సెలబ్రెటీలు రెండో పెళ్లిని చేసుకునేందుకు గల కారణాలేంటో తెలుసా...

రెండో పెళ్లి గురించి..

తన రెండో పెళ్లి గురించి ప్రముఖ గాయని సునీత సోషల్ మీడియా ద్వారా కొన్ని వివరాలను అందరితో షేర్ చేసుకున్నారు. ‘నాకు అద్భుతమైన పిల్లలు, తల్లిదండ్రులను దేవుడు ప్రసాదించాడు. నన్ను వాళ్లంతా జీవితంలో సెటిల్ కావాలని ఎప్పుడూ కోరుకునే వారు.

వివాహ బంధంతో..

వాళ్లు కోరుకున్న విధంగానే ఆ రోజు రానే వచ్చింది. ఒక స్నేహితుడిగా రామ్ అనే వ్యక్తి నా జీవితంలోకి ప్రవేశించాడు. అతను అద్భుతమైన జీవిత భాగస్వామి. మేమిద్దరం వివాహ బంధంతో ఒక్కటి కావాలనుకుంటున్నాం.' అని సునీత సోషల్ మీడియా ద్వారా వివరించారు.

జనవరి 9న ..

తన పెళ్లి గురించి సునీత ఇంకా ఏమన్నారంటే.. ‘నాకు ఇప్పుడు కొంత గర్వంగా ఉంది. ఎల్లప్పుడూ అండగా నిలిచిన నా ఫ్యామిలీకి నేను ఎప్పుడూ రుణపడి ఉంటాను. రామ్ తో నా పెళ్లి జనవరి 9వ తేదీన జరిగింది. నా స్నేహితులు, కుటుంబసభ్యుల మధ్య సింపుల్ గా తన పెళ్లి జరగనుందని, ఇది తనకు స్పెషల్ ఫీలింగ్ అని' సునీత చెప్పారు.

మొదటి వివాహంలో గొడవలు..

సునీత తన మొదటి వివాహం కిరణ్ కుమార్ గోపరాజుతో జరిగింది. ఆ పెళ్లి తర్వాత తమకు ఆకాష్ గోపరాజు, శ్రియా గోపరాజు పుట్టారు. ఆ తర్వాత వారిద్దరి మధ్య కొన్ని విషయాల్లో బేధాభిప్రాయాలు రావడంతో వారి బంధం విడాకుల వరకు వెళ్లింది. అయితే అప్పటినుండి ఆమె తన పిల్లల్ని చూసుకుంటూ ఒంటరిగానే ఉంటున్నారు.

ఒంటరితనాన్ని భరించలేక..

ఇక చాలా మంది మొదటిసారి వివాహం చేసుకున్నాక.. రెండో పెళ్లి చేసుకోవడానికి అనేక కారణాలు ఉన్నాయి. అందులో కొందరికి భార్య చనిపోవడం లేదా భార్య విడిచిపెట్టి పోవడం వంటి కారణాలతో ఒంటరిగా బతుకుతూ ఉంటారు. ఆ ఒంటరితనాన్ని భరించలేక, తమకంటూ ఓ తోడు, నీడ కావాలని ఆశిస్తూ రెండో పెళ్లికి సిద్ధమవుతారు.

పిల్లల కోసం..

మొదటిసారి పెళ్లి చేసుకుని తమ భాగస్వామితో విడిపోయిన తర్వాత పిల్లల ఆలనా, పాలనా చూసుకునేందుకు ఇబ్బందులు ఏర్పడుతూ ఉంటాయి. అందుకే చాలా మంది రెండో పెళ్లి వైపు మొగ్గు చూపుతూ ఉంటారు.

ప్రముఖులే ఎక్కువగా..

అయితే ఇలా రెండో పెళ్లి చేసుకోవడంలో ప్రముఖులు అందరికంటే రెండడుగులు ముందే ఉన్నారు. ఆ జాబితాలో ఇటీవల ప్రముఖ నిర్మాత దిల్ రాజ్ చేరగా.. ఇప్పుడు సింగర్ సునీత, దర్శకేంద్రుడు రాఘవేంద్రరావు కోడలు కూడా చేరబోతున్నారు. ఇదివరకే నాగార్జున, పవన్ కళ్యాణ్ తో పాటు మరెందరో ఉన్నారు. కాకపోతే వీరి రెండో పెళ్లి చాలా పాపులర్ అయ్యింది.