సంతోషకరమైన జంటలు ఎట్టి పరిస్థితుల్లోనైనా దూరంగా ఉండాల్సిన అలవాట్లు

ఇద్దరూ కలిసి సమయం గడపకపోవటం

రోజువారీ ఒత్తిడి,బాధ్యతలు, పనులే కాకుండా ఇద్దరికీ కామన్ గా ఏదన్నా ఉండటం చాలా మంచిది. సంతోషకరమైన జంటలు ఈ స్పేస్ వెతుక్కుంటూ తమ మధ్య ప్రేమక్షణాలను కలిసి గడిపి ఆనందిస్తారు.

సమయం లేదా ప్రేమ లేకపోతే బంధం కష్టంగా మారి, వారి మధ్య దూరం పెరుగుతుంది.

డిఫెన్సివ్ గా ఉండటం లేదా విమర్శించడం

ఎప్పుడూ డిఫెన్సివ్ గా మాట్లాడటం, మనస్సులో ఏది వస్తే అది అనేయటం, విమర్శించటం, ఎప్పుడూ మీ అభిప్రాయాలను అవసరం లేకపోయినా చెప్తుండటం,ఇవన్నీ చికాకుగా ఉంటాయి. మనందరిలో లోపాలుంటాయి. అనుక్షణం విమర్శించడం ఆత్మవిశ్వాసాన్ని దెబ్బతీస్తుంది. దీనివలన ఇద్దరూ దూరంగా వెళ్ళిపోవటం లేదా బంధాన్ని వదిలించుకోవాలని చూడటం జరుగుతాయి.

రొటీన్

రొటీన్ ను వదిలించుకోవడం చాలా కష్టం. అయినా జీవితం అనుక్షణం సాగే సాహసయాత్ర కాదు కదా. అన్ని జీవితాలలో ఇది తప్పక ఎదురవుతుంది. జంటగా మీరు చేయకూడనిది ఏంటంటే ఈ రొటీన్ మీ బంధాన్ని మొనాటనీలోకి తోయకుండా చూసుకోవటం.

అబద్ధాలు, మోసం

ప్రపంచంలో అబద్ధాలు చెప్పి ,తమ బంధాలని విషపూరితం చేసుకునేవారు కూడా ఉంటారు. ఇలాంటివారివలన మనుషుల మధ్య నమ్మకం నాశనమైపోతుంది. అక్రమ బంధాలు,మోసం ఇద్దరి మధ్య ఉన్న నమ్మకాన్ని పూర్తిగా నాశనం చేసేయగలదు. ఈ అనుభవాల వలన తర్వాతి జీవితంలో ఎవరినీ సులభంగా నమ్మలేరు కూడా.

అహంభావం

సంతోషంగా ఉండే జంటలు తమ రోజువారీ జీవితాలని,భవిష్యత్తుపై ప్రభావం చూపే నిర్ణయాలను కలిసి తీసుకుంటారు.

అవతలవారి గురించి పట్టించుకోకుండా, వారి ఆశయాలను,కలలను మర్చిపోయి కేవలం సొంతగా నిర్ణయాలు తీసుకుంటే, వారి బంధం ఎక్కువకాలం నిలబడదు.

సమస్యలని పట్టించుకోకపోవడం

అన్ని బంధాలు ఒకేలా ఉండవు. ఏదీ ఫర్ఫెక్ట్ గా ఉండదు. ఒకదానిపై అంగీకరించకపోవటం, నిరాశలు, నిస్పృహలు ఎప్పుడూ ఉంటూనే ఉంటాయి. అన్నిటికన్నా దారుణమైన విషయాలు ఒక బంధంలో ఉన్నప్పుడు సమస్యలను గుర్తించకపోవటం, మౌనంగా ఉండటం, ఏమీ చేయకపోవటం, సమస్యను పరిష్కరించలేకపోవటం.

ఈ కమ్యూనికేషన్ లేకపోవటం సమస్యలను తగ్గించదు. నిజానికి సమస్యలను మరింత పెంచి, మరిన్ని అపార్థాలకి దారితీస్తుంది.

ఒక స్థిరమైన, పరిణితి చెందిన జంట తమ మధ్య నిజాయితీ ఉండే కమ్యూనికేషన్ నిలుపుకుని సమస్యను కలిసి పరిష్కరించటానికి ఏం చేయాలన్నా అది చేస్తారు.

సెక్స్ లేకపోవటం

దీర్ఘకాలం పాటు ఒక బంధం కలిసి కొనసాగాలంటే వారి మధ్య ఇంటిమసీ చాలా ముఖ్యం. దాని అర్థం వారి లైంగిక బంధం కూడా సంతృప్తికరంగా ఉండాలి.

సెక్స్ బంధాన్ని బలపరుస్తుంది, కానీ తరచుగా జంటలు తమ రోజువారీ అలసట జీవితంతో దాన్ని పక్కనబెడుతుంటారు.

ఏళ్లతో పాటుగా, సెక్స్ బంధం కూడా మారుతుంటుంది. కానీ ఒక బంధానికి పునాదిగా నిలబడటానికి,అది బ్రతికి వుండటానికి ఆ క్షణాలను ఇద్దరూ కలిసి పంచుకోవటం ప్రాథమిక విషయం.

ముగింపు

ఏ బంధమైనా ఎప్పుడూ సంక్లిష్టమైనదే, అలాగే అనుక్షణం దానిపై శ్రద్ధ అవసరం. కానీ ఈ అలవాట్లను మీరు మార్చుకుంటే, కష్టాన్ని, అపార్థాలని మీరు తొలగించుకుని,నివారించుకుని ఆరోగ్యకరమైన,సంతోషమైన బంధాన్ని నిలబెట్టుకుంటారు.