Lunar Eclipse 2020 : చంద్ర గ్రహణం సమయంలో ఈ విషయాలను మరువకండి...

వీరిపై ప్రభావం..

ఈ చంద్ర గ్రహణం వ్రుషభం, రోహిణి నక్షత్రాన్ని ప్రభావితం చేస్తుందని.. వీటితో పాటు మిగిలిన రాశిచక్రాలపైనా ప్రభావం ఉంటుందని జ్యోతిష్యశాస్త్ర పండితులు చెబుతున్నారు. ప్రతి గ్రహణానికి సూతక్ కాలం ఉంటుందని ఈ సమయంలో మంత్రాలు జపించి ద్యానం చేయాలి. అయితే ఇప్పుడొచ్చే చంద్ర గ్రహణంలో సూతక్ కాలం ప్రభావం ఉండదు. ఎందుకంటే ఇది పెనుంబ్రాల్ గ్రహణం కాబట్టి. అందులోనూ ఇది మన దేశంలో కంటికి దాదాపు కనిపించదు.

పురాణాల ప్రకారం..

హిందూ గ్రంథాల ప్రకారం గ్రహణం సమయంలో ప్రతికూల శక్తులకు పవర్ ఎక్కువగా ఉంటుందని.. ఈ సమయంలో సూర్య, చంద్రులు బలహీనపడతారు. కాబట్టి దీని ప్రభావం మనపై కచ్చితంగా పడుతుంది.

ఏమి చేయాలంటే..

నవంబర్ 30వ తేదీన రాబోయే గ్రహణం పెద్దగా ప్రభావం చూపదు. కానీ ఈ సమయంలో ఎలాంటి ఆహారం తీసుకోకూడదని పండితులు చెబుతున్నారు. ఒకవేళ ఆ సమయంలో ఆహారం తీసుకుంటే, తర్వాతి మూడు రోజులు ఉపవాసం ఉండాలట.

నిద్రపోకూడదు..

హిందూ శాస్త్రాల ప్రకారం చంద్ర గ్రహణం సమయంలో నిద్రించడం అనేది నిషేధించబడింది. అలాగే మీరు మీ భాగస్వామితో కలయికలో పాల్గొనకూడదు. ఈ సమయంలో రతి క్రీడ అనేది దుర్మార్గమైన చర్యగా పరిగణించబడుతుందట. ఇలా చేస్తే ప్రతికూల శక్తులను మీరు దగ్గరుండి ఆహ్వానించేనట్టే. అదే విధంగా గ్రహణం సమయంలో జంతువుల మీద (ఉదాహరణకు పెంపుడు కుక్కలపై సరదాగా కూర్చోవడం) కూర్చోవడం వంటివి చేయరాదట.

పూజలు చేయాలి..

చంద్ర గ్రహణం సమయంలో దేవుడిని జపించాలి. ఈ సమయంలో చేసే జపాల వల్ల మీకు రెట్టింపు ఫలితం వస్తుందట. ఈ సమయంలో చేసే పూజలకు విశేషమైన ఫలితం ఉంటుంది. అలాగే గ్రహణ నివారణ పూజలు చేయాలి. మీ ఇంటి గుమ్మానికి.. చాలా మంది వారి ఇళ్లలో చెట్లను లేదా మొక్కలను పెంచుకుంటూ ఉంటారు. అయితే గ్రహణం సమయంలో బ్రహ్మ దండు చెట్టును తెచ్చుకుని మీ ఇంటి గుమ్మానికి కడితే మీకు తిరుగు అనేదే ఉండదు. మీకు ఎన్ని కష్టాలున్నా తొలగిపొతాయట.

దానం చేయాలి..

చంద్ర గ్రహణం సమయంలో పేదలకు దుస్తులను లేదా ఏదైనా ఆహార వస్తువులను దానం చేయాలి. నిరుపేదలకు మీకు తోచిన విధంగా ఎంతో కొంత ఆర్థిక సహాయం చేయాలి. అలాగే గ్రహణం తర్వాత చల్లని నీటితో బట్టమీదనే స్నానం చేస్తే మంచి ఫలితాలొస్తాయట.