాస్ట్ చేస్తే అందులో కలిగే మజా మీరు అనుభవిస్తే కానీ అర్థం కాదు. అలా సూర్యోదయాన్ని చూస్తే.. మీ పార్ట్నర్ తో బీచ్ లో వీలైనంత ఎక్కువ సమయం గడిపేందుకు ప్రయత్నించండి. హైదరాబాదులో ఉండే వారైతే నెక్లెస్ రోడ్డుకు వెళ్లి సూర్యోదయం చూసేందుకు ప్రయత్నించండి.

స్పెషల్ ఫుడ్..

మీ ప్రియురాలు/ప్రియుడితో కలిసి ఎంజాయ్ చేసేందుకు ఏదైనా మంచి రెస్టారెంట్లో సమ్మర్లో స్పెషల్ ఫుడ్ డిన్నర్ కోసం ప్లాన్ చేయండి. మీ ఇద్దరికీ ఇష్టమైన వాటిని ఆర్డర్ చేసి, ఇద్దరూ ఒకరినొకరు చూసుకుంటూ.. కళ్లతో మాట్లాడుకుంటూ రాత్రంతా ఎంజాయ్ చేయండి.

సూర్యాస్తమయంలో..

సాయంకాలం సమయంలో మీరిద్దరూ కలిసి స్విమ్మింగ్ పూల్ లో ఎంచక్కా ఎంజాయ్ చేయండి. అలాగే సాయంకాలం ముగిశాక డ్రైవ్ ఇన్ థియేటర్ ను కూడా ట్రై చేయండి. దీనిపై చాలా మంది ఆసక్తి చూపరు. కానీ రొమాంటిక్ కపుల్ కు మాత్రం ఇది సరిగ్గా సరిపోతుంది.

పర్యాటక ప్రాంతాల్లో..

సమ్మర్లో చల్లదనం కావాలంటే ఏ కులుమనాలికో.. ఊటికో వెళ్లాలి. అయితే మీరు మీకు దగ్గర్లో ఉండే నేచర్ బ్యూటీ ప్రదేశాలకు వెళ్లండి. అక్కడే ఓవర్ నైట్ క్యాంప్ ఫైర్ ప్లాన్ చేసుకోండి. ముఖ్యంగా ఎత్తైన ప్రదేశాలకు వెళ్లేలా చూసుకోండి. అక్కడైతే ఎవ్వరి డిస్టబెన్స్ ఉండదు. చాలా ప్రశాంతంగా హాయిగా ఉంటుంది. అక్కడే మీ టెంటు ముందు మంట వేసుకుని నేచర్ ను ఆస్వాదిస్తూ ఎంజాయ్ చేయండి. విశాఖ దగ్గర్లో ఉండే వారు వనజంగి హిల్స్ కు వెళితే ఎంచక్కా ఎంజాయ్ చేయొచ్చు.