Relationship Problems: బిల్ గేట్స్ వివాహా బంధానికి వీడ్కోలు...! 27 ఏళ్ల మ్యారేజ్ లైఫ్ కి బ్రేకులు...!

వివాహ బంధానికి వీడ్కోలు..

మైక్రోసాఫ్ట్ వ్యవస్థాపకుడు బిల్ గేట్స్ దంపతులు తమ వైవాహిక జీవితానికి గుడ్ బై చెప్పనున్నట్లు సోమవారం రాత్రి ట్విట్టర్ ద్వారా ప్రకటించారు. తమ 27 ఏళ్ల మ్యారేజ్ లైఫ్ జర్నీకి పర్మినెంట్ గా పుల్ స్టాప్ పెట్టనున్నట్లు ట్విట్టర్ ద్వారా ప్రకటించారు. ఈ జంట విడాకులు తీసుకోవడం అన్న వార్త విని అందరూ షాక్ కు గురయ్యారు.

అనేక సేవా కార్యక్రమాలు..

మైక్రోసాఫ్ట్ వ్యవస్థాపకుడిగానే కాకుండా బిల్-మిలిండా గేట్స్ ఫౌండేషన్ ఏర్పాటు చేసి ప్రపంచ వ్యాప్తంగా పలు సేవా కార్యక్రమాల ద్వారా ఎంతో గుర్తింపు పొందిన ఈ జంట విడిపోతున్నట్లు ప్రకటించగానే అందరూ ఆశ్చర్యపోయారు. కరోనాపై పోరులో, టీకాల కోసం వీరు భారీ మొత్తంలో డబ్బును విరాళంగా ఇస్తున్నారు.

ఎంతో మదనం తర్వాత..

‘ఎన్నో చర్చలు, సమాలోచనలు, ఎంతో మదనం చేసుకున్న తర్వాతే తమ మ్యారేజ్ లైఫ్ కు ముగింపు పలకాలని నిర్ణయించుకున్నాం' అని చెప్పారు. ‘‘27 ఏళ్ల సంవత్సరంలో మేము ముగ్గురు మంచి పిల్లలను తీర్చిద్దాం. వారి భవిష్యత్తుకు దారి చూపాం. ప్రపంచంలో ప్రతి ఒక్కరూ ఆరోగ్యంగా ఉండేందుకు.. అందరూ ఎదిగేందుకూ మా సంస్థ ద్వారా ఎంతో ప్రయత్నించాం' అని వివరించారు.

Zodiac signs: రాశిచక్రాన్ని బట్టి తమ లైఫ్ లో ఇలాంటి భాగస్వామి కావాలని కోరుకుంటారట...!

మేము విడిపోయినా..

మేమిద్దరం దంపతులుగా విడిపోయినప్పటికీ, స్వచ్ఛంద సంస్థ మిషన్లో మా భాగస్వామ్యం ఎప్పటికీ కొనసాగుతుంది. మేమిద్దరం కొత్త జీవితంలో వెళ్లేందుకు వీలుగా, మా వ్యక్తిగత ఆకాంక్షలను, మా విడాకుల నిర్ణయాన్ని అందరూ గౌరవిస్తారని ఆశిస్తున్నాం' అని ట్విట్టర్లో బిల్, మిలిండాలు ప్రకటించారు.

విడిపోవడానికి కారణాలు..

బిల్ గేట్స్ కపుల్స్ సంగతి పక్కనబెడితే.. ప్రస్తుత కాలంలో చాలా మంది పెళ్లి జరిగిన కొద్ది రోజుల్లోనే విడిపోతున్నారు. చిన్న చిన్న గొడవలకే అపార్థం చేసుకుంటున్నారు. ఏకంగా కోర్టు మెట్లు ఎక్కేస్తున్నారు. ఎవ్వరినీ పట్టించుకోకుండా విడాకులు కోరుతున్నారు. ఆవేశంలో తమ జీవితం తాము బతికేస్తామని అంటున్నారు.

విడాకులకు కారణాలు..

అయితే ఇలా విడాకులు తీసుకోవడానికి అనేక కారణాలు ఉన్నాయి. అందులోనూ అబ్బాయిలే కంటే అమ్మాయిలే విడాకులు తీసుకునేందుకు ఎక్కువ ఆసక్తి చూపుతారట. విడిపోవడం అనే టాపిక్ తీసుకొచ్చేదే అమ్మాయిలంట. ఇదే విషయం పలు సర్వేలలో కూడా నిరూపితమైంది. ఆస్ట్రేలియన్ ఇన్ స్టిట్యూట్ ఆఫ్ ఫ్యామిలీ స్టడీస్ చేసిన సర్వేలో ఈ విషయం వెలుగులోకి వచ్చిందట.

రతి క్రీడ బ్రేకుల్లేకుండా.. సాఫీగా సాగిపోవాలంటే...!

సహకారం లేకపోవడం వల్లే..

భర్తల నుండి తాము ఆశించిన సహకారం లభించకపోవడం వల్లే అసలు సమస్య స్టార్టవుతుందట. ఇంటి పని, ఆఫీసు పని, పిల్లలను చూసుకోవడంతో పాటు కుటుంబ బాధ్యతలు ఇతర పనులన్నీ తామొక్కరే చేయాల్సి వచ్చినప్పుడు చాలా మంది మహిళలు విడాకుల గురించి ఆలోచన చేస్తారట.

తమ లక్ష్యం చేరుకోకపోతే..

మరి కొందరు పెళ్లి చేసుకున్న తర్వాత తమ జీవితంలో అనుకున్న లక్ష్యాన్ని చేరుకోలేకపోతున్నామని భావన కలిగినప్పుడు, తమ గుర్తింపును కోల్పోయినప్పుడు, తరచూ గొడవలు వస్తున్నప్పుడు, మానసికంగా ఒత్తిడి, జీవితం చాలా బోరింగ్ గా అనిపించినప్పుడు, భర్త నుండి శారీరక, మానసిక సహకారం లేక దాడులు ఎక్కువైనప్పుడు విడాకులు తీసుకోవాలనే ఆలోచన వస్తుందట.

ఇలాంటి కారణాల వల్లే చాలా మంది దంపతులు విడిపోయి స్వతంత్రంగా బతకాలని భావిస్తున్నారని ఆ సర్వేలో తేలింది.