Diwali 2021:దీపావళికి ముందే ఈ వస్తువులను ఇంట్లో నుండి తీసేయండి...!

పగిలిన ఫర్నీచర్..

వాస్తు శాస్త్రం ప్రకారం, పండుగ వేళ విరిగిన ఫర్నీచర్ ను ఇంట్లో ఉంచడం అశుభం. ఇలాంటి వస్తువులు మీ ఇంట్లో ఉంచడం వల్ల చెడు ప్రభావం కలుగుతుంది. మీ ఇంట్లో ఏదైనా టేబుల్ కుర్చీ లేదా మంచం విరిగిపోయినవి ఉంటే వెంటనే వాటిని ఇంటి నుండి బయటకు పారేయండి. అంతేకాదు.. ఇంట్లోని ఇతర ఫర్నీచర్ కూడా ఎల్లప్పుడూ కచ్చితమైన స్థితిలో ఉండాలని గుర్తుంచుకోండి.

విరిగిన పాత్రలు..

వాస్తు శాస్త్రం ప్రకారం, మీ ఇంట్లో విరిగిన పాత్రలు ఉంచకూడదు. ఇలా ఉండటం వల్ల మీ ఇంటికి చెడు వాతావరణం వస్తుంది. కాబట్టి దీపావళి పండుగకు మీ ఇంట్లో ఇలాంటి పాత్రలు ఏవైనా ఉంటే వాటిని వెంటనే తొలగించండి. లేదంటే లక్ష్మీ దేవి అనుగ్రహం మీకు లభించదు. అలాగే లక్ష్మీదేవికి ఆగ్రహం కూడా కలగొచ్చు.

విరిగిన విగ్రహాలు..

మీ ఇంట్లోని పూజ గదిలో మరియు ఇతర గదులలో విరిగిన విగ్రహాలు వెంటనే వాటిని తీసేయండి. ముఖ్యంగా దీపావళికి ముందు మీ ఇంట్లో వాటిని ఉంచొద్దు. కాబట్టి ఇప్పుడే మీ ఇంట్లోని దేవుని విగ్రహాలను ఒకసారి గమనించండి. అందులో ఏ విగ్రహాలు లేదా చిత్రపటాల్లో చిన్న చీలికలు వచ్చినా వాటిని తొలగించండి. వాటి స్థానంలో కొత్త దేవుని విగ్రహాన్ని ప్రతిష్టించండి. దీని వల్ల మీకు, మీ కుటుంబానికి మేలు జరుగుతుంది.

పగిలిన గాజులను ఉంచొద్దు..

మీ ఇంట్లో దీపావళికి ముందు పగిలిన గాజును ఎట్టి పరిస్థితుల్లోనూ ఉంచొద్దు. పొరపాటున మీరు మీ ఇంట్లో పగిలిన గాజులను ఉంచితే.. అశుభంగా ఉంటుంది. వీటితో పాటు పగిలిన బల్బులు మరియు పగిలిన అద్దాలు ఉంటే దాన్ని తొలగించండి. ఎందుకంటే పగిలిన గాజు ఇంట్లోకి నెగిటివ్ ఎనర్జీని తీసుకొస్తుంది.

చిరిగిన చెప్పులు, బూట్లు..

దీపావళికి ప్రతి ఒక్కరూ ఇంటిని శుభ్రం చేసుకుని.. అందంగా అలంకరించుకుంటారు. అయితే ఇంటి బయట ఉండే చెప్పులను, బూట్లను అంతగా పట్టించుకోరు. అయితే దీపావళికి ముందు చిరిగిన బూట్లు, చిరిగిన చెప్పులను ఉంటే బయటకు పారవేయాలి. దీని వల్ల కూడా మీ ఇంటికి ప్రతికూల శక్తిని వ్యాప్తి చేస్తాయి.

ఆగిపోయిన గడియారం..

వాస్తు శాస్త్రం ప్రకారం, మీ ఇంట్లో ఆగిపోయిన గడియారాన్ని ఉంచొద్దు. ఇలాంటి వాటిని ఉంచడం మీ ఇంటికి చెడు ఫలితాలు రావొచ్చు. ఎందుకంటే గడియారం ఆనందం మరియు పురోగతికి చిహ్నం. మీ ఇంట్లో విరిగిన లేదా ఆగిన గడియం ఉంటే.. వెంటనే వాటిని తొలగించి.. దాని స్థానంలో కొత్తదాన్ని తెచ్చి పెట్టండి.