Dhanurmasam rules:ఈ మాసంలో ఏ పనులు చేయాలి.. ఏవి చేయకూడదో తెలుసా...

విష్ణువు ఆరాధన..

హిందూ పురాణాల ప్రకారం, మార్గశిర మాసంలో శ్రీ మహా విష్ణుమూర్తికి ఎంతో ప్రత్యేకమైనది. ఈ కాలంలో గాయత్రీ మంత్రాన్ని జపిస్తే మంచి ఫలితాలొస్తాయని పండితులు చెబుతారు. ఈ నెలలో మీరు ప్రతిరోజూ స్నానం చేసిన తర్వాత విష్ణు సహస్రనామం, గజేంద్ర మోక్షం, భగవద్డీతను పఠించాలి. ఇలా చేయడం వల్ల మీకు కష్టాల నుండి విముక్తి లభిస్తుంది.

ధనుర్మాసంలో..

ఈ మాసంలో సూర్యోదయానికి ముందే అంటే తెల్లవారుజామున బ్రహ్మ ముహుర్తంలోనే నిద్ర లేవాలి. ఆ తర్వాత స్నానం చేసి.. పూజను ప్రారంభించాలి. సూర్యోదయం తర్వాత నైవేద్యం కూడా పారాయణం చేయొచ్చు. సాయంకాలం సమయంలో నక్షత్రాలు వచ్చే సమయంలో విష్ణుమూర్తిని ఆరాధిస్తే గొప్ప ఫలితాలొస్తాయట. ధనుర్మాసంలో కనీసం ఒక్కరోజైన శ్రీ మహావిష్ణువును పూజిస్తే ఎంతో పుణ్య ఫలాలు దక్కుతాయని నమ్ముతారట. ఈ మాసంలో నూనె స్నానాలకు ప్రత్యేకమైనదట.

ధనస్సు రాశిలోకి..

ధనుర్మాసంలోనే సూర్యుడు ధనస్సు రాశిలోకి సంచారం చేస్తాడు. ఈ కారణంగానే ఈ మాసాన్ని ధనుర్మాసం అంటారు. ఇదే రాశిలో సుమారు నెలరోజుల పాటు సంచారం చేస్తాడు. ఈ సమయాన్ని పవిత్రంగా భావించినప్పటికీ.. ఈ కాలంలో ఎలాంటి శుభకార్యాలు చేయకూడదనే నిబంధనలు ఉన్నాయి. ఇది జనవరి 14వ తేదీ వరకు ఉంటుంది.

ముఖ్యమైన పనులు వాయిదా..

జ్యోతిష్యశాస్త్రం ప్రకారం, ఈ కాలంలో సూర్యుని ప్రయాణం చాలా నెమ్మదిగా సాగుతుంది. గురుడి ప్రభావం కూడా తక్కువగా ఉంటుంది. ఈ కారణంగా దేవుడి పూజతో పాటు కొన్ని శుభకార్యాలు నిషేధించబడ్డాయి. సూర్యుని గమనం జనవరి 14వ తేదీ మకర రాశిపై ప్రభావం చూపుతుంది. ఈ సమయంలో సూర్యుని దిశ మారుతుంది. అప్పటి నుండి మళ్లీ శుభకార్యాలు ప్రారంభమవుతాయి.

ఏమి చేయకూడదంటే..

ధనుర్మాసంలో ఎలాంటి వివాహ కార్యక్రమాలు, నిశ్చితార్థాలు, వధూవరుల వివాహాలు చేయకూడదట. ముఖ్యంగా ఇంటి నిర్మాణాలు, ఇల్లు కొనడం.. కొత్త ఇంట్లోకి ప్రవేశించడం వంటి పనులు చేయకూడదట. మరోవైపు కొత్తగా ఏదైనా వ్యాపారం ప్రారంభించినా.. అనేక నష్టాలను ఎదుర్కోవాల్సి వస్తుందట. ఎందుకంటే ఈ సమయంలో సూర్యుడు బలహీనంగా ఉంటాడు. ఈ కారణంగానే శుభకార్యాలను చేపట్టకూడదు.

మరో కథనం ప్రకారం..

జ్యోతిష్యశాస్త్రం ప్రకారం, ఏడాది పొడవునా సూర్యోదయం సమయంలో ఎప్పుడూ అశ్వరథాల ప్రయాణం అనేది ఆగదు. అయితే ఎండలో కూడా వేగంగా పరుగెత్తే ఈ గుర్రాలు.. ధనుర్మాసంలో మాత్రం చాలా అలసిపోతాయట. ఈ గుర్రాల కష్టం చూసిన సూర్యుడు విశ్రాంతి తీసుకునేందుకు ముందు వాటిని చెరువు వద్ద నీరు తాగేందుకు తీసుకెళ్తాడు. అయితే ఇదే సమయంలో సూర్యుని రథం బలహీనంగా మారిపోతుందట. అప్పుడు తన గుర్రాలను చెరువు దగ్గర వదిలేసి గాడిదలకు రథానికి కడతాడు. అప్పుడు అవి బరువైన రథాన్ని నెమ్మదిగా లాగుతాయి. అందుకే సూర్యుడు ఈ నెల రోజుల పాటు నెమ్మదిగా ప్రయాణిస్తాడట. దీంతో ఈ సమయంలో సూర్యుని ప్రయాణం చాలా నిదానంగా ఉంటుంది.