మార్గశిర మాసంలో మంచి ముహుర్తాలుంటాయా? పెళ్లిళ్లకు ఈ నెల మంచిదా? కాదా?

ఈ నెలలో పెళ్లి చేసుకుంటే..

శ్రీమహా విష్ణువుకు ఎంతో ప్రీతికరమైన మాసం మార్గశీర్షం. శ్రీక్రిష్ణ పరమాత్ముడు భగవద్గీతలోని విభూతియోగంలో.. ఈ కాలంలో పొలాల నుండి ధాన్యం ఇళ్లకు చేరి ప్రజలు సంతోషంగా ఉంటారని.. అందుకే ఈ మాసాన్ని ఉత్తమ మాసంగా పరిగణిస్తారు. అందుకే ఈ మాసంలో పెళ్లి చేసుకుంటే తమ జీవితం సంతోషంగా ఉంటుందని చాలా మంది నమ్ముతారు.

ధనస్సులోకి సూర్యుడు..

ఇదే మాసంలో నవ గ్రహాలలో రాజుగా పరిగణించబడే సూర్యుడు కూడా ధనస్సు రాశిలోకి ప్రవేశిస్తాడు. ఈ కాలాన్ని ధనస్సు సంక్రాంతి అంటరు. ఇది చలికాలం ఆరంభాన్ని సూచిస్తుంది. 2021 సంవత్సరంలో డిసెంబర్ 16వ తేదీన సూర్యుడు ధనస్సులోకి సంచారం చేయనున్నాడు.

Margasira Month 2021:మార్గశిర మాసం ప్రత్యేకతలేంటో తెలుసా...

ఎన్నో పండుగలు..

మార్గశిర మాసంలో గీతా జయంతి, దత్తాత్రేయుని జయంతి, అయ్యప్ప స్వామి మండలి పూజ ప్రారంభం వంటి ఎన్నో పండుగలు వస్తాయి. శ్రీ మహా విష్ణువుకి ఎంతో ఇష్టమైన మాసంగా మార్గశిర మాసాన్ని చెబుతారు. ఈ నెలలో భక్తి శ్రద్ధలతో విష్ణుమూర్తికి ప్రత్యేక పూజలు చేస్తే ప్రతి ఒక్క కోరికా నెరవేరుతుందట.

చాలా రోజులు మంచివే..

మార్గశిర మాసంలో దాదాపు అన్నీ రోజులు మంచిగా ఉంటాయని పండితులు చెబుతారు. ఈ నెలలో శుభకార్యాలు ప్రారంభించడానికి సమయం ఎంతో అనుకూలంగా ఉంటుంది. ఈ మాసంలో వివాహం చేసుకోవడానికి ఎన్నో అనుకూలమైన తేదీలు ఉన్నాయి. ఇప్పటికే 9,10, 11, 12వ తేదీల్లో మన తెలుగు రాష్ట్రాల్లో వేలాది వివాహాలు జరిగాయి. డిసెంబర్ 9వ తేదీన బాలీవుడ్ ప్రముఖులు కత్రినా కైఫ్, విక్కీ కౌశల్ కూడా హిందూ సంప్రదాయాల ప్రకారం ఘనంగా వివాహం చేసుకున్నారు. అదే విధంగా 17, 18, 19వ తేదీన కూడా మరికొన్ని వివాహాలు జరగనున్నాయి. వీటితో పాటు నెలఖారులో కూడా చాలా మంది బ్రహ్మచారులు పెళ్లిళ్లు చేసుకోవడానికి రెడీ అవుతున్నారు.

ధనుర్మాస వ్రతం..

మార్గశిర మాసంలోని గురువారాల్లో శ్రీ మహాలక్ష్మీదేవిని పూజిస్తూ.. ‘మార్గశిర లక్ష్మీవార వ్రతం' చేయడంతో పాటు, ద్వాదశ అభిషేకం వల్ల మీ కుటుంబంలో అందరి ఆయురారోగ్యాలు మెరుగుపడతాయి. ఈ మాసంలోనే ధనుర్మాసం ప్రారంభమవుతుంది. ఇదే సమయంలో ధనుర్మాస వ్రతాన్ని ఆచరించి ‘మదుసూదనుడు' అనే నామంతో శ్రీమహా విష్ణువును ఆరాధించాలి.