అప్పుడే పెళ్లి ఎందుకు చేసుకున్నామా అనిపించే సందర్భాలేవో తెలుసా...

దాన్ని రిజెక్ట్ చేస్తే...

పెళ్లి చేసుకున్నాక చాలా మంది హనీమూన్ కు ఎక్కడికైనా మంచి టూరిస్ట్ స్పాట్ లకు వెళ్దామని ఏవేవో కలలు కంటూ ఉంటారు. అంతేకాదు దేశ, విదేశాల్లో ఎంచక్కా జంట పక్షుల్లా మారి విహరించాలనుకుంటారు. కానీ అందుకు భాగస్వామి ఒప్పుకోకపోతే.. అయ్యో అనవసరంగా పెళ్లి విషయంలో తొందరపడ్డామా అనిపిస్తుంది.

ఇతరుల ప్రేమ..

మీ ఫ్రెండ్ గానీ.. మీ బాస్ గానీ.. లేదా మీ కొలిగ్ ఎవరైనా అందమైన అమ్మాయితో ప్రేమలో పడినప్పుడు.. కూడా మనలో చాలా మందికి ఇలాంటి ఫీలింగ్ కలుగుతుంది. అది కూడా వారితో రిలేషన్ సన్నిహితంగా మారితే.. మాత్రం అబ్బా.. మ్యారేజ్ విషయంలో అనవసరంగా తొందరపడ్డామనిపిస్తుంది.

వెరైటీ డిజైర్స్..

కొందరికి కోరికలు అనేవి కొంచెం కొత్తగానూ.. లేదా విభిన్నంగానూ ఉంటాయి. ముఖ్యంగా అడవులను ఇష్టపడేవారు.. సాహసయాత్రలు చేయాలనుకునేవారు.. తమ భాగస్వామితో కలిసి విహార యాత్రలకు వెళ్దామనుకున్నప్పుడు ఇంట్లోని పెద్దలు వద్దన్నప్పుడు.. అత్తమామల కోసం అన్నింటినీ వదులుకోవాల్సి వస్తుంది. అలాంటి సందర్భంలో కూడా పెళ్లి విషయంలో తొందరపడ్డామా అనిపిస్తుంది.

ఇంటికెళ్లేందుకు ఇష్టం లేకపోతే..

మీ చుట్టూ అందరూ సంతోషంగా ఉన్నప్పుడు.. వారిలోనూ చాలా మంది పెళ్లి చేసుకోకుండా ఆనందంగా.. ఆసక్తికరంగా ఉన్నప్పుడు మనకు ఇంటికి వెళ్లాలంటేనే కొంత చిరాకు పుడుతుంది. అసలు ఇల్లంటే ఇష్టం తగ్గిపోతుంది. అలాంటి టైములో కూడా పెళ్లి ఎందుకని త్వరగా చేసుకున్నామనిపిస్తుంది.

ఏమి చేయలేకపోతే..

పెళ్లి తర్వాత మీ లైఫ్ మొత్తం కేవలం ఇల్లు, ఆఫీసు, పనిగా మారిపోయినప్పుడు.. అందులోనూ మీకు మీరుగా డెసిషన్స్ తీసుకోలేకపోతే.. ఎలాంటి బాధ్యతలను నిర్వర్తించలేకపోతున్నపుడు.. ఏమి చేయలేకపోతున్నామని అనిపించినప్పుడు.. ఇదంతా మీ పెళ్లి త్వరగా చేసుకోవడం వల్లే జరిగిందని.. మీ వైవాహిక జీవితంపై కూడా కొంత విరక్తి అనేది పుడుతుంది.

నైట్ పార్టీలు మిస్సయితే..

పెళ్లికి ముందు మనలో చాలా మంది నైట్ పార్టీలు చేసుకుంటూ ఉంటారు. రాత్రంతా బాగా ఎంజాయ్ చేసి ఎప్పుడో ఇంటికొచ్చే వారు దాన్ని ఒక్కసారిగా మిస్సయితే.. అదొక్కటే కాకుండా.. ప్రతి పది నిమిషాలకొకసారి ఫోన్ చేసి.. విసిగించే పార్ట్ నర్ దొరికినప్పుడు కూడా ఎందుకని ఇంత త్వరగా పెళ్లి చేసుకున్నామని అనిపిస్తుంది.

ఫ్రీడమ్ లేనప్పుడు..

మీ జీవితాన్ని మీరు స్వేచ్ఛగా జీవించలేనప్పుడు.. మీ కుటుంబ సభ్యులు, మీ బాధ్యతలు, మీ పిల్లలు, అత్తమామల గురించి గుర్తు చేసినప్పుడు.. ఇంత త్వరగా పెళ్లి ఎందుకు చేసుకున్నామా అనే ఫీలింగులొస్తుంటాయి...