రెండో పెళ్లిలో కూడా అదే తప్పు జరుగుతుందా? తనతో డేట్ లో ఉండటం తప్పేనా?

ఎంతో పోరాటం..

ఆ సమయంలో నాతో పాటు నా పిల్లలు కూడా చాలా భయపడేవారు. దీంతో నేను విడిపోవాలని నిర్ణయించుకున్నాను. అంతేకాదు విడాకులు తీసుకుంటున్నప్పుడు కూడా ఎంతో పోరాటం చేయాల్సి వచ్చింది. ఇదంతా ఇప్పుడు ఎందుకు చెబుతున్నానంటే.. ఇప్పుడు నా లైఫ్ లో ఒక మలుపు తిరిగే సంఘటన ఎదురైంది.

నా జూనియర్ తో..

పిల్లలతో కలిసి జీవిస్తున్న నేను నా ఆఫీసులో పని చేసే జూనియర్ తో డేట్ చేయడం ప్రారంభించాను. తను నా కంటే సుమారు ఆరేళ్లు చిన్నోడు.

పెళ్లి ప్రపోజల్..

ఇలా డేట్ చేస్తున్న తను, అకస్మాత్తుగా నా దగ్గర పెళ్లి ప్రస్తావన తీసుకొచ్చాడు. నన్ను పెళ్లి చేసుకుని, నాకు కొత్త జీవితాన్ని ఇస్తానని చెబుతున్నాడు. మరో ఆశ్చర్యకరమైన విషయమేమిటంటే.. తను వాళ్ల తల్లిదండ్రులను కూడా ఒప్పించాడు.

నెగిటివ్ గా..

అయితే ఈ సంఘటన గురించి మా ఇంట్లో చెబితే.. మా పేరేంట్స్ నాపై కోప్పడ్డారు. నువ్వు మీ కంపెనీలో చాలా సీనియర్ ప్లేసులో ఉన్నావు కాబట్టి, తను అడ్వాంటేజ్ తీసుకుంటున్నాడని మా పేరెంట్స్ అంటున్నారు.

నో చెప్పేశారు..

అందుకే వారు నా రెండో పెళ్లికి ఒప్పుకునేది లేదని తెగేసి చెప్పేశారు. అంతేకాదు, నేను మొదటి పెళ్లిలో చేసిన తప్పునే మళ్లీ చేస్తున్నానని చెబుతున్నారు. ఎందుకంటే నా ఫస్ట్ మ్యారేజ్ లవ్ మ్యారేజ్.

టీనేజీ పిల్లలు..

ఇక మా పిల్లల విషయానికొస్తే.. వారు ఇప్పుడు టీనేజీలో ఉన్నారు. ఈ విషయం తెలుసుకున్న వారు నాతో మాట్లాడటం కూడా మానేశారు. నేను తనని రెండో పెళ్లి చేసుకుంటే, ఇల్లు వదిలి పోతామని బెదిరిస్తున్నారు.

ఎలా చెప్పాలో..

మా పిల్లలు నన్ను సూటిగా ఒక ప్రశ్న కూడా వేశారు. తను కూడా నాన్నలాగానే ఉంటే ఏం చేయాలంటున్నారు. దీంతో నా పేరేంట్స్ ను, నా పిల్లల్ని ఎలా కన్విన్స్ చేయాలో తెలియట్లేదు. నాకేమో తనంటే ప్రేమ పెరిగిపోయింది. తనతో కలిసి మళ్లీ కొత్త జీవితం ప్రారంభించాలనుకుంటున్నాను. ఈ పరిస్థితుల్లో నేనేం చేయాలి' అని ఓ సోదరి నిపుణులను సంప్రదించింది.

ఫ్యామిలీని కన్విన్స్ చేయడంలో..

ఇందుకు నిపుణులు ఏం సమాధానం చెబుతున్నారో ఇప్పుడు తెలుసుకుందాం. మీరు చెబుతున్న విషయాలను బట్టి చూస్తుంటే, మీ కుటుంబానికి మీ సుఖ సంతోషాలే ముఖ్యమని తెలుస్తోంది. కాబట్టి వారు గురించి కూడా మీరు ఆలోచించాలి. ఇలాంటి సమయంలో మీ ఫ్యామిలీని కన్విన్స్ చేయడానికి మీ జూనియర్(పార్ట్నర్) సహాయం కూడా తీసుకోవచ్చు. ఎందుకంటే మీరు అర్థం చేసుకున్నట్టు.. వారు కూడా అర్థం చేసుకోవాలి కదా.

ఒక్కోదాన్ని క్లియర్ చేయండి..

మీతో ఉన్న సంబంధం విషయం గురించి.. అతనికి మీ పట్ల ఉన్న కమిట్మెంట్ గురించి కూడా మీ తల్లిదండ్రులు కన్విన్స్ అవ్వాలి. కాబట్టి మీ ఇద్దరితో ఒకేసారి వారు మాట్లాడటం వల్ల కొంత సానుకూలత రావచ్చు. వారికి ఎలాంటి సందేహాలు ఉన్నాయో.. వాటన్నింటిని ఒక్కోదాన్ని క్లియర్ చేసేయొచ్చు.