కృష్ణాష్టమి 2019: కృష్ణుడికి అత్యంత ఇష్టమైనవి

1. వెన్న మిశ్రి

శ్రీకృష్ణుడికి ఇష్టమైన పదార్థాలు వెన్న, మిఠాయిలు, వాటితో ఉన్న అనేక కథలు. చిన్నికృష్ణుడికి పెట్టడానికి ఇవెంతో ముఖ్యపదార్థాలు.

2. ఇష్టమైన పువ్వు

శ్రీకృష్ణుడి అవతారంలో మహావిష్ణువుకి, అన్ని విలాసాలు ఇష్టం. సువాసనలు వెదజల్లే మల్లె, మోగ్రా, పారిజాతం పువ్వులు అతనికి ఇష్టం. చిన్నికృష్ణుడికి ఉయ్యాల అలంకరిస్తున్నప్పుడు వీటిని మర్చిపోకండి.

3. ఇష్టమైన ఆకు

శ్రీకృష్ణుడు ఎప్పుడూ తులసి ఆకులతో బంధాన్ని కలిగిఉంటాడు. దీనికో ఆసక్తికర కథ కూడా ఉంది. తులసి నిజానికి మహారాణి అయిన వృంద, మహావిష్ణువు భక్తురాలు. కానీ ఆమె భర్త శంఖాసురుడిని చంపటానికి మహావిష్ణువు ఆమెను మోసం చేసాడు. తనతోనే ఎల్లప్పుడూ ఉంటాననే వరం, విష్ణుమూర్తి ఇచ్చాక ఆమె తన జీవితాన్ని ముగించింది.

4. ఇష్టమైన రంగు

శ్రీకృష్ణుడికి ఇష్టమైన విషయాల గురించి మాట్లాడుకునేప్పుడు మీరు ఇష్టమైన రంగు గూర్చి తెలుసుకోవాలనుకుంటారు.విగ్రహాలను రకరకాల రంగుల్లో అలంకరించినా ఎక్కువగా వాడేది పసుపు మాత్రమే. బాలగోపాలుడ్ని మీ ఇంటికి ఆహ్వానించటానికి ఈ ఏడాది పసుపు ధోవతులు, ఎర్ర తలపాగాలను కొనండి.

5. పాలు మరియు తేనె

ఇది కేవలం నైవేద్యమే కాదు, చాలా ఇళ్ళలో చిన్ని కృష్ణుడి విగ్రహాలను పాలు,తేనెలలో స్నానం చేయిస్తారు. జన్మాష్టమి నాడు పంచామృతంగా కూడా పాలు మరియు తేనెలను వాడతారు.

6. నల్లనివాడు కూడా కదా మరి!

అతనికి పసుపంటే ఇష్టమని ముందే తెలుసుకున్నారు. నీలిరంగును ఎలా మర్చిపోతారు?కృష్ణుడికి ఉన్న అనేక పేర్లలో ‘నీలాంబరుడు' అంటే నీలి వస్త్రాలు ఇష్టమైనవాడని అర్థం. విగ్రహాలు, చిత్రాలలో కృష్ణుడు నీలివస్త్రం ధరించడం చూసే ఉంటారు.

7. తలలో నెమలిపింఛం

శ్రీకృష్ణుడి గురించి తెలుసుకోవాల్సిన విషయాలలో ముఖ్యమైనది ఇది. దీని నుంచి అతన్ని ఎవరూ విడదీయలేరు. ప్రతి చిత్రం, విగ్రహంలో చేతికి, తలలో కృష్ణుడి నెమలి పింఛాన్ని చూసేవుంటారు.